يـاهنـاي وهيامـي يـاحبي العظـيم

14

الشيخ استغرب من ثقة رعد وتوجهه ل الجد : وين البنت
الجد للحين تحت تاثير الصدمه : بالغرفه
الشيخ : نادها
الجد قام وهو يتعود برعد : طيب
الجد : اسمعي يويلك لو توافقين على رعد
رسيل انبسطت لانها جا وانقذها : طيب
الشيخ : مين تبين يابنتي رعد ولا سعد
رسيل : رعد
الشيخ : الله يتمم لكم على خير
وطلع وقال لهم انها تبي رعد
الجد قام ومسكه رعد : اقعد لا اطلع حرتها فيك
الشيخ مد الدفتر لرعد وقاله وقع وقع رعد واخذ الدفتر لرسيل ، رعد : ماعليك أنا بطلعك الحين ومتى ماتبين سوينا العرس
رسيل : مابي عرس بس طلعني من هنا
مد لها الدفتر رعد : وقعي
وقعت رسيل واستوعبت انها الحين حرم رعد ، طار رعد بالدفتر للشيخ "
بس حصل شي غير متوقع
سعد : اسمع أنا الحين ماقدر اتحرك برسل الموقع وروح بس لا تسوي فيها شي أطلق على طرف رجلها لجل ماتقدر تتحرك واخذها معاك
حاضر الحين بمشي بس هي باي غرفه
سعد : بالغرفه اللي تحت الدرج انتبه لانها تطل على المجلس
ابشر الحين بروح
شافه رعد بس ماتوقع ان الغرفه اللي بتكون فيها رسيل ف ماركز عليها واجد بس كان شاك انه بيصير شي بس تجاهل
الجد انبسط على ذكاء سعد وتدبير خططه
دخل بهدوء وحط يده على فهم رسيل عشان ما تصرخ
هشششش لا اسمع نفس
رسيل مو قادره تتكلم : مين انت
المجهول : هششش جاي اخذك معاي انتبهي تنطقين بحرف
رسيل حاولت تدفه حاولت تصارخ بس هو كان يضغط عليها بشده صوت سلاحه لطرف رجلها وحط يده على فمها عشان لا تصارخ : هش اسكتي لا افرق السلاح برأسك
رسيل من قوة الالم طاحت على راسها بقوه لدرجة راسها صار ينزف ورجال سعد كان يصور ومستمع يقول بخبث: ما الومك فيها ياسعد تطيح الطير من السماء، شالها معاه وحطها بصندوق السياره وحرك لمستودع بس شافه سيف وحرك وراه بدون لا ينتبه ودق على رعد : ولد تعال بسرعه وجيب معاك الفريق شفته اخذها معاه ورايح لمستودع
فز رعد وسحب عليهم وصلو للمكان "
المجهول نزلها ورامها على الارض بقوه حط يده مكان النبض وشاف ان النبض قاعد ينخفض خاف ان يكون ذبحها ويبتلش بهالحظه دخل رعد ومسك المجهول وقام يضرب فيه قلي بس وين يعورك دخل سيف واخذ رسيل وطلع للمستشفى ودخلو الشرطه والفريق ومسكوهم
رعد : اوريك ياكلب والله لا اندمك انت واي احد يمد يده على حرم الرعد
المجهول وهو يلقط انفاسه : خلاصصصص فكني
رعد مكمل ضرب الين فقد وعيه : امسكوه الين اجي
راح وهو للحين مابرد قلبه بس خايف على رسيل
رعد : سيف وينكم
سيف بغصه : دخلت العمليات
فز رعد : شفيها انطق
سيف : جاتها ضربه قويه على راسها واحتمال تفقد الذاكره
رعد بغصه واضحه : وينك انت بجيك
بالبيت "
الجده منهاره على بنتها وام رعد تهديها
هناي : ياجده ترا رعد وسيف راحو لها
ام هادي فزت : هادي يقول انهم الحين عنده بالمركز
الجده : مسكوهم ؟
ام هادي بهدوء : مسكهم ورسيل ملك عليها رعد
ام رعد ابتسمت : خلاص دامها مع رعد تطمني
ام هادي : خذوها رعد وسيف للمستشفى
الجده فزت : شفيها بنتي شفيها ودوني عندها
هناي : دخلت العمليات بس ان شاءالله خفيفه
الجده طاحت عليهم من الصدمه بنتها وحيدتها خافت من فكرة انها تفقد بنتها
هناي انهارت بهالسرعه انقلب حالهم
دقت ام عقاب على ابو عقاب وشالو الجده
المستشفى عند رسيل طلعت من العمليات بالسلامه
الدكتور : نجحت العمليه الحمدلله شويه وبنقلها التنويم وتقدرون تدخلون عندها
رعد سجد سجدة شكر ان ربي طلعها له سالمه مافيها شي
سيف قلبه عوره حس ان امه فيها شي بس تجاهل ودق على ابو عقاب : كلم امي وقلها رسيل بخير الحمدلله
ابو عقاب : ام طاحت علينا وحنا بالمستشفى
شهق سيف : اي مستشفى
ابو عقاب : مستشفى *********
سيف : أنا جاي
ابو عقاب : خلك عند رسيل
سيف طالع رعد : رسيل عندها رجلها
فز ابو عقاب : زوجها فهد ؟
سيف : لا ملك عليها رعد
تنهد براحه : زين رعد ينشد فيه الظهر تعال
سيف قام : رعد امي طاحت عليهم وبروح خلك عند رسيل
هز راسه رعد : زين
عند ابو عقاب "
الدكتور طلع وجهه مايبشر بالخير : أنا لله وانا اليه راجعون عظم الله اجرككم البقاء لله
صارخت هناي بلعو صوتهاااا : لاااااااااااااااااا
قام هادي راح لهناي واخذها للسياره : اهدي اهدي هنو
هناي ببكاء : هادي جدتي جدتي راحت قبل لا تشوف بنتها
راحت قبل لا تودعها رسيل مدري وينها مدري هي بخير ولا ميته
هادي نزلت دموعه كيف ماتنزل وهي جدته وامه الثانيه حنونه وهي لللي مصبرتهم على جدهم وطبعه : الله يرحمها راحت للي احسن مننا هنو
سيف وصل المستشفى وعرف بالخبر وهو شايل هم كيف يقول لرسيل وهي توها طالعه بتطلع ومارح تشوف عندها احد غير رعد
ابو عقاب ماسك راسه ماله خلق يهدي احد يبي اللي يهديه
ابو هادي : يدق على ابوه وابوه مايرد
ام هادي وام عقاب يهدون ام هناي : استهدي بالله قولي لا إله إلا الله راحت للي احسن مننا
عند رعد ورسيل "
الدكتور : مين انت
رعد فز : زوجها
الدكتور : تقدر تدخل عندها
رعد قام وهو مايدري كيف يقولها الخبر
رسيل فتحت عيونها شافت رعد ماسك يدها وحاط راسه على يدها ومغمض عيونه
رسيل بهدوء : وش صار
رعد رفع راسه : الحمدلله على السلامه شلونك الحين ؟
رسيل : بخير وين امي
رعد شتت أنظاره طالع كل شي إلا رسيل
رسيل قالت بصوت باكي : امي فيها شي رعد تكلم
رعد مسك يدها : تومنين بقضاء الله وقدره ؟
رسيل بكت : رعد امي فيها شي صح
رعد دق على هادي وقاله يجيب هناي وبهالوقت رسيل تبكي ورعد مو عارف يتصرف
نزلت هناي عند رسيل وهي تبكي : هنو امي فيها شي صح
حضنتها هناي وبكت زياده جايبين هناي عشان تهدي رسيل صار العكس رسيل تهدي هناي : جدتي راحت راحت
صرخت رسيل بعلو صوتها : راحت سببي صح راحت سبب ابوي
دخل رعد مسكها وهداها : بشوفها ودوني عندها ابي اشوفها لا تحرموني منها تكفون
رعد مسكها وساعدها تقوم : تكفين اهدي رسيل
رسيل تمسكت بكتف رعد : لا يأخذونها مني وانا ماشفتها
رعد حط يدها ورا ظهرها : ماعليك بتشوفينها بس اهدي
رعد : السلام عليكم ابي مزنه منصور ال********
: ثلاجة رقم 3
رسيل تبكي بصمت وتشد على يد رعد : ابي اشوفها
رعد : امشي
دخلت رسيل ورجولها مو شايلتها .
آخر يوم بالعزا وللحين مايدرون وين الجد مختفي تماما
الجد دخل وشافو معاه حرمه واضح انها مو سعوديه ومعاها ورعان : السلام عليكم
ردو السلام
الجد اشر على رسيل : تعالي سلمي عليها
رسيل حبست دموعها : مين ذي
الجد ببتسامه : زوجتي
فزو بصدمه : ايش
الجد قدامها قدامه : اي والله زوجتي
رسيل وهي تبكي : تزوجت عل ى امي وهي ماصار لها ثلاث ايام ايش من قلب عندك ايش من دم قولي
الجد بحده : رسيل هذي بحسبة امك
مهره : اي حبيبتي أنا حسبة امج
رسيل قامت وقفت قدامها : تخسين تكونين مكانها
تقدم الجد بيعطيها كف لكن وقفته يد رعد وهمس في اذنه : جرب بس تمد يدك على حرم الرعد والله ماتصبح عليك الشمس
رسيل انهارت : خله رعد بيمد يده علي قد مدها خله يكمل علي وخله يذبحني والحق امي مابي هالدنيااا بدونها
ام رعد خذتها وقعدتها : قولي لا إله إلا الله يابنتي
رسيل : ماقدر ياخاله ماقدر امي مانشف قبرها وهو متزوج
الجد : متزوج صارلي سبع سنين
رسيل وقفت بصدمه : بعد كمل
حوريه مبسوطه ان جات وحده معاها وبتعبي راسها : حياك الله تفضلي حبيبتي
مهره : ماعليج زود ياقلبي
حوريه : اشوف كلامك غريب من وين انتي
مهره : هيه ارمس اماراتي أنا
حوريه بصدمه : انتي اماراتيه ؟
مهره استغربت : هيه إماراتيه شفيج
مها : حياك الله حبيبتي
مهره : الله يحيج
هناي : اقول انتي
مهره لفت : عفوا تكلميني
هناي لفت يمين يسار : ليش حبيبتي في غيرك
مهره : اقول احترمي نفسج ياقليله الادب امج ماعرفت تربيج؟
هناي فتحت عيونها بصدمه : والله لا أوريك يابنت *******
مهره : سلطان سلطوني
ام عقاب بهمس : باقي سلطه
ام هناي دقتها : مو وقتك
الجد جا : هناي يابنت *******
هناي : احترم نفسك تراه ولدك وبقبره
الجد بعصبيه وصراخ : ياجعلك تلحقينه
هناي وهي طالعه : انت قبلي ان شاءالله
لف الجد وتوه بيضربها حطت قدامها مهره وجا الكف بمهره : اخخخ شفيك سلطان أنا شكو
الجد فتح فمه بصدمه : كنت ابيه في بنت الكلب
مهره لفت على هناي : والله لا اعلمج يالسحليه
هناي فسخت نعالها وربطت شعرها ورمت أغراضها على رسيل اللي تبكي للحين وام رعد والهنوف يهدونها : تعالي كانك حرم سلطان فأنا حرم هادي بن احمد
هادي وسيف بتعزيز : والنعممم
هناي ضحكتهم بوسط حزنها وكسرها على جدتها : ماعليكم زود
تقدمت مهره ما امداها تبي تمسك هناي نطت عليهم حنين وشاركت معاهم رسيل اللي مو قادره تمشي سبب الاصابه اللي برجلها هي تقوم ورعد يقعدها وترجع تقوم ورعد يقعدها وهذا حالهم اما الجد للحين مصدوم من مهره اللي ملامح وجهها طارت وام عقاب تعزز وام هناي وام هادي وام رعد يتفرجون لين سحبت العنود ودخلتها معاهم وبدا تعزيز سيف لهم الين تدخل ابو عقاب وسحب مهره من بينهم وهي ماعد فيها ملامح من الضرب شعرها منكوش والروج واصل لحواجبها حفله : بسسسسس ورعان انتم
مهره تبكي بحرقه : والله لا اوريج والله لا اشتكي عليج
هناي اشرت على رعد وهادي : قدامك الشرطه حبيبتي
طبعا هناي طلعت منها سالمه وللحين على شكلها ماتغير فيها شي مع انها اكثر وحده ضربت مهره مهره اللي تأذت من الضرب وملامح وجهها انعدمت ، تقدم رعد عند ابو رسيل : جرب بس خلها تشتكي والله لا ترقد انت وحرمك بالمركز ، رعد قفط الجد انه يزور أوراق وخاطف بنته ويبي يجبرها تتزوج شخص ماتبيه
الجد تقدم واخذ مهره وطلع : شفيك انتي من اول تتهاوشين
مهره : شسوي ماسويت لهم شي اهيا اللي يتني أنا شكو
حسبي الله عليج من بنيه
الجد : ادخلي بس وربي انها افلمت بوجهك
مهره : هين بترياج الين تتطيحين بيدي محد بيفكج مني
هناي سمعتها : على زق
بعد شهر بيت ابطالناا بالعاصمه "
هناي حست بالألم ببطنها بس تجاهلت : ياربي وش هالالم
دخل هادي توه راجع من الدوام شافها حاطه يدها على بطنها : شفيك بس الله بطنك يعورك ؟
هناي بطنها كل ماله يزيد بالالم: اخ بطني
قام هادي يركض جاب عبايتها وشنطتها : قومي البسي
لبست هناي وطلعو للمستشفى : خلاص راح الالم يلا نرجع
ضحك هادي بصدمه : عليك كيفك والله ان تنزلين
هناي جتها ام الركب : يابن الناس اقولك خلاص راح الالم
هادي نزل وسحبها معاه : تدخلين ورجلك فوق راسك
هناي بقلة حيله : طيب بس يويلك لو فيها ابره
هادي : طيب يابزر امشي
الاستقبال : الاسم
هادي : هناي نايف سلطان ال ****
رقم الجوال : ************
تمام انتظر الين ينادونكم
هادي : تمام
بعد عشر دقايق : هناي نايف
هناي : هادي كنسلت مابغى
هادي سحبها : ادخلي بس
الدكتوره سوت لها سونار : الحمدلله انتي مافيك شي والجنين بخير
هادي بصدمه : اي جنين
الدكتوره ضحكت : حامل
هناي : مين حامل
هادي : دكتوره متاكده اكيد في خلل
الدكتوره : لا والله مافي شي
هادي : يعني الحين مين حامل
الدكتوره : انت
هادي طالع بطنه : ماعندي بطن
الدكتوره انفجرت ضحك : ماقول غير الله يعين عيالكم
هناي استوعبت : يعني الحين في بطني ورع
الدكتوره : ايوا
هادي : ورع يعني نونو صغير ؟
الدكتوره جاها صداع من الاساله وطردتهم
هناي : ابي الديره الان بقولهم
هادي : لحظه كم صارلك
هناي بتفكير : مدري اروح اسألها ؟
هادي : اي يلا
دخلت هناي نص راسها من الباب : كم صارلي
الدكتوره مسكت راسها : بالثاني يابنتي
هادي دخل راسه فوق راس هناي : يعني عندها اثنين في بطنها ؟
الدكتوره طلعتهم وسكرت الباب
هناي اخذت شنطتها وحلفت يمين إلا تروح الديره
هادي عند مدخل الديره : اهجدي ولا تكفخين احد وانتبهي
هناي : طيب
نزلت هناي تركض وتصارخ : يماههه خالتي رسيل
طلعت ام هناي من المطبخ و وراها ام هادي ورسيل طلعت من الغرفه : نعم نعم خير ان شاءالله
هادي بحماس : كلنا حامل
هناي صفقته : ياحمار الرجال مايحمل
هادي استوعب : صح هنوو حامل
ام هناي عيونها دمعت : مبروك يابنتي مبروك
ام هادي حضنت ولدها : مبروك الله يتتم لها على خير
سيف من وراهم : ووش مين تزوج
ام عقاب : محد تزوج هنو حامل
سيف بصدمه : ورعان عندهم ورع ماصدق
مهره سمعتهم وجتها فكره جهنميه وجمعت شلتها حوريه ومها
حوريه  : جات لنا الفرصه ننتقم منها
مهره فزت : شنو بسرعه مافيني اترياا
مها : نطيح ورعها
مهره : نحرمها منه وربي فكره خياللل
مها : اجل تم ننتظر الين بكرا وننفذ الخطه جاهلين عن اللي قاعده تسجل وتصورهم بوضوح وكل كلامهم واضح
ام عقاب دقت على ام رعد وقالت لهم يجون
سيف قام يكشخ يوم سمع طاري ام رعد
هناي مره امها تقعد ماسكتها ومره ام هادي عشان لا تقوم
مهره ماغير تمشي وتنقز لهناي انه لا تفرح بضناها
نوره تمشي وتهدد حوريه ومها ومهره بعيونها
ام عقاب رايحه جايه للمطبخ
هادي يمشي ويرقص ماخلى احد ماقال له انه بيصير اب
اسر وفارس يتمشون ويخططون وش يسون عشان فارس يقنع ابوه يخطب له نورته وأسر خايف يقول انه يبي حنين ويتكفخ
سيف ماخلى عطر ولا عود ولا بخور إلا وحطه
رسيل قاعده تحس بالحزن للحين على امها بس ماوضحت
لين ولينا قاعدين يحاولون يغيرون جو رسيل ويهجدون هناي وامجاد ماغير رايحه جايه تخاصم بالبنات لانهم يصارخون وشلة الفاسد يخططون على هناي و ورعها اللي للحين مسكين ماثبت
هناي استغلت الفرصه ان امها مشغوله وام هادي بالمطبخ طلعت من الصاله للحوش تبي عند ابو هادي : هاي
ابو هادي : اعقبي يابنت وش هاي
هناي : اقصد سلام عليكم
ابو عقاب ضحك : وعليكم السلام
هناي : رح تصيرون جدان
ابو هادي : وشو امجاد حامل ؟
هناي : لا
ابو عقاب رمى المخده عليها : أنطقي
هناي ضحكت : أنا حامل
ابو عقاب : الله يعوضهم
دخل هادي : مين
ابو هادي : عيالكم
هناي : أصلا حاصل لهم ان امهم هناي وابو هادي
ابو عقاب : والله والنعم بامهم وأبوهم
هادي وهناي : ماعليكم زود
ابو عقاب : يلا خذ حرمتك وتقلعو برا لا اشوفكم
هادي : يلا يامره داخل
هناي رجعت وسحبت هادي معاها :تطلع معاي وانت حمار
هادي : سمي
سيف : يلا يحمار تمشيك مره
هناي : نشوفك ياثور العنود وش بتسوي فيك
سيف : ولد ابوي ماتقدر علي
هناي : اي اي نشوف
عند العقرب وعجوز النار : اسمعي الحين أتوقع هادي معاها
مهره : شفيج انتي عادي خل اتريا الين اتيي والله لا اخذ حقي
مها : اي حتى أنا باخذ حقي
حوريه شبكت معاهم تقل بلوتوث : حتى أنا معاكم
بعد المغرب "
هناي قاعده بالحوش لحالها تنتظر البنات يجون
مهره : اقولج بأي شهر انتي
هناي : شدخلك
حوريه : لا بس نسأل شفيك
هناي : ماقلت لك اسألي
مهره قربت منها : شفيج حبيبتي ابي أطمن عليج
هناي كانها عرفت نيتهم ف شغلت تسجيل الصوت وكانت موضحه ملامح وجيهم عشان إذا سوا شي يكون عندها دليل : عارفه نيتكم انتي وياها فأرقو احسن لكم
مهره قربت مسكتها وحوريه تقدمت ورفستها في بطنها صارخت هناي بلعو صوتهاااا وفقدت الوعي ، انحاشو مهره وحوريه ، طلعت ام هناي : يمه هناي هنايييي قومي
جا سيف يركض اخذ هناي ودق على هادي : ولد تعال المستشفى بسرعه هناي طاحت
فز هادي بخوف : جاي الحين
نوره اخذت الفديوهات وشافت ان جوال هناي للحين يصور ف استغلت الفرصه واخذت جوالها وارسلت كل شي على جوال هادي 
بالمستشفى "
الدكتور : الحمدلله قدرنا ننقذ الام بس الله يعوضكم فقدنا الجنين
صرخ هادي بعصبيه : مين اللي سوا فيها كذا
وصلته رسالة نوره من جوال هناي شاف الفديو وجن جنونه حرموه من ولده من اول ضناه اللي توه عرف بالخبر اليوم 
سحب عليهم وطلع طاير للبيت وصل وشاف قدامه مهره : طمني وش صار عليها يروحي هي
هادي ضحك بقهر وقال بصراخ : ارتحتو الحين ارتحتو يوم حرمتوني من ضناي ارتحتو يوم انكم حرمتو ام من ضناها توها تدري فيها وتفقده
جا جدهم العله الشايب العايب : هادي وجع ان شاءالله
لف هادي عليه : جهز نفسك ولله محد يفكهم من يدي وبرفع قضيه الان
حوريه تكت بثقه : ماعندك دليل
ضحك هادي : هذا اللي همك
مها : طبعاً ماعندك دليل
هادي طلع جواله وكلم محامي ورفع قضيه و طلع لهم الفديو والتسجيل بكلامهم : ها عندي دليل ولا باقي ؟
حوريه بلعت ريقها : هأ أصلا هذآ تزوير
رسيل جات تبكي : تكفى وش صار فيها
حضنها هادي : هدي مافيها شي ماعليك
رسيل : بروح معاك مابي اقعد معاهم
هادي : بروح أنا للمحامي بكلم رعد يجيك اوكي ؟
رسيل هزت راسها : طيب قوله يجي بسرعه تكفى
هادي : مارح اطلع الين يجيك
رسيل : طيب بروح البس
بعد مرور دقايق وصل رعد واخذ رسيل : شفيك يابوي انتي
رسيل انهارت عنده : طيحو ولدها شفت الدم شفته
حضنها رعد ورسيل دفنت وجهها بحضنه : تكفى ابي اروح عندهم
رعد : طيب الحين بوديك لهم بس اهدي
بالمستشفى "
هناي منهاره : يمه ولدي فيه شي صح صارله شي ؟
ام هناي وام هادي صياح : يايمه اهديي حكمة ربي قضاء وقدر
هناي انهارت زياده : يعني اخذو ولدي يعني ولدي مات مات وانا توني عرفت فيه
دخلت رسيل وحضنتها : بس بس يامي انتي
عطوها مهدي ونامت "
ام هناي : حسبي الله عليهم
ام هادي : دقي على هادي شوفيه وينه
رسيل بهدوء : راح مع رعد للمحكمة
ام هناي : ليش
رسيل بكت : مهره والكلاب اللي معاها هم السبب
ام هناي عصبت وطلعت من المستشفى وشافت قدامها سيف : تكفى قوم ودني للبيت جاتها ام هادي قم قامت عليك قيامه
قام سيف : شفيكم طيب
ام هادي : الكلاب مهره واللي معاهم هم السبب
طلعو سيف وام هناي وام هادي "
ام عقاب ماسكتها نوره لا تقوم تكفخهم: يايمه اهجدي
ام عقاب تعض يدها : اههه يالقهر أوريكم ياكلاب
دخلت ام هناي تصارخ ومسكت مهره وكف رايح وكف جاي عدمت ملامحها وام عقاب دفت نوره الين طارت ومشت لحوريه وام هادي راحت لمها وبدت مصارعه بالبيت محد قدر يفكهم إلا هادي وسيف : لا يموتون باقي ابيهم يتعاقبون
الصبح بالمحكمه "
مهره تصيح وتترجى هناي تسامح : تكفين ياهناي عيالي لحالهم طلبتج اسحبي القضيه والله لا اختفي من حياتج
هناي بدموع : وضناي اللي خذيتوه وموتوه من يعوضني عن ضناي مارح اسامح قومي
القاضي ضرب الطاوله : خلاص
حكمت المحكمة على المتهمه مهره بنت خلف بالسجن تسع سنين والمتهمه حوريه بنت ناصر سجن تسع سنين والمتهمه مها بنت عقاب بالسجن تسع سنين وانتهت الجلسه
طلعت هناي روحها مهدوده بفقدان ضناها اللي ماشالته حتى بين يدينها : شفيع لكم يايمه شفيع
هناي : ماقدر يخاله ماخلوني حتى اكمل فرحتي حرموني من ضناي
هادي يحاول يساند هناي وهو يبي من يسانده
نرجع للبيت "
الجد اللي قاعد مصدوم من كمية المشاكل اللي جاته فجاه جاه اتصال : سلام عليكم انت سلطان بن صالح ؟
الجد : اي نعم سلطان بن صالح
: انت صاحب المزرعه **********
الجد : اي نعم
: الله يعوّضك المزرعه انحرقت بكل مافيها
الجد جاته جلطه وطاح بطوله
دخلت رسيل المجلس وانصدمت من منظر ابوها طايح بالأرض ووجهه ازرق ويدينه بارده ماقدرت تشيلها رجولها ولحسن حضها كانو موجودين ام رعد وبناتها صرخت بأعلى صوتها وجا رعد على صوتها انصدم من شكله حاولو يشيلونه بس ماقدرو كان جسمه جدا ثقيل ( اتوقع من كثر اللي ظلمهم المهم ماعلينا نكمل ) شالوه بالقوة
رعد : سيف الحقنا للمستشفى *******
سيف : شفيكم
رعد : ابوك طاح و وجهه ازرق مدري شفيه تعال بسرعه
سيف كان احد عطاه كف : جاي
بالمستشفى "
الدكتور : عظم الله اجركم البقاء لله
سيف ما انصدم بالعكس حس انه ارتاح من ظلم ابوه
رسيل انهارت من اول وجديده صرت يتيمه يعني صرت يتميه رسمي يعني ؟
انقلب حالهم للمره الثانيه
اول ايام العزا كان هدوء ويحسون براحه حسبي الله عليك يالشايب العايب
بعد ثلاث شهور تسريع الاحداث "
مختصر هالثلاث الشهور "
تحدد عرس رعد ورسيل ، هناي وهادي يحاولون يتخطون اللي صار لهم ، سيف كل يوم يزيد حبه للعنود ، اسر يحاول بابوه يخطب له حنين ، امجاد طلعت حامل ، حوريه ماتت بالسجن مخنوقه
هناي انكشفت ان ابوها مات مقتول بالسجن وكان السبب الجد هي كانت شاكه بس تاكدت ، عقاب طلق حوريه قبل لا تموت بيومين وتبرى من بنته وسافر ولا عد رد على احد واختفى من أنظارهم للابد ام عقاب هي مصدر الدفاع لهم وفارس للحين يحاول بعمه يخطب نوره وعمه للحين يقوله اعقل وتعال الهنوف جاها نصيبها وانخطبت ..........

عطوه حقّه حبايبي
عشان حماسكم بنزل لكم كل يومين 🩶