بنت بوسط عيال

16

ريان: مادري وش قصدك بوش قصتك بالضبط لكني انسان عادي جاي اكمل دراستي واشتغل بشغل اضافي اكسب رزقي فيه

سدن: مو غبية عشان اصدقك لكن بمشيها لك 

قمت بعدها بدون ارد عليه وتوجهت للبحر كنت اتامل الشمس وهي تشرق وتذكرت كلام حاتم عن البحر وكيف مايحبه احس بمشاعر واجد واقوى شعور اني تسرعت بموافقتي وحبي له ماعرف عنه كل شي ولا ادري هو من ووش وراه؟ الشي الوحيد الي اعرفه حبيبتة الي ماتت وانه يتيم فقط ، تنهدة من افكاري والتفتت معطية البحر ظهري شفت ريان الي كان يشوفني من داخل الكوفي لكن ماهتميت كثير وصعدت السيارة راجعة لبيتنا 

وقفت سيارتي ونزلت وانا اكتب رسالة لفهد قفلت الجوال وكان حاتم جالس بالصاله وانظاره علي كان متوتر من رجوله الي تهتز وتكتيفة يده واضح انه معصب لما شافني وقف وهو يسالني بصرامه: وين كنتي لذا الوقت؟؟

ناظرته بهدوء وانا مستغربة من اسلوبة الي ماحد قد كلمني فيه وسؤاله الي حتى ابوي ماقدر سالني زيه ، قات بكل هدوء: صباح الخير 

نزل بذا الوقت ابوي وابتسم وهو يصبح علينا: صباح الخير ، صاحين بدري اشوف

انتبه ابوي لوقفة حاتم الي رد عليه بهدوء واضحة فيه العصبيه: صباح النور

فيصل: شفيك يبا عسى ماشر؟

حاتم : عمي يرضيك بنتك تطلع متاخر وترجع بدون تعطيني خبر وين كانت؟ 

فيصل وهو يوجة انظارة على بنته ويرجعها لحاتم: يايبا اسالها بهدوء واكيد بتجاوبك وانا واثق من بنتي مابتسوي شي ممكن يضايقك، تعالو افطرو وان شاء الله تحلونها بهدوء

نزلت امي واوس وجا عمي وفطرنا كلنا كان حاتم هادي بزيادة ويتجنبني كان شي يضايق واجد ، خلصت اكلي وصعدت غرفتي ارتاح شويا بعد مده فتح باب غرفتي ودخل وهو يقفل الباب ، كنت بذي الاثناء اشوف الكميرات لكن قفلتها بسرعة لما شفته ، جلس على السرير وهو يحاول يمسك نفسه ومايعصب: ابي شرح كامل وش صاير ووين كنتي

لفيت كرسي المكتب عليه وقلتله بكل هدوء: تدري؟

رفع انظاره لعيوني وهو يحرك راسه بمعنى شنو؟

كملت وانا اقوله: احس اني تسرعت بموافقتي عليك وحبي لك انا ماعرفك ولا اعرف شي عنك وبس تحاول تتهرب او ماترد اذا سالتك، شلون بكمل باقي عمري وانا مع واحد ماعرف عنه الا اشياء تنعد على الاصابع؟

حاتم: قصدك انك متحسفه وتبين تنهينا؟ 

ابتسمت بقهر : ذا الي فهمته من كلامي استاذ حاتم؟ 

حاتم بسخريه: وضحي كلامك استاذه سدن

سدن: قصدي انك تصارحني بكل شي يخصك اني اعرف اي شي عنك ، ممكن صعب عشانك ماقلته لاحد بس انا مو اي احد! انا بكون زوجتك وجزء منك ويحق لي مايحق لغيري!