ماينأخذ طيِر وراعيه صَقّار ... و ماتنأخذ مهره وراعيها خيّال

البارت الثامن

بسم الله الرحمن الرحيم

وصلوا المطار نزلوا في ميونخ وركب كل واحد سيارته وتجهوا ل النمسا ثلاث ساعات ب سياره

الريم: مهاري ابا كرك
مهره: حد قالج انا محمدوه؟
الريم: دخيلج سوي يوم بنوصل راسي مصدع
مهره انسدحت : ياروحي انتي بوصل وبنخمد
حميد: يا صدعه تبون شي من الكوفي
مهره قامت: هيه انا ابا كوفي
الريم: ماشاءالله الكوفي نطيتي ولا يوم انا اقولج ماتحركتي
مهره: شو بستفيد من كلامج ؟ ولا شي
الريم بمستحى: حميد حتى انا ابا
حميد: حاضرين
نهيان: بننزل قفلوا الباب
مهره: اوكيه
نزلوا حميد و نهيان يشترون في الكوفي
لفت مهره على الريم وتربعت
مهره بنص عين: الرييييم
الريم: بسم الله الرحمن الرحيم بلاج
مهره: شو الي توا ستوا
الريم: شو
مهره: شو الي شو انتي تحبيييين حميييدوووه؟
الريم : ها؟ لا منوه قال
مهره : عيني عينج يالخروط
الريم: مدري
مهره: يعني هيه
الريم: مدري لا تسألين احس يعني هو good person
مهره: good person عيل
الريم استحت: جب يا حيوانه
مهره: الريم تحبين حد؟ لا،  الريم حد في قلبج؟ لا ،وفي النهايه good person 
الريم غمضت عيونها و حطت ايدها على اذنها
بطلت مهره الباب لحميد و نهيان
الريم: جب جب جب جب ما بسمع صوتج
حميد: بلاها هاي تلبست؟
الريم بطلت عينها بصدمه: حميد؟
مهره ميته ضحك ويها حمر
نهيان: حوه تنفسي بتموتين
مهره وهي تضحك: بموت بموت ويه الريم
الريم ضربتها: قولي انهم يووو
حميد: شو السالفه
الريم: ماشي
مهره تضحك: ماعرفتج تستحين
الريم ضربت مهره على ريلها : مهره جب بقوم بصفقج
مهره حاطه ايدها على حلجها تحاول تسكت: تمام تمام
نهيان : اللهم اشفي مرضانا
مهره تتنفس عقب الضحك: ماستوى شي يلا نتحرك
حميد: يلا كل وحده تشل كوبها
الريم : اي واحد
حميد عطاه الريم الكوب و مهره تتبسم و الريم مستحيه
نهيان: شو وضعكم شو وراكم من بلا انتن الثنتين
مهره: ماشي ما بلانا الا العافيه
نهيان: والريم شو مستوي فيها منطبه
مهره: تستحي تستحي
حميد باستغراب: الريم تستحي ؟ من منوووه ماعرفتج الصراحه
الريم عصبت: مالت عليكم هب ويه حد يتلوم منكم و لا يحسب لكم حساب
حميد: هدي هدي نحن اسفين
الريم سكتت
مهره: مالت عليكم انتوا كلكم نهيان شغل شي دخيلك
نهيان بدا يحط اغاني لين وصلوا قريب كابرون وساروا فندقهم صوب الريف
مهره: يجننن المكان
الريم: شو شفتي غير الشير
مهره: احلى شي اصلا الخضار
الريم: عيوز عيوز
مهره: شوفي شوفي والله مناظر تجنن
نزلوا الفندق وكان في اليل كل حد سار حجرته ورقد

اليوم الثاني

قامت مهره الساعه ست تلبست و تجهزت ونزلت تحت الكوفي ولقت نهيان يالس
مهره ابتسمت: صباح الخير
نهيان ابتسم : صباح النور شو مقومنج
مهره: في شي يستاهل اقوم الصبح حقه ويت اروق
نهيان ابتسم: يحافظ ، اطلب لج؟
مهره: لا يزاك الله خير بسير اطلب
سارت وطلبت لها كوفي و كرواسون ودفعت يلست تاكل 
نهيان: خصلتي؟
مهره: هيه
نهيان : بوديج مكان حلو يلا
قاموا وطلعوا من الفندق و تمشوا شوي بعدين في نزله
مهره: وين سايرين
نهيان: مكان امس شفته وعيبني
دخلوا ممر  ب الورود ونافوره في نص
مهره شافت شي اخر الممر: شو هذا
نهيان: بتشوفينه الحين
وصلوا طلع محل ورود ريفي و شكل المكان يفتح النفس
مهره حضنت نهيان من الفرحه: شكراً شكراً شكراً
استوعبت وبتعدت عنه ودخلت كان في حرمه تشتغل
نهيان خذ بوكيه توليب ابيض وعطاه ل مهره
مهره بابتسامه: ثنكيووو  ياخي احبك
نهيان: ها؟
مهره استوعبت: ماشي
نهيان ابتسم :يلا نرد لهم
مهره: ويت ويت بصور
نهيان وقف وراها عسب تصور
مهره: لا لا زخ الورد و اوقف اخر الممر صوب محل الورد و انا بصورك من ورا
نهيان: ياحافظ مودل وانا مدري
مهره: دخيييلك عشاني
نهيان خذ الورد وسار وصورته من ورا واقل شي نقدر نقوله ان الصور روعه
مهره: نهياااان يجننوووونننن الصور دخيلككك بحطها انستا
نهيان ابتسم: حطيها وين تبين
مهره ابتسمت وبدت تعابل الصوره وردوا الفندق
علي عند السياره: مشكله الي مايرقدون
مهره فزت: بسم الله باباه زيغتني
علي ضحك وسارت تسلم عليه
نهيان: تلاقينا في الكوفي الصبح وقلت بوديها مكان دام محد واعي
علي: حرمتك تراها شلها وين تبا
مهره: افااا تخليت عني بس لاني استويت حرمته
علي: اخسي اتخلى عنج
سالم طالع من الفندق: صباح الخيير
مهره مبتسمه: صباح النور
نهيان: صباح النور
علي: يلا كلشي جاهز بنطلع
مهره: عيل بسير ايب حمدان وحمد
نهيان: بوقف عند الباب طلعيهم وبشل عنج حمد
مهره: تمام
سارت داخل
مهره: اماايه ماماااه امييي الحلوه
عوشه طالعه من حجرتها: هلا
مهره: وين حمد وحمدان
عوشه :داخل
مهره: بشلهم السياره
عوشه: امايه ماترومين تشلينهم
مهره: نهيان برع بيشل حمد
عوشه: حليلك يا نهيان
مهره: ويت ويت بسير عند شيخوه بسرعه وبرد اشلهم
تربع حجرة شيخه
مهره: شيخوه شيخوه
شيخه : هلا يا صدعه وينج دورتج الصبح
مهره مبتسمه: يايه اقولج تخيلييي نهيان اشترى لي ورد وداني مكان يجنن الصبح * روتها الصور*
شيخه : اوب اوب ماعرفته الرومنسي
مهره: شيخه احسني احبه
شيخه تضحك: ريلج انزين طبيعي
مهره: لا تضحكيننن عليه والله احس اني طحت على ويهي
شيخه مبتسمه: هيه؟
مهره وهي شوي وبتموت من الوناسه: جنتل جنتل اهخخخ الله يعينك يا قلبي
شيخه: ثقلي ثقلي
مهره: شيخوه ماروم ماروم احس قلبي يعورني من زود المشاعر
شيخه تضحك: يعله دوم الله يسخر لج اياه يارب
مهره: اوووه نسيته عند الباب
شيخه : شو يسوي عند الباب
مهره مبتسمه : هذا موضوع ثاني سمعني اقول لابويه بيب حمد وحمدان قال بي بيشلهم ويايه
شيخه : لا كفو ماتوقعت
مهره: عبالي جاف ماتوقعت
شيخه: الله يتمم لكم على خير واشوف عيالكم يترابعون جدامي
مهره: امين امين امين يلا باي * طلعت تربع*
شيخه تضحك عليها ، سارت شلت اخوانها وطلعت عند الباب نهيان شل حمد
نهيان: ابطيتي
مهره: سوري
نهيان : ماعليه عادي
ونزلوا تحت
علي: عقبال ما اشوف عيالكم يارب
نهيان: امين
مهره مبتسمه
سالم: مهاري مسويه عمرها ثقيله قولي امين
مهره تضحك: امين بس احسني بستوي عيوز
وركبت اخوانها السياره
علي: مابتستوين شوفيني انا وسالم بعدنا شباب
مهره زاخه الضحكه: ماشاء الله عليكم عيني عليكم بارده شباب اكثر مني ماشاء الله
سالم: ضحكي ضحكي يالخويسه
مهره نقعت ضحك
نهيان: ابويه وعمي ماعليكم منها بعدكم شباب
علي: هيه اخرط علينا انته وحرمتك
مهره وهي تحاول تسكت: باباه ماخرطت بعدكم شباب
سالم: انتي وقفي اول من الضحك بعدين جاملي
مهره تتنفس عقب الضحك: ماشاء الله عليك يا عمي يوم تمشي عدال نهيان كأنك ربيعه هب ابوه
سالم ابتسم: ابوج الشيبه
مهره: لا لا عاد الا باباتي هذا اصلا شباب اكثر منك ومن نهيان بعد
نهيان: انا شدخلني
مهره: كيفي
علي : صدقها بنتي
سالم: وين شوفي شوفي الشيبه
مهره: عمي اوقف عدال باباه
وقف سالم عدال علي
مهره: عمي كأنك ابوه باباه * وتنقع ضحك*
نهيان ابتسم على سخافة مهره
علي: هذي بنتي
مهره: افا عليك عاد الا باباه
سالم: باباه؟
مهره: باباتي بعد
سالم: وينها الريم تتعلم منج تقولي ابويه تخليني شيبه
مهره تزخ ويه ابوها: فديت باباتي شباب بعده
سالم: لازم ازعل منج انا
مهره: افااا عيل مابعرس اذا زعلت
سالم: لا تعرسين انا زعلت
نهيان: ويت ويت محد بياكلها غيري
علي: الله يعينك يا نهيان
سالم: بلاكم نستهبل انا وبنت اخويه
مهره: صدق والله take it easy

اعذروني على الاخطاء بارت قصير كتكوت ✨