وحَدي تعلمَت
ما رَدت عَون إنسان
تَلوينَي المُصايب
وأرجع الوَيها
عزة نَفسي جُندي
مِن أعثَر ارمَي الروح
أكتَلها ولا للأسر أنطيها.
~~~~~~~~~~~~~~~
ادري الماي يمك واني عطشان ،
والدرب شمرة عصى ما بينك وبيني،
ارجع للنهر ممشى عشر سنين،
ولا شمرة عصى منك ترويني.
~~~~~~~~~~~~~~~~~~
گِتلي مـِن تُعطش ترَويك الچَفوف
و هَذا آنه العَطشان وين أچفوفك
وگِتلي من تستاحش بَروحيَّ طُوف
شـَو عليَّ شَحيت حتى طيَوفك
عَاد يا بَذات لـَو رايد تُعوف
عَوف بـَس تنكَر تعَض چفَوفك
صَار مَلگانهَ أسطوانَه إعلى الرفُوف
وحُبنه مَات أستشَهد أعلى چفوفك.
~~~~~~~~~~~~~~~~~~~~
وتِدري مِنك
لو تِصِح كِلمة شِلوّنَك ؟
چا گِلِتلَك إنتَ لوّني ، وباهتة
سِنين العُمُر مِن بَعد لوّنَك .
~~~~~~~~~~~~~~~~~~
من اتعب واحس نفسي ازدواجي
تخلص طاقتي ويبدي
احتياجي
لهدوئك ولحضنتك
ابدي احتاج
الگهوة وعينك يعدلن
مزاجي.
~~~~~~~~~~~~~~~~~~~
اشهك سنين وارد وانفخ بالوجه دخان
خاناني الوكت والصحبة والحيل
وباكيت الجكاير ابد ماخان
~~~~~~~~~~~~~~~~~~~~~
خَليني جِگارة بچفك المَتعُوب
ورَثني أعلى گيفك سَاعة الخنگة
وأحرگني گبل لا تحترگلك رُوح
وأشهگني لِون ترتاح بالشِهگة
~~~~~~~~~~~~~~~~~~~~~
