"انكَسر مجـذاف عمري بزحـمة الروج ووڪف بيـة الزمن يم اليڪرهون وخفـت همي تڪشف اسَرار العـيون خيطت النضـر علا يشوفـون وخـفت حـيلي يحدب يڪشف العوز ضهر شديت صبري الشيل المتون وخفت شماتي تصرخ اي وكع طاح..
وكفت رُمح على جرح كبال العيون"
وتين بــين (نيرآن وآلجليد)
آلگآتبــة آية حســين
وآلگتآبــه t
_________-
في جنوب العراق
حيث هناك بيت يطغى به رجُل شديد الظلم يملئ عينه الشر والحقد شديد الأطباع يتبع العادات والتقاليد التي ورثهاا من آبائه واجداده
هل سيستمر هذا الحقد؟ الى متى!
هل للحب قيود؟
مالنهايه؟
دنتريك وقوانه كل يوم نفس الشي
_ بويه اخر مره والله احبهه
المُهيب: گتلگ مـصـير شـني تعترض گلآمـي
سلطان:يآبه چآ آنه شـعلي بعدآوتگم آنه آلبنت رآيده
المهيب:شـني مـآتسـمـع گلآمـي ولگ نزلت نفسي الهم مرتين وماانطوا هاي بنات عمك شكثرهن اختارلك وحده واني ازفك بأيدي
سلطان:طـول عمـري مـطـلبت مـنگ شـي بس آقبل مـو شـلعت گلبي
المهُيب: تاخذ بنت عمك غير حجي ماعندي واذا تاخذه ماارضى عنك طول عمري
سلطان: لو هيه لو مااخذ بويه انه هاويهه ليش توكف بطريقنه؟
سلمان: بويه هاي اخر مره وان شاءالله مايردونه وعلى مسؤليتي
المهيب:ولگم نآرگم تآگل حطـبگم آذآ صـآر شـي انتَ يآسـلمـآن تتحمـل فهمـت
سلمان:ماشي بويه
المهيب:مـآشي اخر مره فهمت ماانطوه تاخذ بنت عمك وتسكت ناخذ القريبه اولى من هاي الغربيه المانعرف شي عنه
_هاي راسك ابوسه ان شاءالله اخر مره يقبلون
المُهيب: يلا
المهيب:يله اتحركو ماريد اشوف چهرتكم ثلاث ايام ونروح لأن عدنه كعده باچر
سلمان:حاضر يابه
طلعنه اني وسلطان سولفنه وكلمن راح الدوامه
____
كالعاده رحت الفرعهم وشفت بنت اخته صغيره تلعب بالشارع ورحت يمهه
_عمو هاج فلوس اشتري بيهم وانطي هاي الورقه مثل كل مره
-شكراً عمو
رجعت للسياره واني كُلي ايجابيه وفرح راح اسوي مشيه كُله تسولف بيهه
____
بعد مرور يومين
دألبس بالرباط وملامح الفرح محتله وجهي واردفت لسلمان:-
سلطان:ولك سلمان متوتر اخيراً حُب العُمر راح تصير بأسمي
سلمان:احسك انتَ العروس مو هيه تره هوه عقد شيخ ومحكمه
سلطان:ولك فرحان الي احبه صارت الي
سلمان:الله يديمكم
صاح ابويه المُهيب: يلا وين صرتوا
سلمان: يلا امشي يمعود لا يبطل
صعدنه السيارات وتوجهنه لبيت محبوبتي
هناء:
الوضع متوتر وخايفه وفرحانه بنفس الوقت واختي دترتب الفستان وي المكياج البسيط لدرجه بارز ملامحي السمره البسيطه سمعنه صوت هورنات
تعلن وصولهم لبيتنه كمت افتر بالغرفه واني متوتره سمعت هوسه النسوان جوه وبالي شارد معقوله اني الي داعيشه حقيقه؟هاي ثالث مره يحاول علمودي وهل مره جايب شيوخ معروفين حتى بس ابوي
يقبل وبعد محاولات وجر وعر ابويه قبل وجانوا جايبين وياهم شيخ يعقدلنه هيج مستعجل؟ ونزلت يم النسوان واني اسلم عليهم ماشاءالله هاي شكد جايين
ام سلطان:ماشاءالله يمه تخبلين
رديت بخجل:شكراً خاله
ووكفت يم الباب و الشيخ عقدلنه واعتلت الهلاهل والجكليت يتطاير فوكاي كعدت وكالوا راح يطب يلبسهه الذهب طب بهيبته وابتسامته الاحبه باس راسي بحنيه
وهمس بأذني:انطيتج كلام زلم لو انتِ لو مااخذ وهاي ابوج قبل
الف مبروك ألنه يروحي انتِ
ضحكت بخجل ورديت: الله يبارك بيك ولبسني الذهب وهوا كل شويه هامس بأذني شي
طول فتره الخطوبه اني مشفته حسب عاداتنه وتقالدينه
وبعد يومين رحنه للمحكمه كملنه الاجراءات وصرت زوجته رسمياً شرعاً وقانوناً
سلطان:
هناء ابويه يريد نجهز للعرس بسرعه لازم اسبوع اقل شي احنه مكملين واني اريدج يمي بعد مااكدر اصبر
هناء: ان شاءالله حبيبي
سلطان:يروحلج فدوه حبيبج
وبعد مده التهينه بالتجهيزات ونروح للسوك وانهلكنه وامه جانت كُلش حبابه عكس زوجهه "المُهيب"
وخلال اسبوع خلصنه كُل التجهيزات وهمه اختاروا البدله
والعرس حيكون بالبيت
نمت واني كُلي فرح لأن راح اخذ حُب حياتي "سلطان" بس ماجنت ادري هاي الفرحه ماراح تم عليه وراح تخرب حياتي وتكلب حياتي الى جحيم..
________
باقيات الصـالحات اجراً لي ولكم
_استغُفرالله.
_الحَـمدالله.
استودعكم الله.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
