إذا جمعنا القدر فلن يفرقنا البشر ❤✌🏻
حلقة 2 🔥🔥 《حقيقية》
#الكاتبة_خلود_شلابي
قعدت نشبح لسارة والشخص قعدو يهدرزو و يشبحولي ويضحكو .. وكان الشخص ينظرلي ويبتسم .. عطيتهم بضهري وخشيت بعضي
جتني سارة تجري والشخص قعد يتبّع فيا بعيونه لين طلع ..
سارة/ نبيك ف موضوع لهومة 😃
أنا استاكيت معش قدرت نتكلم ركبتني حرارة وألف فكرة ترفع وتجيب 😣
سارة/ هييي ويييين نكلم فيك أني 🙃
هاه شن فيه ؟ هذا منو اللي كان واقف عليك؟
سارة/ هذا خالي عمر ،،
اممم بصراحة هوا عجبتيه قالي ديما نشوف فاها لما تمشي للثانوية وسألني عليك .. طبعا أنا قتله ع طول إنك صاحبتي الإنتيم 😍 وقتله ع مواصفاتك تامة ، شن تحبي وشن تكرهي وشن تاكلي هههه كله كللله قلتهوله 😂😂
أني انصدمت 😱 قرصتها من سمحلك تقوليله يا قزمة والله تشوفي 😥
هربت مني هيّا تجري وأني نجري نكشخ عليها 😡 وهيا ميتة بالضحك عليا 😂😂 ركبنا للفصل وكملنا باقي الحصص
طلعنا سلمنا على بعض مشى قتلي
سارة/ عالعموم خالي مبدئيا معجب بيك كان مش مييت فيك أصلا 😂 .. شن رايك إنتي نقوله باهي 😉
لا يا سارة اعفيني أني مش فبالي المواضيع هادو قوليله لا
سارة/ تم تو نقوله موافقة وحتى هيا تبيك
تقوليله والله ما عاد نعرفك حتى ف سوق السعي
روحت منها وأني كلّي فرحانة 😍🙈 خشيت للحوش بنطير من الفرحة .. ححي اسمه عمر يعني حندلعه عمّوري 🤪🙃 من كتر ما كنت مبسوطة ومتوترة ودقات قلبي ينبضو ما جاش خاطري نتغدا
ماما/ تعالي تغدي
ما خاطريش
ماما/ خيرك العفو ؟
فاطرة موخر أني وصحباتي فالثانوية
ماما/ تعالي كولي بكبوكي ناشطة خيرلك من نصاص التن متع المقاصف تقول فيران مكفنة 😑
مخاطريش نبي نرقد 😴
ماما/ عاد اليوم خميس أكيدة عابية بتسهري عالأفلام و بتوصي بوك عالتشبس والبيتزا رايحة زي العزري ☹
طبعا أمي ترعش علينا رعيش و مدلعتنا فوق ما تتصورو ،، كانت الأم المثالية و منختفوش على انظارها بككككل ..
قعدت أختي تضحك عليا و تعزر فيا مهم درهتلي كبدي و هيا اتناشب ،، جبدتها من شعرها وهربت للدار و هيا تضحك ..
اني قعدت بروحي و شوي شوي لقيت روحي نفكر ف عمررر لين خداني النوم 😴
فقت عالعشية لقيتهم يجهزو ف رواحهم يلبسو
ع وين ان شاء الله
ماما/ لحوش حناك هيا نوضي بدلي بوك قريب يقول هيا
لا منبيش نمشي
ماما/ خالتك أماني قالت جيبوها ضروري .. خلاص نوضي متكسريش بخاطرها
به 😤 مشيت صليت ولبست وخشيت للمطبخ خديت حاجات خفيفة شبعت باها رويحتي وشربت مية .. ع صوت اختي تفتش ف حاجاتي .. عطيتها طريحة وهيا تعيّط وتضرب ف تيروات هههه جت أمي تحز بيناتنا 🙃 وطول عالسيارة
اني ووياها زي الفار و قطوس ،،
وصلنا ولقينا حوش حناي ماشاء الله معبي .. خالاتي وخوالي ببناتهم .. قعدنا نضحكو ونجبدو فمواقف قبل❤😂
درنا لمة أني والبنات سبعة ماشاء الله وخالتي اماني كانت م 89 كانت قريبة مننا عاد الله صاحبتنا و تنصح فينا .. سكرنا الدار وقعمزنا نهدرزو هدرزة بنات
حكيتلهم عاللي صار معاي كله وع خال سارة ❤
مشجعونيش ع العلاقة ،، وقالولي متوافقيش
نضنا غسلنا الماعين وخشينا نطيبو ف بازين
ودرنا العالة مع الحلويات مقعمزين بجنبنا خوالي يهدرزو .. قعدت نبصر مع خالي قداش ما يعز عليا م 86 ..
قعدت ندور على موبايلي كنت حاطاته فالشحن وملقيتاش .. لقيته بين يدين مسرة تخنب ف رصيدي نضت عفجتها طريحة وهيا تخبش بظوافرها لين حز بينا خالي
حطيته فالشحن وسكرتها الدار بالمفتاح
تعشينا بازين ودرنا شاهي طاسة التانية شربناها😋
نضت بنحي تليفوني من الشحن نلقى 19 مكالمة 😱
1 من صاحبتي و 18 من رقم غريب
إن شاء الله اللي فبالي مش صح 😥 لا صاحبتي مدّيرهاش 😣
اتصلت باها ألو خيرك؟
سارة/ اسمعي ردي ع الرقم اللي اتصل بيك ضروري
قلتلها رقم منو هذا ؟
سارة/ هادي أني نتصل بيك من رقم خالتي لان معنديش رصيد غر ردي فيسسع
اوك
اتصلت بالرقم تسكر الخط وعاودلي ..
الو .. نسمع ف صوت راجل من معاي
عمر/ معاك عمر
أنا سكتت 😳 قعد يقول كيف حالك و شن جوك
قتله نعم تفضل ،، 😥 شن تبي مني ☹😣
عمر/ نبيك ف موضوع ضروري لازم تردي عليا ساعة 11 فالليل اني توا طالع و بنكلمك بعدين بنقولك شيء
سكرنا الخط و اني مش فاهمة اللي قاعد يصير ،،
انا طلعت من الدار مصدومة وفرحانة حكيت لخالتي والبنات قالولي فوتيه بتضيعي وقتك
قلتلهم خلاص تو نسكر تيليفوني ونرقد
اتصل بيا بابا قاللي هيا اطلعو نراجي فيكم البرا.. طلعنا ركبنا فالسيارة وروحنا للحوش بدلت حوايجي ، وخوتي الصغار بايتين فحوش جدي اللي بحدانا مع عماتي العازبات ..
مشيت فدارهم نبي نسكر تيليفوني قلبي مطاوعنيش ❤🙈 ع خشّت ماما
ماما/ خيرك راقدة اهني
بنتك نفختهملي متخليش حد يرقد يديا طابو من الضرب ..
ماما/ وخيرك راقدة من توا مش كنتي كل خميس اديري ف سهرية زي العزارة ..
معنديش نية بنرقد
ماما/ العفو تي انتي امتى نضتي اللي بتولي بترقدي ..
و كأن احساس الام صح ..
طول فاقت بيا و حست ان بندير عملة 💔☹
قتلي اسمعي راك مش عاجبتيني 24 ساعة و انتي سارحة ولا تاكلي ولا مهتمة بدراستك حتى خالاتك لاحظو عليك ناحفة ..😒
عاد ماشاء الله انتو الخوات متدسو ع بعضكم في شيء و ع اساس خبرة تقرو ف العيون 😑
ماما/ حتى اختك قتلي تفتحي فالكتاب وتسرحي و متقريش
.. احكيلي شن اللي صاير معاك بلكي حد مضايقك ؟
والله الا ما نوريها بنتك هادي تو تشوف ،، راه بنتك تكذب جايبه 1من20 فالانجليزي وكلمتني صاحبتي اختها تقري فيها قالتلي راه مشاغبه ف مدرسه ومتاعت مشاكل ومربيه ضوافرها تخبش ف البنات
ماما/ تو نحرش فاها عمها
عمي ما يتحمل فاها شيء حيجي معاها ضد المدرسة و يحط اللوم عليهم هما 😒
ماما/ امالا تو نحرش فاها بوها
بابا حيجي ف صفها
ماما/ خلاص امالا نوضي انتي اعطاها طريحة مع قرصة سمحة لين تشعف ،، عارفة روحي جايبة زوز عزارة اني 😒
اني نشبح فالموبايل و قريب ال11 خفت يتصل عمر ،،
طلعت ماما ورجعتلي ،، جابتلي حليب بالكاكاو سخون كان غالي عليا نحبه ❤😋 شربته قتلي تصبحي ع خير ارقدي عيونك ارهاق
حاضر ماما
هيا طلعت والرقم يرن .. حي يا ربي هوا 😣
رديت عليه بعد مكالمتين
الو
عمر/ هلا كيف حالك
صوته حنون ودافي
تمام بخير وانت
عمر/ تمام الحمد لله
سكتنا قتله علاش اتصلت بيا
قالي عمر/ أني والله نبيك و عاجبتيني من زمان بس مقدرتش نوصل فيك ،، يابنت الناس انا ليا فتره نتلاقى معاك بااصدفه وفي شي شدني ليك بعدها لقيتك عاجبتيني ومعاش قدرت نصبر نبي نكلمك ..
أني فرحت ❤ وفنفس لوقت كنت خايفه
بس أني مش ف بالي المواضيع هادي
عمر/ أنا شاريك وعارفك بنت ناس ومستحيل نرخي بيك ولا نضرك وخوذيها مني لين نموت حتي كان نصيب ماجمعنا ديما ف قلبي ونخاف عليك كيف مانخاف ع روحي وكيف مانخاف ع خواتي
قعد يحكيلي على حياته وع طبعه وطلع يخدم الصبح
ف توصيل جيهة ثانويتي ف هذا علاش كنا نتلاقو صدفة ❤❤
_______♡■☆Kd°•Sha▪La'Bi☆■♡_______
🏵💎 روايــــات دمــــعتــي تـــــروي مــــــأســـاتــي 💎🏵
الكاتبة|:- 💜 خ ـــلـــود شــــــــــلابـــــي 💜
👑🎶Kd Sha La Bi🎶👑
فاتو أيام وف كل يوم تقربنا لبعض اكتر وأكتر
كان مغرقني بإهتمامه وبهداياه .. يبعتلي فيهم مع سارة ،،
كنت لما نمشي الصبح للثانوية كنا نشبحو ف بعض ..
مرة جابلي بوكس هدية بداخله ممري معبي بصوره
ومرة بعتلي مع سارة ميدالية مكتوب فاها
👇🏻👇🏻
إذا جمعنا القدر فلن يفرقنا البشر وعلاها من خلف عمر
وصورلي ميداليته كانت زي متعي ومكتوب فاها لهّومة .. ❤🙈
كنت صغيرة فالثانوي و أول حب ،، كنت مندفعة بمشاعري و عقلي كله انقلب تلخبطت عليا ..
فاتو شهرين على علاقتنا قاللي بنسجل ف معهد في بنغازي .. بش يحصل تعيين ف مكان حكومي .. بيمشي يقرا سنة غادي ومع العطلة حيجي اهنايا لعيلته .. لأن مش مكمل قرايته
اني شجعته وساندته .. رغم ان حنستاحشه هلباااا
لكن قررت نوقف معاه
عمر/ نبي نطلب منك طلب
قتله ادلل
عمر/ نبي تبعتيلي صورة بش نمشي لبنغازي نقعد نشبحها
أني رقالي ورفضت
عمر/ خلاص تمام بالله متزعليش مني والله قصدي عادي ...
أني غدوة بنمشي لبنغازي حصّلت شقة بنأجرها مع ولد صاحبي نبي نشوفك الصبح ونتوكل
تمام نتلاقو الصبح ..
سكرنا ورقدنا ..
كنت مخططة إن لو مفتحليش موضوع الصور تاني حنعطيهمله ونديرهاله مفاجأة لأن بجد كنت واثقة فيه وعارفاته مستحيل ايضرني
جي الصبح لبست جاكيت أسود ووشاح أسود فوق البدلة وسبيركو أسود .. درت لمسات وماسكارا وبخيت رائحة و لبست ساعة .. وطلعت
خطم قدّامي نزل من السيارة قعد يمشي وراي .. ونحكو
أني من كتر ما كنت مستاحشاته ومتأترة ان حيغيب عليا نزلو مني دموع .. قعد يرضّي فيا ..
أني بلا إرادة مني جيت بحداه وقفتله وسلمت عليه ..
هوا من الصدمة ضربني كف لكن مش قوي خفيف ..
كان كف ببصارة و أحلى كف بالدنيا
عمر/ خيرررك عارفة ناس .. أني منبيش حد يتكلم عليك
قتله ميهمونيش الناس مدامك معاي ..
عمر/ عارف يا قلبي لكن أني نبي لما تكوني بحداي وتمشي معاي فالشارع تكوني حلالي قدام الكل ..
اني فرحت بكلامه مديتله بوكس هدية وحطيتله فيه ممري صوري ب باسوورد ع تاريخ أول مرة نكلمو بعض فيه.. 4 مارس 2010
وهوا مدلي هدية ❤❤ ركب ف سيارته واني مشيت للثانوية ..
رن عليا فالليل ساعة 11 قاللي وصلت وطمني عليه..
عمر/ تعرفي اول مركبت للسيارة روحت للحوش طول شفت بوكس هديتك .. صحيتي ع الساعة قنينة
امممم وشن تاني 😉
عمر/ لقيت ممري 😏
امممم حي شكله طاح مني 🙄😁
عمر/ ماشاء الله لكن معبي صور لا خليتي جردينة لا جنان لا بحر .. لا شجرة .. كله مصورة قدامه
قتله وكيف عرفت والممري مسكر ب باسوورده 😨
عمر/ ماك ديما تقوليلي فالتاريخ متع اول مرة نكلمو فيه بعض درت تاريخ 4 /3/ 2010 انفتحلي
اني تأترت و قتله والله نحبك 😭 ،، ربي ميحرمني منك 🥺❤
قاليي .. و اني نموت فيك
يتبع...❤
