ماينأخذ طيِر وراعيه صَقّار ... و ماتنأخذ مهره وراعيها خيّال

البارت الرابع

بيت اليد

الريم: مهارييييي
مهره الي يالسه عدال يدها: عيوني وقلبي و روحي
الريم استحت و ابتسمت: خلاص ماشي
مهره تضحك: يالخفيفه
الريم: والله لو من حد ثاني عادي بس منج غير تخيلي وحده مزهه تقولي عيوني وقلبي وروحي بخق
مهره: عززي لي
الريم: عشان ترفعين خشمج
مهره: يقول الشاعررر
الريم مبتسمه لان هاي كلمتها: شو يقول
مهره :
ان كان ابوك معلمك على رز الخشوم
ابوي علمني على كسر الخشوم
احذر تعرضها على وسم ووشم
والي شفع لك عين زاهية الوشوم
محمد: ابعديييي يا بنت علي وانا و محمد بن ذيب نقولج بعد
مهره لفت عليه و ابتسمت: شو تقول
محمد: يقول
قالت محمد قلت عروق قلبي سمّي
قالت محمد وقلت العز ياطاريّه
مهره حضنت ايد يدها بأبتسامه: ياحبيبييييي انته، احلى محمد والله
حميد: طاح كرتي
مهره رفعت جتفها 🤷🏻‍♀️: يا على الوتر الحساس
الريم: انته قول لها شعر وهي بتيك طايحه على ويها
هزاع ابتسم: حافظتنها يعني
الريم: قلبي هاي كيف ما احفظها
عمر : خذتتت حب الوالد كله
( عمر خالهم الصغير بعده ماعرس )
مهره: وحب عمر؟
عمر يلس عدالها وحضنها من على طرف: وحبي بعددد
نهيان بهمس مايسمعه الا اليد ومهره: الله كريم كلهم بيشاركوني في حبها
محمد بنفس الهمس: عندك اعتراض لا سمح الله
نهيان: لا حشى محشوم
مهره مبتسمه : عمورييييي
عمر: عيونييي بس لااااا
مهره عطته الويه البريئ : عشان خاطري
هزاع : شو تبين وانا حاضر
نهيان: انته شدخلك تكلم عمر

( نهيان و حميد حك صك مع هزاع بس يتناقرون)

هزاع: شدخلك
حميد: صدقه نهيان بين خال وبنت اخته وان بغت شي تراني موجود ماله داعي وجودك و رجولتك مسوي جنتل مان يعني
نهيان: واذا حميد محد انا موجود ولد خالتها واقرب لها و اولى فيها ماله داعي الجنتله هاي
مهره مبتسمه وخدودها حمر
لف عمر عليها ونقع ضحك لفوا عليه مصدومين
محمد: اللهم سكنهم في مساكنهم
مهره ضربته على ايده بمزح: بس عاد
عمر تذكر شكله و رد يضحك
نهيان: عمور شي تلبسك لا يكون تعال بقرا عليك
مهره: مافيه الا العافيه يضحك عليه الخايس بس عاااد
عمر وهو يضحك: ماروم ههههههههه
مهره: عموريييي انكتم لا أكتمك الحين
عمر: ليتني مصورنج
الريم استوعبت شو يقصد ونقعت ضحك لانها مصوره ويه مهره
مهره: لا والله
جيتكم واحد وجيتوني جماعه
انت منه و المصايب من هنيا
كلكم ضدي ترا ماهي شجاعه
الريم: اسلميييي يا بنت علي
عمر: امانه الريم صورتيها
الريم: افا عليكك عندي فيديو بعد
مهره: يالخايسه
قامت الريم وقفت جدامهم الي يروم يشوف الفيديو نهيان و محمد و مهره و عمر وحميد
شغلت الفيديو من البدايه من يوم تكلم نهيان وقال انته شدخلك تكلم عمر نفس الحوار الفيديو عباره عن ويه مهره كيف نزلت عمرها و مبتسمه ويها احمر
عمر رد يضحك
مهره قامت : يالخياس
وروحت الصاله الي فوق الي كانوا يالسين فيها عوشه ونوره وحمد و حمدان ويلست عدال امها
عوشه: بلاج
مهره: ماشي