يجوز اشوفَك
هاي دِنيا ولازم تُمر بينا صِدفه
وبيها اشوفَك
يجوز اموت وانتَ ماكو
يجوز امُر جَنازة وانتَ مَتسلم عليها ..
وتين بــين (نيرآن وآلجليد)
آلگآتبــة آية حســين
آلگآتبــة(T)
______________
_ماما معقوله كُل هذا الصار؟
_اي والله يا ماما
_زين ماما شصار بزوجة عمو سلطان وره ماشردت
_والله يا ماما بعد لاحس ولا خبر مندري بيه وين ما وين وهيه بوقتهع جانت حامل شلون عاشت ودبرت روحهه
_اوففف الله يساعده وين مجانت
زين عمو مادور عليهه؟
_يمه كلب الدنيا عليهه بس دور بكُل المحافظات مالكاهه هيه ذكيه تعرف وين المكان الآمن بس احسن شي سوته تخلص من ضيمهم حاربوهه وشردت بروحهه
_ماما وطفلهه؟ معقوله مادور على اهله ابوو
_يمه أب مثل هذا وسوه كُل هذا وي امه وين يريده او يتقبله
_ماما كمليلي بعد
_يلا ولج كومي تدور علوم خلي نكمل الاكل هسه يجي ابوج
_ههه ياا هو شكتلج
جرتني من ايدي وكومتني نزلت جوه واني اشوف عباس ومروان كاعدين وبابا طب للبيت
باس راس جدو
المُهيب: الحمدلله على السلامه بويه
سلمان: الله يسلمك بويه شلونكم
المُهيب:الحمدلله مانشوفك هواي يابويه
سلمان: يابه شغل بعد وتدري هسه الجرائم اشكال والوان يوكف شعر راسك من تسمع الله يستر علينه
وركضت على بابا وحضنته
_اشتاقيتلكك بابا كومه هلمره طولت هواي
باسني براسي وكال
_ واني هم مشتاقلج بس بابا هذا دوام شسوي بعد
بسته ورحت وي ماما نحضر الغده
صبينه وتغدينه واحنه هادئين وساكتين بوجود جدو عبالك عدنه فاتحه مو دناكل
_تحمحمت واني احاول اتلاعب مثل كل مره احتاج بيه فلوس احبك اني
_ماصار يومين من انطيتج وين توديهن
_يا بابا ياحبيبي تدري جامعه وملابس ومكياج وهاي طلعات وي صديقاتي
_بلشت لطم هاج بس اسكتي
_فديتك يابه فديتك اروحلك فدوه وسبع فدوات
كال مروان وهوه معترض عً كلامي
_لعد واحنه
اشر عَ نفسه هوه وعباس
-لا مو ميمو من توصل السالفه للفلوس أبويه ما أعرفه
_ها ولچ هيچ تره ما أنطيج الفلوس
