بنت بوسط عيال

18

نزلت بعده وانا اتأفف وش الحل معاه؟ظليت امشي وراه وكان بيننا مسافة مو قريبه جلس هو ونا جلست بالمقاعد الي ابعد منه بشوي كان صوت الموج عنيف قال انو ابوه توفى بسبب الشي الي قدامي؟ هل ممكن جمال البحر يتحكم بحياة انسان ويحدد عقوبته؟ اهه يالبحر وش باقي من وجيه عندك؟ 
شفت واحد يجري بالمكان المخصص للمشي وكأنهههه ريان؟ اي والله ريان 

كان يجري بكل طاقته والسماعات باذنه فجاه لمح ذيك الانسانه خفف من الجري حقه وهو يتوجه للوحيده الغارقه بهواجيسها
التقت عيونهم وابتسم لها : سدن؟ 
سدن: وش ذي الصدفه
جلس جمبها وهو يمسح عرقه بالفوطه الصغيره الي بجنطته: شتسوين
سدن: ابد افكر
ريان:تراني مستمع جيد 
ضحكة: وليه اقولك؟
ريان بتفكير: ممكن عشان ترتاحين؟
سدن: كيف اعرف ماضي انسان بفتره محدده؟
ريان: اممم ماضيه كيف؟
سدن: مثلا ليه سافر لمكان محدد وممكن وش تكلم مع بعض الناس وكذا

حاتم بنرفزه وهو يتكي على العكاز(العصا): اها ذي شغلتك اجل
سدن : حاتم
حاتم مسكها من ايدها يسحبها له بقوه
ريان وقف وهو يفصل يدينهم: هد هد انا بقوم
وقبل يمشي همس باذن سدن:عطيني الاسم واجيبلك كل الي تبينه 
مشى بعدها وحاتم يراقبه لما اختفى ، التفت على سدن: تخونيني قدامي سدن انتي شنو؟ماتسمعين كلامي تتصرفين بدون علمي وتكلمين غيري؟
سدن: وربي شفته صدفه وهو الي جا! واصلا ماكانت النيه اجي هنا بس لانك نزلت نزلت وراك 
حاتم: ووين كنتي ناويه تروحين استاذه سدن
سدن:شركة ابوي
كان بيتكلم لكنها قاطعته: انا مو مجبره ابرر واعلمك كل شي انت اخترتني وانا كذا ومقرره ادرس واروح واكلم الي ابي، اهلي وثقو فيني اذا انت مو واثق توكل ماراح اتحمل اعيش مع انسان يحاسبني على الكلمه ويفسر تصرفاتي او اي شي اسويه بكيفه

تركته ومشت 

وصلت بيت فهد بعد ماتصلت على سيف الي اكد عليا ان المربيه كويسه للحين ، نزلت عشان اتطمن على البنت اول مادخلت وقفت شويا اشوف فهد الي جالس بدون اي حركه ، التفت فهد يمين ويسار وقال بتساؤل: سدن؟؟
تنهدت ونا اشيل الطفله الي جات صوبي: هلا بحلوتي
كانت عيوني تراقب المربيه انسانه كبيرة بالعمر شوي حنونه على الاطفال حسيت انها شبه مثاليه ، نزلت البنت وخليتها تلعب وجا وقت اكلها وقررت انا الي اوكلها وكان شي لطيف الكائنات هاذي عسل عسل شلون ماناكلهمم؟ 
شفت الساعه وحسيت الوقت تاخر وقررت اطلع كان فهد يحاول يكلمني بس ماعطيته وجه ، ركبت السياره وكلام ريان للحين براسي اخذت جوالي بعد ماشفت رسالة ابوي انه متوجه للمطار ارسلت له اني بوصله ووافق ، مريت البيت وركب ابوي معاي كان يسولف عن وش بيسوي طول الرحله وبكل ثقه يقول لو حتجتو شي كلمو عمكم مشعل! 
سدن: بابا
فيصل: عيونه
سدن بتردد: عمي متى بيمشي؟
فيصل: ليه يبا بيت اخوه بدال ياجر له ياكبر البيت وياكثر الغرف
سدن: يعني انت مو فيه واغلب وقتي واخوي برا مو حلوه بحق امي خاصه الجيران عندهم كميرات ويعرفون الرايح والجاي وش بيقولون عنها؟ 
فيصل بتفكير: ماجات ببالي اي والله ماتنفع بحق زوجتي، لكن هو بحسبة اخوها ونا واثق فيهم اثنينهم 
وصلنا المطار واخذنا قهوه وجلسنا نسولف لما جا وقت الرحله وودعت ابوي بعدها رحت مدرسة اوس بما انه خلص دوام 
اوس: غش بابا يمشي بدون اشوفه
سدن:شفته الصبح 
اوس:بس انتي شفتيه مرتين!
سدن: ياليل لاتصير بزر باليل بيوصل وتقدر تكلمه 
قلب عيونه وهو يتحلطم: ابي ايسكريم 
وقفت واخذت لي ايسكريم فانيلا بالمانجو واوس اخذ ايسكريم شوكلت مع قطع جالكسي

وصلنا البيت ، كان وجه امي قالب وواضح ان فيه شي 
اوس: ماما شفيك
حصه: ابد ياعيون ماما كنت اقطع بصل ودمعت عيوني 
طبعا طبعا طبعا واضح انها تكذب بس معليه بشوف الكميرات واعرف
حصه: وين حاتم عنكم؟
اوس: اسالي سدن انا شدراني
ناظرتني امي :كلمه واحد من العيال وراح له 
توجهت للدراج ونا اقولهم: تعبانه شوي بروح اريح، اوس مابروح اليوم بنام
اوس: لييهه

عطيته طاف ومشيت متوجهه للكميرات كان عمي ماسكه من زندها وهو يسالها عن المبلغ وامي تترجاه يستر عليها 
.
.
.
دخل مشعل وتكلم وهو وراها: مافي غيرنا بالبيت 
انتفضت حصه من صوته وهي تدعي تصير معجزه ويجي احد 
توجه لها بخطوات هاديه:شفيك خايفه خلينا نلعب شوي
دفعته عنها: المبلغ بيجيك قريب مايحتاج
مشعل: هممم ابيه الليلة
حصه: ماقدر ماقدر بيشك فيصل 
مشعل: شكلك تحبين فيصل، وهو يحبك هممم؟
حصه وعيونها تدمع:تكفى
مشعل  :ولو عرف وش كنتي وليه تزوجتيه تتوقعين بيبقى يحبك؟
حصه:ابعد عني فكني من شرك تكفى ، تكفى تهز رجال بس نسيت منت منهم 
مسكها من زندها وقلبها لما لصقت بالجدار ويدها ورا ظهرها ، وظهرها مقابله وهو ضاغطها بالجدار: اذا انا مو رجال انتي شنو يالمستشرفه؟
رماها على الارض وناظرها بزدراء:بكرا ان ماوصلني المبلغ بعلمك الرجوله صح
.
.
.
قفلت الكميرات وفي بالي اني لازم اخلصها قبل بكرا ،تذكرت كلام ريان وحسيت ماعندي حل غيره نزلت ونا ادعي احصله الحين 
وصلت دانكن وبقيت قاعده لين 12 اليل لما الله فرجها ووصل ريان رحتله: مابغيت تشرف!
ابتسم: اوه ماتوقعتك تجين الصدق
سدن لو عندي حل ثاني ماكان جيتك 
ابتسم: عطيني الاسم والوقت والمكان وكلها يومين وتكون المعلومات عندك 
سدن بتردد: شرايك تعلمني ونا ادور المعلومات بروحي
ريان : توتو طرق سريه 
سدن: مشعل رياض ال*****
ريان:05*******
بسرعه سجلت الرقم وقال: ارسلي الي تبينه 
سدن: تقدر تخلصها بكرا؟
ريان :مستعجله؟ ماتوقع اقدر لكن بحاول

تنهدت ونا امشي متوجهه للسياره وماعندي حل غيره ، حطيت راسي ونا احاول ارتب افكاري تذكرت ادوية حاتم ماجا للحين اكيد ماخذهم رحت البيت مسرعه اخذت الادويه ورجعت بطلع لكن كان عمي واقف قدامي:على وين ان شاء الله 
ماهتميت وكنت بعديه لكنه مسكني: طلعه من البيت مافي وش بيقولون الناس عنك؟
طقيت رقبته ولويت يدها عكفت رجله وطاح وهو مو مستوعب شسويت له ابتسمت بعد ماستفدت من تعليماتي على اكثر شخص كريه ، كملت للسياره وتوجهت لشقة حاتم

بارت مليان احداث عطوني رايكم 
ريان؟
سدن؟
حاتم؟
مشعل؟
50 كومنت 
25 نجمه وانزل البارت الجاي