بنت بوسط عيال

12

بعد ما مر اسبوعين جا حاتم بيتنا وطلبني من ابوي رسمي وقتها كملت ١٨ وكانت احلا هديه من احلا حتومي بدنيا ، طبعا عمي النشبه ماحس الوضع طبيعي وكان ينحز لابوي ان بيني وبين حاتم علاقه سابقه لكن ابوي وبحكم ثقته الكبيره فيني وافق ، كان حاتم عارف ان النادي باقيله قليل ويخلص ومابيمدي نلتقي كل يوم فكان ذا احسن قرار والحقيقه فرحت كثير انه صادق بحكم انها اول علاقه لي ومتخوفه كثير لكني حبيته من قلب قلبي

١٠:٥٢ص

في صباح اليوم نزلت متوجهه للمسبح لكني سمعت صوت غريب بالسيب الي تحت الدرج رحت من الجهه الثانيه واحاول بقدر الامكان مايطلع مني صوت شفت عمي زانق امي بالحيطه ويهمس لها بصوت قدرت اسمعه : بتعطيني المبلغ كامل ولا ماضيك ينرسل لابو عيالك؟
امي كانت تحاول تفك منه لكنه خفف قبضته عليها عشان تتكلم وقالتله: حسبي الله عليك خلني اعيش اتركني بحالي
ابتسم بخباثه وهو يرفعها من ملابسها ووجهه قريب من وجهها: انا لي جبتك هنا وخليتك بنت عز لاتحسبين طول ذي السنين ساكت وناسي مافي شي بدون مقابل ٥٠ الف لذا الشهر واتركك بحالك عندك مهله اسبوع تدبرينها لي فاهمه
رماها على الجدار وتحرك يطلع من المكان الي هو فيه، اول ماتركها حاولت اختبي بدون ينتبهون لوجودي شفت امي وهي تغطي وجهها وتبكي وهي تتحسب عليه ، جاني ايرور وش الماضي الي مخبيته امي عن ابوي؟ ووش الي يعرفه عمي وحنا مانعرفه ، كلنا ندري مافيه خير وانسان سافل ووصخ بس يهدد امي ببيتها سلامات؟ مسوي المستشرف عند ابوي وهو اخرتها اكثر واحد فالت تربية شوارع اقسم بالله ، صعدت غرفتي بعد مانسدت نفسي عن اي شي اليوم وعقلي مشغول ابي القى حل انصر امي فيه ابي ابوي يعرف حقيقة السافل الي ستأمنه على بيته وزوجته ، ماستوعبت الا واوس يفتح الباب وهو يعجلني عشان تاخرت لبست بسرعه ونزلت حصلت عمي يناظرنا من النافذه اما اوس جلس بسياره ، عيوني كانت متوجهه على عمي لين حركت السياره وطلعتها من الفله ونا ابدا مو مرتاحه له
وصلت النادي نزل اوس وقبل يسكر الباب ناظرني:مابدك تنزلي اختي؟
قلتله واخلاقي بخشمي:ياتتكلم زي الخلق يالاتكلمني فاهم
سكر الباب وهو زعلان لكني ماهتميت ابدا مو عاجبني انه يتجرد من هويته ويغير كلامه ماحبيت ابدا لو جات على كلام كان زين لكنه حتى لبس وحلاقه يبي يصير زي خويه الشامي وماحبيت ابدا خل يبني شخصيته بنفسه ولوكه الخاص بلاش تقليد!
حركت السياره وشفت فهد الي كان واقف مع شلة حاتم ويخزني بنظراته وجهت نظري للشارع وكنت بدعم بحاتم الي واقف بنص الطريق، وقفت السياره بسرعه وفتحت النافذه:خبلل انتت لو دعمتك!
جا صوب النافذه وهو يبتسم:احلا موته بحياتي بتصير
قلبت عيوني ومارديت لكنه ديور لكرسي الراكب وجلس: وين رايحه؟
سدن: عندي مشوار بسيط وبرجع
حاتم: توكلي

٣:٣٣م

دخلت انا وحاتم المدرسه ووقعنا تاخير لكن دشينا الكلاس وماقال المدرب شي بحكم اننا ماهرين مرا لكن نظرات فهد ابد مابشرت بخير والواضح انه عرف بموضوع الخطبه وكانت نظراته مرتكزه على يدي الي فيها الخاتم ،عدا اليوم وانا سارحه بافكاري حتى حاتم خاف عليا والشله كانت تسولف لكن واضح اني مو معهم جا اوس الي ماكان يكلمني وقلتله مقاطعه سوالفهم كلهم :امش بنمشي
ناظرني بطرف عينه وتعلق بيد عبدالله وهو يناظره ومسوي بوجهه نفس ذاك الفيس: عبودي بتقدر توصلني بطريقك؟
عبدالله الي ماقدر يرفض ذا الوجه: عيون عبودي انت تامر
خزيت اوس ومشيت تاركته كان فهد واقف عند سيارتي لما طلعت ، ماعطيته وجه وركبت لكنه مسك الباب قبل اسكره: وصلت فيه انه يتزوجك؟والله ماتتهنون انا كنت ابيك قبله وانا الي باخذك
دعست بسياره بقوه متجاهلته وطلع صوت قوي لفت الي كانو قريب مننا ، لكن ماهتميت وكملت طريقي للبيت لما وصلت ماحصلت سيارة عمي دخلت البيت انادي انادي شيكت على غرفة امي مافي احد رحت على طول وركبت الكميرات الي شريتها العصر، خلصت بعد ماركبت بغرفة عمي والسيب والصاله وغرفة امي والمطبخ احتياط ، صعدت غرفتي قبل يجي احد وجلست اضبط الجوال لما طلعتلي الكميرات مضبوطه وواضحه ماتوقع احد ينتبه لها بذي الاماكن ، بذا الوقت سمعت صوت سياره وتوجهت للبلكونه شفت حاتم منزل اوس وحرك بعد ماتاكد انه دخل ، حرك بيمشي ولمحت سياره اعرفها زين وراه كانت تمشي

عند حاتم الي نزل اوس بحكم ان عبدالله جاه ظرف طارئ خلاه مايقدر يوصله ، انتظره لما دخل الفله وسكر الباب وحرك وهو بالطريق انتبه ان في سياره تلحقه قرر يضيعها بس بعد مابينت اكثر عرف انه فهد اتصل عليه وقاله:شتبي قاعد تلحقني هد سرعتك يارجال تخوف ، تبي تكلمني تقدر تتصل بلاش حركات المراهقين ذي
فهد الي رد وهو شاد على اسنانه:يمكن تندفن اليوم قبل يتم زواجك على البنت الي خذت قلبي ، مرا حبيبتك تموت المرا الثانيه انت الي تموت
حاتم بقهر: وانت اي انسان احبه تحط عينك عليه سدن لي واعلا مابخيلك اركبه
فهد بعصبيه: اييهه قلت لك خير ان شاء الله
سكر بعدها بوجه حاتم وكمل يلحقه وهو مو ناوي خير ابدا

عطوني رايكم وتوقعاتكم
العم وش شايف على ام سدن؟
فهد وش ناوي عليه
الخطه الي براس سدن وش هي؟؟
واي فكره او اضافه جديده هاتوها تفيدني وتسعدني
احبكم