قصة ---☆ إذا جمعنا القدر فلن يفرقنا البشر ❤✌🏻
حلقة 3 🔥🔥 《حقيقية》
عمر/ لقيت ممري 😏
امممم حي شكله طاح مني 🙄😁
عمر/ ماشاء الله لكن معبي صور لا خليتي جردينة لا جنان لا بحر .. لا شجرة .. كله مصورة قدامه
قتله وكيف عرفت والممري مسكر ب باسوورده 😨
عمر/ ماك ديما تقوليلي فالتاريخ متع اول مرة نكلمو فيه بعض درت تاريخ 4 /3/ 2010 انفتحلي
اني تأترت و قتله والله نحبك 😭 ،، ربي ميحرمني منك 🥺❤
قالي .. و اني نموت فيك
سكرنا الخط
و قعد عمر يرتّب ف شقته هوّا وزميله فالسكن .. أجرو ف منطقة الصابري ..
حسين/ زود يا عمر الفطور واتي
عمر/ منور سيدها متعب روحك والله 😅
حسين/ من التمانية وإنت تحوس ماشاء الله الشقة خليتها تلمع لمممع 🔥🔥
عمر/شن بدير هي ،، نحب المكان يقعد نظيف
قام طاسة الشاهي و قعد يشرب ،،
قال لصاحبه : الله الشاهي متعك حاجة صح ..
حسين/ ما دقتكش مكرونتي المبكبة تي حي عليك ححي
عمر/ خلاص ديرهالنا فالغداء كرهنا الجاهز
حسين/ بكرة بعون الله
قعد يرن هاتف عمر ناض من جنب صاحبه وخش لداره وقعد يتكلم
قالي عمر/ وينك حبيبي نتصل بيك من الصبح
قتله : سامحني عمورتي والله كانو عندي اختبارات أصلا أني هكي ومتضايقة 😭 مستاحشاتك مش قادرة حبيبي والله صعب نقرا و انت بعيد 🥺💔
عمر/ تحملي غلاتي مش كنتي تقوليلي برا اقرا ونستحمل ع خاطرك وين هذا كله مشى 🤔
قتله حقك عليا خلاص حنقوي روحي ،، بس متعطلش عليا 🥺
قالي/ هوا ني نقدر يا قلبي .. مستحيل
قعد يسمعلي ف أغاني وأني مقعمزة نكلم فيه ف استراحة الثانوية ..
_______♡■☆Kd°•Sha▪La'Bi☆■♡_______
يا حبيبه يا حبيبه اشتقنا لك يا حبيبه
زولك ربي ما يغيبه
..
يا احبيبه قوليلهم ناسك نبي نعديلهم
و لو خالفوك احكيلهم قولي عمري ما نسيبا
...
يا حبيبه يا باسمه صوبك في قلبي راسمه
ان شاء الله تكوني قاسمه و تبقي من العين قريبه
..
يا حبيبه طيعيني قوليلهم يبيني
حتى بروحه يفديني قاصدني بعشره طيبه
_______♡■☆Kd°•Sha▪La'Bi☆■♡_______
روحت للحوش وكان كل ما يضم شوية يكلمني ومستاحشني 😍 نقعد نضحك عليه ونقوله كمل ضمّانك وترتيب شقتك .. اتصل بيا فالليل ف موعدنا قاللي نحبك مووت .. نحس ف روحي بنموت لو يفوتو دقايق ونقعد من غير منشوف صورك
قتله حتى ني عمورتي والله العظيم حبي ليك عظيم 🔥 ربي يخليك ليا وخلاص 😍🤤
كل ما نتفكر لهفة قبل و احاسيسي لما كنت صغيرة ،، كنت نتمنى ان نعلق فهالزمن و ما يتغير شيء 😔
بعدها سكت وقالي بأذن الله نحافظ عليك ومانزعلك ومانخونك ومانتخلي عنك وحسيت دمعته نزلت صوته تغير قتله خيرك عموري حبيبي شن فيه؟
عمر/ لا غير بعدك مأتر فيا هلباااا وخايف تستحقي لشيء وأني بعيد عليك 😞
صوتك وحبك ليا يكفوني ع كل شيء .. إنت دير بالك ع روحك بسس😋😘
رقدنا بعد سهرية ساعتين من الهدرزة .. نضت الصبح فيقته معاي بش هوا مشى للمعهد .. وأني مشيت للثانوي .. كنت طول الوقت سرحانة وجوي ناقص من غير عمر اللي كل صبح نشوفو فبعض 😭 لاحظت عليا سارة والبنات ..
روحت من غير ما نحط ف فمي حاجة .. لقيت ماما تنادي فيا عالغداء .. رغم إن نيتي مسدودة بس تفكرت وعدي لعمر إن لازم ناكل .. ف تغديت من غير نية
قعدت نغسل فالماعين وامي تحوس فوق راسي تتأكد من غسيلي 😂
ماما/ ماشاء الله الماعين يلمعو ❤
كملت وكيف بنطلع
ماما/ وين ع خير
نحس ف روحي ناعسة نبي نرقد وف بالي هذا وقت مكالمتي أني وعمر 😁
ماما/ استني سيقي الحمامات التانيات خالاتك العشية جايينا
أني عيوني قلووب 😍😍 قولي لمسرة
ماما/ مسرة ضمّت الحوش هذا دورك 🙄
اني 😤😤 نضت ضميت حوستي وبخرت بالوشق .. وباقي العيلة كلهم قيلو .. بحكم قانون حوشنا هكي كلنا نرقدو فالقايلة .. خشيت لداري لقيت عرم مكالمات من عمر
عمر/ وين مترديش
خالاتي بيجو العشية قعدت ندير ف دورة عالحوش
عمر/ باهي كويس ع الأقل تغيري جوك ..
اييه 😅
عمر/ جتني معلومة إنك مش فاطرة شنو موصيك أني ااااه 😤
أني انصدمت بس تفكرت سارة البيوع.. والله عموري روحت فطرت عارفني نسمع ف كلامك أني 😁
عمر/ باهي تمام بالله هنيني عليك
حاضر ي قلبي 😘😘 حقا شن جو الحويج ومرته؟
قالي / كويسين
طبعا كان مأجر الشقة من راجل كبير فالسن و مرته ،، كانو يحبو عمر و يحسبو فيه و يعزمو فيه ع الغداء و هو يحسب فيهم و ياخدلهم ف قضيتهم و يرفع فيهم لمشاويرهم عاد الله ولدهم ..
قعد يحكيلي كيف الحاج يرعش ع عزوزته و يحبها و يعامل فاها كويس مع ان ربي مرزقهمش بصغيويرة..
قتله / يحليلي ربي يخليهم لبعض،، بجديات شوقتني نشوفهم
عمر/ إيه والله ع قد ما ليهم فترة مع بعض ومعندهمش صغار لكن قاعد حبهم قوي ❤ نبي حتى احني هكي نقعدو يا هوومي "اسمي الدلع"
حاضر عموري ربي يكتبلنا الوقت ونكونو هكي ❤ حقا شن جو المعهد؟
عمر/ باهي ماشي حاله نبي نقولك حاجة وخايفك تزعلي
احكي ان شاء الله خير
عمر/ خديت موادي ونزلت لكن يا هومي راهو يقرو معاي بنات اكتر من الولاد
أني ناااار 🔥 بس سكتت وقتله أني واثقة فيك وعشان قرايتك حنتحمل رغم إن نغار عليك موووت
عمر/ أصلا ميجوش ف ضفر رجلك
اني ضحكت ع التشبيه 😁😂
عمر/ هدا وين ارتحت لما سمعت صوت ضحكتك 😂😘
هدرزنا لعند تم رصيده واني مكانش عندي رصيد .. وجو خوالي تعشو عندنا قضيناها سهرة وجو يجنن
قعدت نتفرج على صوره ونبوس ونحضن فالشاشة ونعاود لعند رقدت فالليل 😴
فقت وأني الهاتف ف حضني .. جهزت نفسي للمدرسة اني ومسرة وطلعنا
قتلي سارة إن عمر جوه اخخي ومتضايق من غادي
مشى قلتلها بالعكس كان جوه حلو وفرحان لما كلمني
سارة/ يمكن ميبيش يوضحلك
أني زاد ما كبر ف عيوني أن ميبيش يضايقني بأي شيء ❤
روحت من المدرسة خطمت على حوش جدي اللي بحدانا لقيت عماتي مدايرات سفنز سخون يجنن وشاهي كليت مع عماتي العسل 🍯 وروحت لأمي متغديتش عاد معبيتها 😁 خشيت لداري ملقيتش مكالمات من عمر .. جيت بنتصل ف مسكت نفسي ومستحيل يكون مش فاضي لانه قبل يفضالي كنت بنتصل قلت نمسك روحي نشوفه يدورني هو قبل ولا لا .،، مرات بنغازي وبناتها غيروه..
بعد دقايق من التفكير وطول للنوم 😴
فقت ع بابا يطيب ف قهوة قعمزت شربت معاه وقعدنا نحكو ع خوتي وعالقرايا ونضحكو مع بعض ..
سكرنا الحوش ومشينا لحوش جدي لقيناهم ملتمين عيلتي وعماتي وعمامي الشاهي عالحطب وخبزة جمر .. اني ناكل ونغمس فالهريسة عققلي
عمي قعد يقولي ياسرك تضري روحك حارة 🌶
قعد موبايلي يرن مشيت للجنان الخلفي وقعدت نهدرز مع عموري ،،
عمر/ مرايف عليك يا فرخة كان معنديش رصيد كيف عبيت
اني أكتر حبيبي
عمر/ وين هالغيبة
عند جوش جدي ملتمين مع عمامي
عمر/ قريب نزمط النقال من صورك لين صاحبي يسأل فيا خيرك
حتى ني هههه كان نلقى نخش داخل التيليفون
عمر/ نحبك مووت مووووت ي ريتك بحداي حبيبي
الصبح شين واخخي من غير شوفتك 🥺
قتله / امتى بتروح
عمر/ صعب توا لازم بنقعد تلاتة شهور ..
أني 😭😭
عطاني بوسة طويلة ،، لين حسيت بحد جي من وراي اني حدفت التيليفون وقعدت مش قادرة نتلفت
مسرة/ من كنتي تكلمي 😒
قلتلها /شن اديري وراي فجعتيني .. وقعدت نتعارك معاها
مشت تجريلهم فالجنان من قدام وقعدت تقوللهم لقيتها تتكلم فالتليفون واني جامدة ف مكاني كلهم يشبحولي
ماما نقدت الموقف وقتلي.. كلمتي خالتك أماني كيف كانت تسأل فيا عليك
إييه إيه كيف كنت نحكي معاها وهدرزنا .. خشيت للحوش لبست عبايتي وطلعت للحوش روحت نجري ..
و ستر ربي ان خالتي كانت تتصل بيا و تلقى فيا مشغول ف كلمت امي لان تبي تاخد مني تعليقة فضة لعرس وحدة من صحباتها 😰
سبحان الله لما ربي يسترك 💔😔
