بيت اليد
الريم: شكلهم طولوا مليت
حميد: لو انها حرمتج
الريم: والله ماروم بلاها
دخلوا نهيان ومهره
الريم: هلا هلا باللي له الخافق يهليييي
مهره: هلا بعيونيييي
عمر: احمم
مهره تضحك: هلاااا بقلبييييي وروحيييي وحبيبييي وخالي الحلو
عمر ابتسم: اهلييين تعالي دخلي يا احلى البنات
سارت له مهره
الريم: تراني اغااار لو سمحت
عمر يحضن مهره من على طرف ويحبها على راسها: هاي الغاليييه
نهيان: رحبتوا ب مهره وانا انزين؟
حميد: تعال تعال انا وانته لنا الله
الريم: مغلط يا الاخو مهره شوي وتقطعك من المدح
حميد: ياحبي لها بس
يلس نهيان بين مهره و حميد بس كان في مسافه بينه وبين مهره الي كانت يالسه عند عمر
محمد: ذياب سير ازقر عماتك من فوق
قام ذياب وزقر نوره و عوشه ونزلوا وحده شاله حمد و وحده حمدان
حمدان شاف مهره: ميمي
مهره: عيون وقلب ميمي ونزلته عوشه وسار يحبي لها
شيخه: يالخايس الحين انا مجابله ويهك وتزقرها قبلي
مهره: القلب وما يهوا يا حلوه
وصل حمدان عند مهره و حمد وراه سار ل نهيان ويلسوا عوشه ونوره
محمد: سمعوا يا عيالي وبناتي انا اغلي بنتي مهره وايد واخاف عليها و تراني خطبتها ل نهيان
هزاع وقف: ليش وانته تعرف ان امايه بتخطبها لي
مهره عصبت: اسلوووبك ويا يدي هب اصغر عيالك
حميد: حتى لو انته يت انا بقوللها ترفضك ما بعق اختي عليك
هاجر لفت على مهره: وانتي تبين نهيان ولا مغصوبه عليج انا بحسبت امج
نهيان يطالع مهره يترياها تجاوب يخاف ان يسمع رد غير عن الرد الي في باله
مهره لفت شافته يطالعها ابتسم لها وهو في داخله خوف من الاجابه
مهره: للاسف خالوه هاجر بخيب ظنج يدي مكلمني وانا الي وافقت وللمعلوميه حتى لو نهيان ما خطبني ما باخذ ولدج مابسير اخذ واحد في يوم من الايام جلب على اخويه العود
حميد: يا بعدييييي
هاجر لفت على عوشه: وانتي راضيه
عوشه ابتسمت: عطاني خبر نهيان
نهيان مبتسم كأن الدنيا توها تنفتح في ويهه
قاموا هاجر وعيالها وروحوا
محمد: والملجه ورا باجر
مهره: ها؟
محمد: شو
مهره: كيف يعني
محمد: يعني هب باجر الي عقبه
مهره: يدي بس
محمد: لا بس ولا هم يحزنون هب انتي وافقتي ليش نطول السالفه
مهره: محد يعرف من اهل ابويه عيب والله
محمد: خبريهم اليوم
مهره: شو اقول يدي خطبني ل نهيان وقال وراه باجر الملجه
محمد: انزين؟
مهره: ابويه مايعرف
محمد: دقي له
مهره تطالع يدها بصدمه
نهيان: تبين اوديج عندهم تقولين لهم
مهره: بكلم ابويه اول
محمد: كلمي يلا
دقت لابوها
مهره: الو باباه
علي: عيون باباه
مهره: انته وين؟
علي: في بيت امايه
مهره: باباه يدي خطبني ل نهيان وووو
علي ابتسم لان عوشه مكلمتنه : ووو
مهره: وافقت تراني بس
علي: بس شو؟
مهره: يدي قال وراه باجر الملجه
علي: ليش
مهره: مدري
علي: انتي محدده ولا نهيان
مهره: لا
علي: يعني هب انتوا
مهره: هيه
علي: وانتي عادي عندج
مهره لفت على يدها: باباتي الملجه راضيه العرس لا انا احدد متى
محمد يضحك: انتي بتحددين العرس انزين
علي: من عيوني
مهره: بس ماقلت ل عماتي و عمومي
علي : انا بقوللهم
مهره: بيزعلون؟
علي: لا مايشلون شي عليج
مهره: سوافي عدالك
علي: عدالي
مهره: ابا اكلمه
سيف: حيييييه عروستنا
مهره قامت عنهم بتصعد الصاله الي فوق لانها فاضيه: يحييك
سيف: يقولون بتملجين وانا ماعندي خبر
مهره: غناتي انا بنفسي توني دريت وعلى طول دقيت لباباه
سيف: ليش يدج مستعيل؟
مهره: مدريبه اروحي انصدمت شو السالفه
سيف: ونهيان؟
مهره: حاله من حالي
سيف: شو يعني الملجه عقب يومين انا مسؤول عن كل تجهيزات البيت للملجه
مهره: قووول والله
سيف: والله انتي اهتمي بنفسج ودوري لج فستان و انا بتولى الترتيبات
مهره: احبككككك والله اني احبككككك
سيف: وانا احببببججججج بعد يلا فمان الله
مهره: فمان الكريم
وبندت ونزلت عندهم وهي مبتسمه
عمر: ما صار هالسيف الي خلاج تنزلين جي
مهره: خلاص عمور انته تتراجع للمركز الثاني حبيبي
عمر: منوه الاول
مهره: سوافيييي
عمر: سوافج وبعدين يوم بتعرسين بوصل المركز الثالث يمكن
مهره: يمكن ليش لا ويمكن الخامس و السادس
عوشه: شو قالج
مهره: سر بيني وبين عمي
حميد ابتسم: شو قالج عشان تروقين
مهره: هو بيتولى كل شيي
حميد: وانا وياه بنخلي لاصار ولا ستوا
مهره سارت عنده حبته على راسه: يا حبيبي انته
عمر: وحميد المركز كم
مهره: حميد ماله مركز حميد مايتقارن في قلبي متربع
نهيان: اوب اوف منوه قده حميد
مهره: سبيشل
عمر: لا ديزل
مهره: ماتضحك بخليك المركز الثالث تراني، الا اخويه
حمدان: ميمي
مهره شلته: عيونها وقلبها
حمدان يلس يضحك مايعرف شو تقول بس تتكلم
مهره حضنت حمدان: ها ولدي ترا
عوشه: هيه نعم انا اربي و اكبر وتخلينه ولدج
مهره: هيه يحبني ما تشوفين
عوشه تضحك: انتي كيف بتعرسين
مهره سكتت و ويها احمر ونقع عمر ضحك على ويها
مهره: مايضحك مايضحك يا سخيف انته سير عرس ما تستاهل حد يتغزل فيك
عمر: افا اعرس
مهره: هيه فكني
عمر : بعرس وياج عيل عرس جماعي
مهره: تخسيييي عرسي انا روحي خيبه بعد تناشبني في عرسي
عمر: عبالي بتستحين
مهره: لا الموضوع وصل لمكان ماروم اسكت عنه قال عرس جماعي جيييه شريكتي ولا شو
عمر: نهيان خذ وحده على راس مهره
مهره زخت كرتون الكلينكس وفرته على عمر: ماعليه اي وحده بتخطبها بسير احش فيك عندها بخليك شيبه و متقاعد و هب معرس بعد
نهيان يضحك: ما بعرس انزين
الريم: اوففف طلعتي تغارينننن
مهره حمر ويها: جب انتي مالج دخل
الريم: انزين ليش تجبجبيني؟
مهره: لاني احبج
حميد: انتي بلاج عندج مشاعر فائضه
مهره: هيه وايد والله احس اني احبببب جي بس مدري منوه عرفت؟
حميد: كيف ماتعرفين منوه
مهره: جي مشاعررر حب بتنفجر من قلبي بس مادري لمنوه بس جي مشاعر احس اني احب بس محد فهمت
حميد: مدري وش ترطن بس اسلم
مهره: ياخي حميد صدق اتكلم ماتحس جي
حميد: لا الحمدلله
مهره: الريم تحسين جي مشاعر بس ماتعرفين لمنوه
الريم: لا شكله فيج مرض
مهره: عمور؟
عمر: لا عوذ بالله اقولج عندي جفاف عاطفي
مهره: نهيان؟
نهيان: في بس لحد يعني اعرف لمنوه
مهره ماركزت: ياخييييي ليش محد يحس جي احس بينفجر قلبي من الحب
عمر: من الحب ما قتل
مهره: انزين منوه المحظوظ الي بياخذ قلبي
الريم : حميد
مهره نقعت ضحك
حميد: عزا الله ماعرست
مهره: انا بخطب لك
حميد: جذابه يوم بتي الخطبه بتقولين لااا مابسير حريم
مهره: مانسيت انته
حميد: لا
مهره: لا تحاتي هالمره بسير
حميد: بنشوف
حمدان بدا يصيح
مهره: ليش يصيح
شيخه: سيري بدلي له ورقدي
مهره: انااا اسفهههه ما ببدله ارقده اسوي له حليب عادي تبديل لا
شيخه: سيري سيري
عوشه: شنطته في حجره نهيان
مهره: يعني معزمين انا الي ابدل
شيخه و عوشه: هيه
مهره قامت: شي مقابل
شيخه: لا
مهره: خلاص زخي وانا بيلس ويا حمد
الريم: سيري بدلي له الله يعين عيالج
مهره: سكتي سكتي لا اخليج انتي تبدلين له
سارت مهره لحجرة نهيان ولقت الشنطه على الارض
مهره تكلم حمدان : يلا نبدل يا حلو
بدت تطلع لبسه و فوطته وكريماته وحطتهم على الشبريه وشلت وياها حمدان والفوطه و الصابون
غسلته وسبحته ولفته بالفوطه وطلعوا
مهره: مرتاح حبيبي اهم شي راحتك
لبسته البامبرز و بدت تحط له كريم ومشطت شعره وشافت ظفوره شوي طوال وقصتهن ولبسته لبس رقاد وخلته على الشبريه تذكرت ان بيطيح
مهره: الحين وين اخليك ابا اثور ماي حق الحليب
دق نهيان الباب
مهره: ادخل
نهيان : السموحه بس بحط التليفون على الجرج
مهره: لا عادي نهيان عادي اطلب طلب
نهيان: عيوني لج
مهره ويها احمر: زخ شوي حمدان بسير اسوي له حليب اذا عادي
نهيان ابتسم: عادي
سارت المطبخ الي فوق وثورت الماي وخلته دافي وحطته في المرضعه وردت الحجره
مهره تشوف حمدان في حضن نهيان
مهره: اشله؟
نهيان ابتسم: لا عادي عطيني بعطيه
عطته المرضعه ويلست على الكرسي الي مجابل الشبريه
وزخت تليفونها وصورت بدون مايعرف دقت عوشه
مهره بصوت خفيف: الو
عوشه: رقد؟
مهره رفعت راسها: مدري نهيان الي يعطيه
عوشه: بعدين ايبيه وياج لا يتم روحه راقد
مهره: ان شاء الله
يلست مهره تجلب في التليفون
نهيان: رقد
مهره: امايه قالت انزله ويايه عسب مايتم روحه
نهيان: يلا عيل بشله
مهره: بيتعبك
نهيان: فداه
نزلوا مهره و نهيان ويلسوا وكان حمدان في حضن نهيان
الريم: ويت ويت صوره دخيلكم
مهره: محتوووااااي
الريم تضحك: والله صدق اليوم انتي ونهيان محتواي
دق تليفون مهره
الريم: انتي تليفونج ماشاء الله اربع وعشرين ساعه حد يدق لو ان ريلج
مهره: يحبوني عسب جي
وردت
سيف: مهاري
مهره: عيوني
سيف: شو اللون الي تبينه الثيم يعني
مهره :مدري
سيف: شوفي نهيان
مهره : لا استحي
سيف: سئلي يلا
مهره لفت على نهيان: نهيان
نهيان: هلا (وهو في خاطره لبيه )
مهره: سواف يسأل شو اللون الي يسويه
نهيان: مادري بس يكون خفيف
مهره: سواف شو رايك ب لون سكري جي فاتح
سيف: زين عيل
مهره: نهيان؟
نهيان: عادي عندي كل شي اذا تبينه
مهره: خلاص عيل اوكيه؟
سيف: هيه بس خلي حميدوه اي صوبي
مهره: من عيوني
سيف: فمان الله
مهره: فمان الكريم
بندت
مهره: حميد سواف يباك تسير صوبه
حميد قام: استأذنكم
الريم: ماتبوني اي؟
حميد: لا يلسي
الريم: في الويه بعد
حميد: للأسف
مهاري: اتقّف
حميد: من عيوني
طلع حميد وسار يرتب وياه سيف
—————————————————————————
يوم الملجه
لبست مهره دريس simple لونه سكري فاتح مع كعب ابيض وسوت شعرها ويفي من تحت
الريم لبست دريس القطعه هي الي فيها الحركه لونه كحلي مع كعب اسود
شيخه لبست دريس فيه حركه من عند الايد لونه رمادي مع كعب ابيض
مهره ميكبها كان خفيف كل الشغل في العين مسوين عينها بالجحال من فوق وتحت و مسكرا وكان طالع يجنننن.
—————————
مهره نزلت الصاله : ماماههه اوكيه؟
عوشه: واحلى من اوكيه
الريم: ياحظ اخويييه فيج
مهره: انتي متى يتي
الريم: توني
مهره: شيخوه وين
عوشه: فوق عند حمد وحمدان
حميد داخل : اوب اوب شو هالكشخه
مهره لفت على نفسها: شو رايييك بس
حميد: تغطين على الكل
مهره: حبيبي انته
ردت مهره حجرتها وسارت وياها الريم تصور كل لحظه في هذا اليوم لتوثيق
بدو الناس ايون وبعد فتره نزلت لهم مهره والريم تصور وراها وسلمت عليهم وعقب دخلوها الميلس ودخل حميد عليها بالكتاب عسب توقع و تبصم
حميد: مبروك يا حبي انتي
مهره ترتجف: الله يبارك فيك
و وقعت و بصمت حميد يشوف ايدها كيف ترتجف حضنها
حميد: لا تحاتين ولا تخافين نهيان ونعم فيه والله لو اعرف ان في شي مابخليه ياخذ اخر عناقيد البنات
مهره: ياحبي لك
حميد: اكثر والله شوي وايج نهيان
مهره: لا ماله داعي
حميد يضحك: الريال من الصبح يتريا شو الي ماتبين
مهره: سو لي واسطه
حميد حبها على راسها: لا يلا يلسي بسير اودي الكتاب
ورسمياً مهره ستوت ل نهيان و نهيان ستوا ل مهره
دخل نهيان وشاف مهره يالسه
نهيان: بسم الله ماشاء الله الله يحفظج من كل عين حاسده
مهره ابتسمت
نهيان: عساها ماتفارق ويهج
وقرب وحبها على راسها ودخلت الريم وصورتهم
مهره: مسرع يتي
الريم: صدتكم ماصدقت حميد يطلع عسب اخذ راحتي صدق في تصوير
نهيان: شوي وتطلعين في حلمي يلا برع
الريم يلست وحطت ريل على ريل: هب طالعه
مهره: وي مافي مستحى
نهيان: ماظني
الريم: عندك اياها الحين طول الحياه هذا اليوم مابينعاد خلوني اصور
وقامت الريم وبدت تقوللهم شو يسون وتصورهم بالكيمره الي شرتها خصيصاً لهذا اليوم
ودخل حميد وهو مايعرف ان الريم داخل
حميد داخل: يلا نهيان انتهى دورك
الريم تصنمت مارامت تتحرك وشافها حميد ونزل راسه على طول سارت مهره و وقفت جدامها تغطي
حميد: السموحه
وطلع
نهيان: اول مره اشكرج انج موجوده طلعتي حميد
حميد عند الباب: اسمععع تراني الريم طلعي عمي ياي
طلعت الريم ودخلوا سيف و حميد
سيف: يامرحببباااا شو هالجمااااالللل
زخ ايدها وخلاها تلف على نفسها
سيف: احلى وحده تغطين على الكل والله
مهره ابتسمت
سيف: يلا تعالوا برويكم شي
نهيان : شو
سيف: ياكثر سواليفك يا بو خالد
نهيان ضحك وزخ ايد مهره الي توترت
سيف: يلا بسرعه
وطلعوا و وصلوا عند الباب الي صوب الحديقه
سيف: شو رايكممم
كان يايب مثل برواز عود في صورة نهيان زاخ ايد مهره وهم يهال مهره ب مخورة و هو ب كندوره
مهره: تجننننن سوافييي ثنكيووووو والله
سيف: ولكم
نهيان يكلم مهره: ياخذها بحطها في بيتنا
مهره :بيتنا؟
نهيان: هيه
حميد: نهيان عنده بيت في شعبيتنا
مهره ابتسمت: قووول والله يعني هنا هنا عند بيتنا وبيت خالوه
حميد: هيه هنا هنا
مهره تحضن نهيان بسرعه بشكل لا ارادي: ثنكييييوووووووو
بعدين استوعبت و ابتعدت
نهيان ابتسم: ولكم
سيف: انزين وانا؟
سارت ل سيف و حضنته
حميد ابتسم وهو يشوف اصغر خواته بتعرس وبيستوي لها بيت
وانتهى احلى يوم ل نهيان و مهره
اتمنى عيبكم البارت واعذروني على الاخطاء💗
أنت تقرأ
ماينأخذ طيِر وراعيه صَقّار ... و ماتنأخذ مهره وراعيها خيّال
Acakروايه اماراتيه💗 "من عزتي لو يكسر الشوق ساقي ... اعرج بها وامشي ولا اقول تكفى"🌷 اتمنى تعيبكم🫶🏻
