ماينأخذ طيِر وراعيه صَقّار ... و ماتنأخذ مهره وراعيها خيّال

البارت الثاني

في اليل يوم العزيمه

مهره تصارخ: حمييييد ويييين العووووود؟
حميد طالع وهو يعدل غترته: الله شو هالكشخه
( لابسه دريس بلون بنفسجي فاتح مع كعب ابيض ومخلصه ميكبها)
مهره: شفت بس اختك كشيخه المهم نرد للموضوع
حميد: اي عود
مهره: هذاك الي لونه احمر
حميد: هب عندي
مهره : صدقوني في بيتنا مثلث برمودا وين سار
علي: مهاري بتلقينه في ميلس الريايل
مهره طلعت بسرعه :اوكيه
حميد الي استوعب وقام يلحق مهره بسرعه
مهره درعمت بكل بساطه الميلس وهي مب لابسه شيله
والمفاجأة ان نهيان كان داخل الميلس ويدخل حميد بسرعه ويحط غترته على شعرها
نهيان نزل راسه
حميد: شو عايلنج تربعين
مهره سوت طاف حق حميد و نهيان ولفت الغتره وسارت تاخذ العود
: هلا نهيان الحمدلله على السلامه ماتشوف شر
نهيان: الله يسلمج الشر ماييج
وطلعت
حميد: الشيخه مهره غترتيييي لا تتقرفص
مهره: تعال شلها
طلع خذها و رد ودخلت مهره البيت لبست شيلتها البيضه وتدخنت وسارت عند امها
مهره: امايه سيري تجهزي انا بزخ حمد وحمدان
عوشه قامت: يزاج الله خير فديتج
مهره تكلم اخوانها : متى بتكبرون؟ و اوديكم الروضه تعبنا من الصدعه والصياح
حمد و حمدان يضحكون يتحرونها تلعبهم
شيخه داخله عليهم: مهاري سوي لي ايلاينر
مهره: تعالي يلسي
رسمت لها ولبست عباتها وشلت حمدان
مهره: شلي حمد بسبقكم الموتر
شيخه :تمام
دقت حق حميد
مهره: حميد حبيبي روحت؟
حميد: هيه سرت انا ونهيان
مهره: انزين وين حطيت السويج
حميد: في سياره ماشليته
مهره: تمام تقّف وانته تسوق
حميد: مب انا اسوق نهيان
مهره: اتفقّو المهم
حميد: نهيان اقولك مهره تقّف
نهيان: ان شاء الله
مهره: بلاك ام زكي المهم باي
حميد وهو يضحك: باي
وركّبت حمدان وحطته في كرسي الاطفال وركبت تشغل السياره
دقت لها الريم
مهره: هلا ريماني
الريم: مهاريييي انقذيني ماعرف شو سويت في ويهي و امايه تباني احط لها ولين الحين ماسويت شي
مهره: كفو ماشاء الله
الريم :تعالي بسرعه
مهره شافت شيخه وامها ياين : تمام
بندت
ركبوا شيخه و عوشه وتحركت مهره
مهره: امايه انا بنزل عند خالوه نوره بحط لها ميكب بعدين بسير اعدل ميكب الريم
عوشه : زين بسير استقبل الضيوف بدالها انا وشيخه
شيخه: انا شكو !ليش انا؟
عوشه وهي تستهبل: ندور لج معرس
شيخه: امايييه
عوشه : استهبل بلاج ما تقهرين ( ما تتحملين يعني)
وصلوا ونزلت مهره بسرعه عند خالتها
مهره : اهلاً ب احلى خاله في الحيااااه
نوره وهي تضحك: اهلاً ب احلى بنت اخت في الحياه
مهره: مستعده تسلمين لي ويهج
نوره: ومتفائله خير
مهره ضحكت وبدت ترطب ويه نوره و بدت تحط ميكب بعد ما خلصت
مهره: اوفففف منوووه هالمزههه تغطي علينا كلنا
نوره: اكيد اني حلوه وانا بنت حمده
مهره: هههههه عرفت طالعه على منوه
اندق الباب
نوره : منوه؟
نهيان: امايه انا نهيان
مهره تحجبت
نوره: تعال وليدي
دخل نهيان وشاف مهره : السلام عليكم
نوره و مهره: وعليكم السلام
مهره: انا استأذن
نهيان: لا لا بطلع عادي
مهره: بسير عند الريم ولا انا اطلع من عند هالمزه
نوره تضحك: سيري شوفي شو مهببه في ويها
طلعت مهره ودخلت على الريم وشافتها تاكل
مهره: حسسيني انج مهببه في شي
الريم وهي تضحك: يوعانه شو اسوي
مهره: يلا يلسي ببدا
كان كل شي اوكيه بس الاساس يباله تعدل شوي و الايلاينر ف ما طولت
مهره: وخلصناااا
الريم : بسرعه جي؟!
مهره: شوفي انزين عمرج
الريم: اوففف منوه هاي الحلوه
مهره: يعني اطيح غشيانه هههههه
الريم :انتي لازم نطلعج من تيك
مهره: يلا بننزل
نزلوا تحت وحريم الفريج كلهم تحت وشافوا شما
شما: اهلاااا بالمززز
مهره: احمممم لا داعي
الريم: مالت الناس يسلمون
و قاموا هن الثلاث يسلمن
عوشه: امايه مهره تعالي سلمي على خالتج هاجر وشلي حمدان
سارت مهره
مهره: هلا خالوووه ماشفتج سمحي لي
هاجر وهي تضحك : هيه باين عليه صغيره صح
مهره: هيه عبالي وحده في الجامعه
هاجر : اسعدتيني الصراحه
وسلمت عليها
مهره: هلا ب حوحووو
عوشه: شو ها الدلع الخايس دفش
مهره وهي تضحك: اطنز عاد عيالج كلهم حرف الحاء
شلت حمدان ويلست تلعبه
هاجر : شكلي بخطبج ل هزاع تنفعين تكونين ام
مهره استحت: لا بعدني صغيره
هاجر: اي صغيره بنشوفج تتخرجين من الجامعه
مهره: ياليييت اتخرج انكرفت كراف يلا استاذن
سارت للبنات
الريم : هلااا ب حبيبي عطيني اياه
وشلته
الريم: شموه ولا مهاري وحده تسير تيب اغراضي من سياره نهيان ناسيه الشنطه هناك
مهره: انا لوء
شما: وانا لوئات
الريم : خلاص مهاري بتسير
مهره بصدمه: قلت لا
الريم: حبيبتي انتي ماتردين لي طلب يلا سيري
مهره سارت وهي تتحلطم وصلت السياره ويايه بتبطل الباب
نهيان ياي من مكان ظلام نوعاً ما : شكلج مغلطه في السياره
مهره خافت و تلومت: لا هب مغلطه الريم قالت لي ايب شنطتها
نهيان : شوفي جدام يمكن
مهره فجت الباب وشلت الشنطه ولفت وشافت كندورة نهيان كلها دم
مهره: بسم الله شو هااا؟
نهيان وهو يضحك: ولا شي
مهره : ها دم ؟من شو
نهيان: لا عصير
مهره: ما تضحك من شو ها
نهيان وهو يستهبل :من قلبي
مهره : ليش شو فيه خانته حبيبته
نهيان : سخيفه
مهره: انته اسخف وماتجاوب بعد
نهيان :من صقور توني عندهم
مهره: تستهبل صح؟ في حد يسير عن العرب وهو راعي العزيمه
نهيان: ابا اسير وسرت بتحاسبيني؟
مهره الي خافت : لا
وروحت ل الريم تعطيها الشنطه و نهيان سار يبدل
عوشه: مهاري سيري ايبي دبة ماي بسوي لاخوج حليب
مهره: ان شاء الله
دخلت مهره وعلى طول سارت الغرفة الي يحطون فيها الماي خذت دبه وطلعت ولقت نهيان
مهره: باقي شوي وتطلع في حلمي
نهيان: بي فوكس بيتنا ترا
مهره: ما بسرقه ترانييي مادري على شو حميد مرابعنك نفسيه
ونزلت عند امها تعطيها الماي ورقدوا اخوانها وسارت توصلهم حجرة الريم ويلست لانها تعبت من السيره و الرده
يتها الريم بعدين
الريم: شو بلاج مبوزه
مهره: ها اخوج بذبحه تراني نفسيه وسخيف ومره يسولف و بعدين فجأه يجلب مره محترم ومره روود
الريم وهي تضحك: روود؟ قولي وقح
مهره: احسها دفشه ماعلينا الله يعينج عليه صدق والله نفسيه وماينبلع انا عبالي بيرد بيكون متفتح شوي مب نفسيه
نهيان الي كان عند الباب وسمع كل شي : هووود الريم بغيتج شوي
مهره :  خييييبه سمعني وغطت ويها ب الشيله
ضحكت الريم وطلعت
نهيان: الريم فديتج بغيت الباور بانك
الريم: اظني مهاري تجرج الحين
نهيان بصوت عالي شوي: خلاص برايها عن تقولي بعد سراق جروج
مهره جلعت تليفونها وطلعت عند الباب وعطته الباور بنك
مهره: الريم انتبهي عليهم
وروحت تيلس في الحوي وتهوجس وسمعت صوت بس ماتعرف شو هالصوت
نهيان تحمحم عشان تنتبه له ولفت عليه لان كانت عاطتنه ظهرها
نهيان: كنت مسافر علاج هب سياحه عشان اتفتح واستوي اوبن مايند
مهره ساكته
نهيان: وللمعلوميه انا هب روود ولكن عشان اردج للواقع وعمري ما قللت من احترامي لج
مهره مافييي رد
نهيان : تراني هب نفسيه بس انا ما اعرف كيف اتعامل وياج عشان اعرف شو الي اقوله لج
مهره: السموحه
نهيان: انا ما انبلع؟ لهدرجه انتي ما كنتي تتمنيين اني ما ارد البلاد
مهره وقفت: لا قلتها بلحظة غضب بعدين ولا عمري فكرت اني ما اباك ترد ليش مينونه انا ابا ولد خالتي يتم مريض؟ كنت دايماً اسأل حميد شو حالك هناك وين وصلت في الخطه العلاجيه وكم باقي لك لهدرجه تتحسبني عديمة احساس
نهيان: اسمحي لي ما كان ودي اكلمج بهالطريقه لا في البيت ولا عند السياره
مهره: انا اسفه على الكلام الي قلته
نهيان ابتسم: عادي تبين تين ويايه؟
مهره: وين
نهيان: عند الصقور
مهره: بس بشوفهم من برع بصورهم
نهيان: تمام
وسارت وراه هو دخل الغرفه فيها مكيفات و الصقور فيها
مهره :الله يجنننونننن بصوره عادي؟
نهيان: حلالج
وصورت كم صوره حق ستريك
مهره: انا استأذن بسير عند الريم و السموحه مره ثانيه
نهيان يبتسم : مسموحه
وروحت

اتمنى ان عيبكم البارت و السموحه على التأخير💗