_اكلك صدك شعجب عمي قبل بعد مجان رافض هذا الموضوع رفض قطعي؟
_والله ماادري شنو وراه الله يستر
_الله كريم بس خلي تفض السالفه على خير
_ان شاءالله
————————————
اليوم التالي:
هناء
اليوم اسعد يوم بحياتي اخيراً بعد هذا الانتظار اليوم عرسنه كعدنه من الصبح ورحنه للصالون بعد تعب وتوتر كملنه المكياج ولبست البدله
البيضه وصلت للبيت وبدت مراسيم العرس وصوت الديجي وركصنه وبعد ساعه اجوي اهل العريس وطلعت باب بيتنه وانزفينه وبعدهه وصلنه لبيتهم وهم جانت هناك اكو حفله واني هنا اكلني التوترر لأن وحدي ومحد وياي وكلهم
ومر اسبوع على زواجي وجانت احلى أيام حياتي صح اشوف ابو مراضي عني بس ميهمني اهم شي احنه سعيدين بس دائماً اشوف سلطان متوتر ومن يدخل لغرفة ابو تتعالى اصواتهم ويتعاركون ويطلع سلطان عصبي ويترك البيت
ويضل نص الليل هوا برا البيت يجي الساعه متأخره ينام والصبح يروح للدوام ومااشوفه ضلينه اسبوعين على هل حال وزاد قلقلي وشكوكي وحاولت اكثر من مره اتسمع شنو هوا وابو يحجون بس مااكدر
بس چانت هند دائماً تخفف عني وتعودت عليهه وصارت مثل اختي وعمتي هم زينه وياي بس عمي حيل شديد وبس مر اسبوع صار يتدخل ويريد اشتغل واشيل البيت بس هند مقصرت رُغم حمله ثكيل بس وياي عالشغل والتنضيف
وصاروا يترددون علينه بيت عم سلطان هواي على البيت ويضلون أيام طبعاً اني ماادخل جايين البيت عمهم بس جياتهم هواي واحسهه مو خاليه
وهنه حيل خبيثات ومسمومات يحاولن يوزن عمتي وعمي عليه وداحس عمتي تتغيرر من الحجي وتنكلب عليه حيل داعآني منهم شدوا وياي وصارت مشاكل بسببهم هواي وعلى اتفهه الاشياء حتى على التنظيف!! بس امشيهه وابلع السالفه حتى لاتصير جبيره ولا اسمع سلطان مااريد اثكل عليه وهوا جاي من دوام وشغل واني استقبله بل مشاكل
حد يوم وره ماخلصنه العشا والمواعين سمعت صوت هناء تصرخ دتجيب انخبصنه وودوه مستشفى وجابت ولد مثل الكُمر سموه"مروان " وهذا جان الحفيد الثاني للمُهيب من بعد "عباس" ابن سلمان الكبير
وبعد يوم باتت هناء بالمستشفى وثاني يوم دتطلع انخبص البيت وكعدت من الصبح انضف واجوي بيت عمهم واخوانهم الباقين ويساعدون ويطبخون ويوزعون ابتسامات هلكد فرحانين بالحفيد؟؟
بعد ماوصلت هناء وذبحوا خروف جواهه واتحمدوله على السلامه وجنه دنصب الغده واجه يمي سلطان وكال
_ان شاءالله يوم الالنه ونترس البيت جهال
_آمين
بعده بدينه ننقل الاكل واتغدوا وكملنه المواعين على السريع وصبينه جاي وكاعدين كُلنه بهدوء كَسر الهدوء محمد اخو "المُهيب" وكال
محمد: ها خويه شوكت ناوين على الموضوع الي كتلي عليه ترا لهسه اني موكفه علمودكم؟
سلطان: عمي مو وكت هلحجي هسه
المُهيب: لاوقته احنه يوميه نأجل بالموضوع وكلنه ان شاءاله وره متولد هند وانتَ انطيتي كلام زلم بس نروح نخطب هناء تسوي الي كتلك عليه وخلاف تسوي الي كتلك عليه تعرف شنو يصير موو؟
ام سلطان: شكوو شصاير؟؟
سلمان: بويه شصاير من ورانه؟
المُهيب: بويه كُل خير تحجي سلطان لو انه احجي؟
سلطان: بويه أجل الموضوع هسه مو وقته
هناء: شكو شصاير غير تحجون صاير شي مو زين؟
سلطان: كومي هناء روحي للغرفه
المُهيب: لا ميحتاج خليهه حتى يصير كُلشي كدامهه وانه كتلك احجي وياه بهل موضوع احسن ماتنصدم وان رضت او مارضت هيه والحايط الي كلته يصير نطب بالموضوع
مادام الكُل موجود واخويه سندي "محمد" وكدامكم كلكم يشرفنه اطلب ايد هاله بنت محمد لأبني سلطان......
________
باقيات الصـالحات اجراً لي ولكم
_استغُفرالله.
_الحَـمدالله.
استودعكم الله.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
