ماينأخذ طيِر وراعيه صَقّار ... و ماتنأخذ مهره وراعيها خيّال

التعريف + البارت الاول🤎

بسم الله الرحمن الرحيم نبدأ

الشخصيات بتعرفونها مع الوقت بعرفكم على الاسماء

اليد: محمد
اليده: حمده

عيالهم: ( عبيد ، نوره ، عوشه )

ولده العود: عبيد
حرمته: هاجر
عيالهم:
ولدهم العود:هزاع
بنتين الوحيده: شما
اخر العنقود: ذياب

اكبر بناته :نوره
ريلها: سالم
عيالهم:
ولدها العود(البطل) : نهيان
اخر العنقود: الريم

اخر العنقود : عوشه
ريلها: علي
عيالها:
ولدهم العود : حميد
بنتهم الاولى: شيخه
اخر العنقود من البنات ( البطله) : مهره
اخر عنقود البيت التوأم: حمد و حمدان

................................................................................................................................................

بيت عوشه
مهره: امايه دخيلج بسييير لها
عوشه : مهاري فديتج منقود الحين تسيرين في عز القايله شو بيقولون فالته بنتها؟
مهره: ماعليج محد بيقول بعدين الريم زقرتني اي
عوشه: تريي يأذن العصر وصلي وسيري جيه مستعيله؟
مهره: امايييه دخيلججج بسير ولا بسوي صدعه و لا بنأذي خالوه نوره ولا بنسوي شي بس بنيلس في الحجره
حميد ياي من فوق : بلاج يا صدعه الواحد يبا يقيل
مهره : ابا اسير بيت خالوه نوره
حميد : لا
مهره: طاعووو الثاني مالك دخل
حميد: امايه نهيان رد من السفر وخالوه مسويه عزيمه في اليل
مهره: ردددد! لاااااا يعني مابسيييير ليششش ياااه اوفييييهههه
حميد: ياربي الله رزقني بأخت صدعه شو تبينه يعيش برع بعدين يقولون الحمدلله على سلامته الريال راد من علاج
مهره ردت ظهرها على الكنبه: الحمدلله على سلامته ما يشوف شر اهم شي رضاك الشيخ حميد
حميد ضحك ويلس عدالها : بلاج مبوزه وين تبين تسيرين وحاضرين من عيوني بس بيتهم لا غناتي مهاري الريال يبا يرتاح
شيخه: هييييه حوطوا وانا ازخ الصدعه هذيلا امايه عيالج متى بيكبرون تعبت
مهره: يوم امايه حامل داقه الصدر بزخهم و بزخهم و الحيييين شو يسكر لغبج من الشكاوي
شيخه: جب انتي الثانيه ما قالت بتساعدني
عوشه : بس بس شو هالصدعه ابوكم راقد
مهره: هب راقد توني سايره له وقالي اسألي امج
حميد: قومو شيخوه و مهاري بدلوا بنتحوط
عوشه تطالعهم: ماتبون حمد و حمدان بيونسونكم
مهره و شيخه : لااااا
عوشه تضحك: سيروا الله يحفظكم وتقّفوا
قاموا شيخه و مهره بسرعه يبدلون
شيخه لبست مخوره بخوار طباعه عاديه
مهره لبست مخوره بخوار عربي
وفوقهن العبي وخذوا شنطتهم ونزلوا لحميد الي كان يترياهم في السياره
مهره بصدمه: وينه؟
عوشه: يترياكم في الموتر
شيخه ودعت امها وطلعت
مهره سارت حبت امها على راسها و حبت اخونها وروحت

بيت نوره
الريم نازله من حجرتها تبا تشوف شو الوضع تحت عشان مهره وتنصدم من وجود نهيان
الريم: نهياااااانننننن متى يييت
نهيان يحضن اخته ويضحك: صباح اليل حبيبتي
نوره: توها تطلع من جحرها ولا تعرف شو يستوي برع
الريم تصيح: الحمدلله على السلامه ليش ما قلت لي ها وانا عازمه مهاري
نهيان: ليش تصيحي فديتج والله يسلمج
نوره: ماظني بتي
الريم :صبر بدق لها
دقت وحاطه سبيكر لان تصب لها ولكل الي في الصاله جاهي سليماني ( احمر بنعناع)
مهره: هلااااا والله الي تباني اي واخوها موجود
الريم تضحك لان سبيكر : اهلييييين والله توني دريت يايه اخبرج
مهره: حبيبتييييي انا توصلني العلوم لو وين ما اكون
الريم : اكيد ثرج تخلين بقعه ماتسيرينها
مهره: برايج حد قالج حبسي عمرج في البيت الحواطه متعهههه
الريم :اسمها هوامه
مهره: جب بس تراني طالعه ويا حبيبي
الريم الي حست انها يابت العيد وهي حاطه سبيكر : ها؟
مهره: اونه ها يعني منوه حميد طالعه احوط وياه يراضيني
الريم: ليش ان شاء الله
مهره: لاني كنت ابا اي عندج وقالي لوء لان اخوج موجود
الريم تضحك: قالج لوء ومن متى انتي تتغطين عن نهيان
مهره: سألي الي عدالي هو وامايه يقولون لي عيب و عيب ولا انا ولا عليه
نهيان يضحك: اشكرج الصراحه بس تراج سبيكر
مهره: واخيبتييييييي
وتبند التليفون
الريم : ليش تتكلم
نهيان : استر عليها اشوفها بدت تخورها
نوره: شعنه ماتستوين شراتها ماتخلي بقعه
الريم: والله انتي و خالوه عوشه عكس بعض خالوه تبا تيلسها في البيت وانتي تبين تطلعيني

اتمنى انها تنال اعجابكم 🫶🏻