يـاهنـاي وهيامـي يـاحبي العظـيم

3

الصبح بالمزرعه
هادي : يمه وين بدلتي
ام هادي : والله ياهادي لو ما تتقلع من وجهي ياويلك
هادي : يمه وين الفطور
ام هادي : الفطور في بيت خالتك
هادي : يمه من خالتي خالاتي واجد
ام هادي : خالتك نوف
هادي : طيب يالله بسرعه
ام هادي : ياولد تقلع خلني اشوف شغلي
هادي : ابشري
_____________________________________
الجده مزنه : اقولك سلطان الفطور اليوم عند نوف
الجد : مابي اروح
الجده : ليش وش ذنبهم إذا ولدك كذا
الجد : قلت له لا يعرس وهو كذا
الجده : طيب هم مالهم ذنب بهذا كله
الجد : طيب خلاص فكيني الحين
الجده : الله يهديك ويحنن قلبك عليهم
________________________________
هناي : يمه ابي اكل يالله
ام هناي : يابنت البخي صجيتني
هناي : يمه رسيل وسيف اجو
ام هناي : الحمدلله يارب الله يسعدهم فكوني من صجتك
هناي : اح يمه والله تعور
سيف : ابد ياختي انا موجود يدك اليسار
هناي : ياغبي اسمها يدك اليمين
رسيل : ماعليه نوف اخوي عليه قل عقل
ام هناي : ماعليك ولدي هذا
سيف : تدرين والله اني احبك
هناي : ورع لا تاخذ راحتك
سيف : والله ياختي انك جبتي بنت غثيثه
ام هناي : ماعليه ياولدي اجر لله
حنين اللي دخلت وسمعتهم: والله لو انك مو زوجة عمي كان توطيت بطنك يالله عاد إلا هنو
هناي : ياحبي لك يامحزمي
رسيل : تجمعو ادج خل ربي
حنين : البخي ياعمتي البخي
سيف : قالت عمتي عشان تانيب الضمير هههههههههههه
رسيل : اهم شي انك تعرفين اني عمتك
حنين : ابلعي تراب صدقت عمرها
هناي : يمه يالله ترا طفشت انتظر باكل
سيف : صادقه بنت اخوي طفشنا بناكل
ام هناي : تقلعو برا يالله
سيف : افا ياختي هذا وانا ولدك وأخوك
__________________________________
دخلت الجده : ام هناي يامي وينك
ام هناي : هنا يايمه تعالي
الجده : الله يسعدك يابنتي اكيد طلعو لك قرون
ام هناي : محد مطلع لي قرون غير هالبنت
الجده : يالله عاد إلا هنو بنيتي ماتسوي كذا
ام هناي : محد مدلعها غيرك يايمه
الجده : تستأهل الدلع حبيبتي
هناي : ياجده والله اني احبك اكثر من امي
ام هناي رمت عليها المخده : اي قليلة الادب ماعرفت اربي
هناي : حتى انتي تحبين سيف اكثر مني
سيف : وانتي شدخلك خليها تحبني
هادي : خالتي تكفين يالله والله جوعان باكل
ام هناي : يارب صبرني شفيك انت وهناي اليوم ماتاكلون
هناي : يمه يالله وبعدين انت ليش تقول جوعان
هادي : وشو يعني اموت جوع عشان سواد عيونك
هناي : ياخي سد نحرك
ام هادي : ماعليه ياهناي ولدي قليل ادب
هناي : عشانك بس ياخاله
هادي : يمه خليتي ولدك ورحتي ل ام قرون
ام هناي : عادي انتي خوذي هناي وانا اخذ هادي
ام هادي : تم بنيتي هناي
ام هناي : وانا تم ولدي هادي
هناي : ماعليه أصلا يازين امي غاليه
هادي : ويازين امي نوف
سيف : الله يعوضكم بعيالكم ياخواتي
هناي وهادي بنفس الوقت : البخ
سيف : بسم الله
____________________________________
دخلت امجاد
لين : هنو وينك
هناي : هلا بروحي وقلبي
لين : ياشيخه ياكثر الحُب
لينا : هنووووو
هناي اللي طلعت فوق الطاوله تصارخ: ارحبي ارحبي
امجاد : هذي باقي ماعقلت
هناي : ارحبي مجوده ارحبي
امجاد : البقى ياعيوني
هادي : الحمدلله على نعمة العقل ابك انتو تروحون حق ام قرون وتخلون خالكم
لين : ياخي البخ من زينك
لينا : هنو وبعدين انت
هادي : ونعم التربيه اختي
امجاد : وهم صادقين وش يبون بك
هناي اللي ماخذه وضعية المستحيه: خُوجلت والله 🙈
هادي : انتبهو لا يطيح علينا السقف هناي تستحي !
هناي رمت عليه المخده : البخ
الجده اللي تضحك على أحفادها : الله يخليكم ويسعدكم
الكل : امين
ام هناي : يالله سمو بالله
هناي : اخيررررررر
هادي : كولي زين لا تأكلينا بعد
هناي : البخ
سيف : بقولكم شي
هناي وهي تاكل : لا تقول شي
هادي : صادقه لا تقول شي
سيف : عناد فيكم بقول
ام هناي : قول يمه قول
سيف : اختي ام هناي واختي ام هادي أنا قررت اني ازوج عيالكم
هناي اللي شرقت بالشاهي : وجع وجع ياسيف وجع
هادي اللي قلبه صار فرشات لانه شاف هناي : وع بتعطوني ام قرون اخذ العله ولا اخذها
هناي : حاصل لك أصلا
حنين : معليش يمه ولدك مايستاهل هنو
رسيل : معليش نوف بنتك ماتستاهل هدو حبيب عمته
هادي : ياشيخه اليوم طلعتك علي
رسيل : هذا ولد اخوي الكفو
لين ولينا : أصلا حاصل لك انت مثل هنو
نوره : طلعوني معاكم بنقل لكم علوم ثقه
هادي : تم إذا علومك ثقه تم
______________________________________
دخلت عليهم حوريه : سلام عليكم
هناي : عز الله رحنا فيها مايكفي بنتها يعني
هادي بهمس لسيف : كلمت
سيف : ماعليه ياخوك اصبر دام جات الاجازه اصبر
هادي : ياشيخ أنا اللي ماحب الدوام برقد فيه
هناي : تكفى خذهم معاك
هادي : أنا ابي الفكه وذي تبيني اخذهم معاي
سيف : اصبر ماعليه ههههههههههههههه
هادي : البخ
مها : بابا نبي نطلع نتمشى
عقاب : ليش تطلعون مو لازم
حوريه : إلا عقاب حبيبي نبي نطلع مهاوي طفشانه
هناي : ويل كبدي
هادي : اول مره انتفق معاك
سيف : على انه ولد اخوي بس انتفق معاكم
حنين : اقولك هنو انتي والبنات شرايكم نطلع السطح
عقاب : اي ازين اطلعو
مها : لا بابا مره برد وانا ماتحمل البرد
هناي : ياجعلك تفطسين
هادي : ابك وربي هذي حاقده
هناي : وياجعلك تفطس معاها
هادي : يرحم والديك أنا شدخلني
هناي : اجل البخ وبعدين انت ماوراك دوام !
هادي : إلا صح يالله يمه أنا بروح
مها : مع سلامه حبيبي
ام هادي : روح يايمه الله معاك
رسيل: حبك برص ياقليلة الادب
هناي : بنات تكفون لايق هههههههههههههههههههه
حنين : اسم الله على اخوي هههههههههههههههههه
رسيل : صدق اسم على ولد اخوي
هادي : ترا اسمعك ياحيوانه
هناي : اما عاد تسمع امزح امزح
هادي : اوريك يالعوبا
هناي : البخ
الجد : هادي وهناي والله لو ماتسكتون ان الليله تنظفون حوش الغنم وتحلبون الناقه
هناي : شدعوا ياجد امزح امزح خلاص بسكت
هادي : حسبي الله عليك أنا بروح دوامي أصلا
سيف : تكفى يبه اصمل
اسر : اي بالله انه صادق
حنين ونوره ورسيل بنفس الوقت : اي تكفى احس وناسه
الجد: دامه وناسه سيف وأسر وحنين ونوره ورسيل اليوم ينظفون حوش الغنم ويحلبون الناقه
سيف : لا يايبه امزح والله امزح
الجد : أنا قلت كلمتي ويالله افطرو وروحو
هناي ماسكه الضحكه عشان لا تنظف معاهم
رسيل : اضحكي اضحكي
هناي انفجرت ضحك : تستاهلون
________________________________
الظهر البنات ينظفون شبك الغنم
حنين : آهه ظهري انكسر
رسيل : حسبي عليهم
نوره : حسبي الله عليكم مارحت لام صيته تقول عندها علوم ثقه
هناي : ولا يهمك ناروه أنا اروح بدالك
نوره : وجع انتي وش ناروه
هناي : شفيك والله حلو بطلي نفسيه
حنين : احس ودي اسطر فيني طاقه
هناي : هيا تعالي نروح للعقرب وبنتها
لين : تكفين هناي شوفيهم
لينا : بموت أشكالكم هههههههههههه
هناي : بطني تقطع شوفو شكل حنين بالروز
الجد : هناي ولين يالله نطو نظفو معاهم بسرعه
حنين ماتت ضحك : تستاهلون
هناي : حسبي الله عليكم
لين : الله لا يوفقكم ياكلاب
حنين : هيه ترا خالتك موجوده
لين : امحق خاله
امجاد : لينا تعالي
لينا : جايه يمه
امجاد : وين اختك وهناي
لينا ماتت ضحك : لين وهناي جدي قفطهم يضحكون على البنات وقالهم ينظفون معاهم
امجاد وهي تضحك : هذي نهاية الشماته
حوريه : يازين بنتي عاقله ادب وجمال
ام هادي لام هناي : منهي عاقله ومؤدبه
ام هناي : اتمنى ان أذني مافيها شي
ام عقاب : الله والعقل
حوريه : شفيك ياخالتي ترا مها حفيدتك
ام عقاب : طيب هذي هي المشكله انها حفيدتي
الحريم ماتو ضحك على رد ام عقاب الجده : وانتي صادقه يابنتي الله والعقل
ام هادي : يازين بناتنا ويازين النوري ماكانها عمتها
ام هناي : لو ان هناي ولد زوجتها النوري
ام عقاب : الله سعدكم والنعم والله بناتكم
حوريه : الله عاد وبناتكم شوفو ذيك حنين اللي يشوفها تقل ولد مو بنت على شعرها
ام هناي : والله عاد بنت اختي كيفها تسوي اللي تبيه انتي شدخلك
حوريه : الحمدلله والشكر شوفو بنتي كامله والكامل الله كل الانوثه فيها بسم الله عليهم
ام عقاب : السقف لا يطيح علينا مالت عليك وعلى تربيتك وعلى تربية ولدي اللي ماعرفت اربيه
____________________________________
دخلت نوره تصيح : يمه عقاب يصارخ علي ويقولي ادخلي وانا بسولف مع البنات
ام عقاب : مو على كيفه روحي يمه اطلعي ماعليك منه
عند البنات وعقاب ، هناي : والله ياعقاب لو ما تتقلع اليوم لا العن جدفك انت والمنتفه اللي جنبك
رسيل : بنت خلي الهياط قسم ان يعطيك كف تعضين الارض
هناي : حسيت بس لازم أدافع عن النوري
رسيل : غريبه ام لسان ساكته
هناي : ياحبي لها ذيبه تفكر وش تسوي فيه
حنين : اسمع ياخوي خذ بنتك وتقلع يالله
عقاب : ونعم التربيه صراحه
هناي : ياخوي تقلع من زين تربيتك عاد شوف بنتك تلاحق ولد الناس وهو مايبيها
حنين : وربي ان هادي بيقعد يدعي لك ليل نهار
نوره : عقاب خذ بنتك وامش من هنا
عقاب : مهاوي اقعدي معاهم ماعليك منهم
_____________________________________
العصر
الجد : ابو هادي تعال
ابو هادي : سم يبه
الجد : كلمت ولدك عن هناي !
ابو هادي : لا والله أصلا ماظنتي انه بيوافق
الجد بحده : يوافق ورجله فوق راسه
ابو هادي تنهد : ان شاءالله يايبه
الجد : اليوم تكلمه
ابو هادي : ابشر
ابو هادي : هادي تعال ابيك
هادي : سم يبه
ابو هادي : مافكرت تتزوج !
هادي تنهد : جدي قالك وحط الفكره برأسك صح ؟
ابو هادي : ولد أنا سألتك رد علي !
هادي : لا يايبه انت تشوف اني وجهه مسؤليه؟؟
ابو هادي : لا
هادي : اجل خلاص لا صرت وجهه مسؤليه تزوجت
ابو هادي : انت براسك احد
هادي اللي جات براسه هناي : ها لا مافي
ابو هادي : اجل مالك غير بنت عمك هناي
هادي اللي قلبه صار فرشات : لا يايبه مابيها
ابو هادي : على خير ياولدي
الجد اللي سمعه وقال بحده : مالك غير هناي رضيت رضيت ولا بالطقاق
هادي اللي عصب : ومين بيتزوج أنا ولا انتو ؟
الجد بحده : قلت اللي عندي
هادي اللي كان خايف ان هناي ماتبيه : معقوله أنا حبيتها ؟
سيف : مين حبيت ؟؟؟!!!
هادي : ها مين
سيف : في غيرك هنا ؟
اسر : عرفتها
سيف : منهي
اسر : مها
هادي اللي ضحك بعلو صوته : حلفتك بالله انك تقولها صادق ؟
سيف : ياولد هذا لو بيده قتلها تبيه يحبها بالله اسر لا عاد تفكر
اسر : لقيتها
سيف : منهي
اسر : حنين
هادي اللي رمى عليه المخده : اختي ياحمار اختي
اسر : اي صح
سيف اللي مات ضحك : احس اني عرفتها بس اول بتاكد
هادي : ياخي انطمو خلاص
سيف : هيا نطلع للدكه
هادي : انتو اطلعو أنا شويه واجي
سيف وأسر : تمام
__________________________________________
هادي اللي قاعد يفكر : يارب اكتب لي اللي فيه الخير
وطلع للعيال بس قبل يطلع للعيال ،طلع السطح
شاف الشعر الطويل اللي يلعب به الهوى تكى على الجدار
ويتأمل إلى أن صحى على نفسه ورجع للعيال
سيف : ارحب
هادي : البقى
اسر : رحت تشوف حبيبتك
هادي : اعقب ياورع
سيف : يالله هادي من زمان عن قصايدك
اجو البنات للدكه
هناي : الله كاني سمعت قصايد
سيف : اي يالله هادي
هادي اللي تذكر البنت اللي بالسطح :

وانـتي اختصـرتي بالجـمال المـزايين
حـتى كسـبتي مـن طـرفهـن عـداوه

يالـورده اللـي بـين خـضر البسـاتين
وتـومي بـتس الهـبه لـيان وطـراوه 
سيف : صح لسانك
هادي : صح بدنك
هناي : يطلع منك بس تكفى ابي مره ثانيه
هادي ضحك بخفه : ابشري
حنين : يويلي اخوي يطلع يحب
لين : ياحظها ياخالي ياحظها
هناي : قولي منهي وانا بدعي لك انك تتزوجها
هادي بنفسه كيف اصارحها انها هي : انتو ادعو واذا تزوجتها ذيك الساعه تعرفون منهي
هناي : يالله يارب انك تتزوجها وبدعي لها كل يوم ان ربي يصبّرها
هادي اللي قال للين انه يحب هناي : لين انتي بذات كثفي الدعاء
لين وهي تضحك وتناظر هناي : ابشر
هناي : يالله مره ثانيه ابي بعد
هادي : يالله

في الواقع ترا أنا صرت أعشقك
وحتى رمش عينك أنا ذايب بهواه

أنا كُل مبتغاي بهذي الدُنيا قربك
متى يتحقق لقلبي طموحاته ومُناه
هناي : عشت عشت
هادي : عاشت ايامك
سيف : الله عليك ياشيخ
لين بهمس لهادي : تشجعع وماتدري ان هي المقصوده
هادي : شسوي ام قرون صارلي سنه المح لها ماتفهم
لين : افا عليك هههههههههههههه
حنين : هادي يالله تكفى زيد تحمست
رسيل : تكفى ياولد اخوي قلي منهي
هادي : اقربي لكن والله ان قلتي لاحد لا اتوطى بطنك
رسيل : ابد اسكر فمي ولا اهرج بحرف بس قلي
هادي بهمس : هناي
رسيل اللي قامت تصارخ : كذابببببب والله توقعت
هادي اللي حط يده على راسه : يابنت قلت بدون فضايح
هناي : طيب أنا قولي والله ماعلم احد
رسيل : اي اي تكفى قولها
هادي جاته دوخه من رسيل اللي ماتفهم : يابنت قلت سر بيني وبينك
هناي : افا طيب عطني اول حرف
هادي : ها لأ أصلا هي بدون اسم
هناي : ترا بدعي انها ماتتزوجك !
هادي : لا تكفين
هناي : طيب خلاص لا تصيح
اسر : يالطيب يالله كمل
هادي : ابشر

علميني أشباهك صاروا كثير
ولا أنا صرت أشوفك بكل الوجيه

تعبت معاك انتي وجمالك المثير
اللي كل ما اصد عنه ارجع واجيه 
سيف : صح لسانك ياولد اخوي صح لسانك
رسيل : هنو تكفين ابي شاهي احب الشاهي حقك
هناي : ابشري بي
حنين : تكفين أنا بعد ابي مويه
هناي : ابشري
راحت هناي
رسيل : عرفت اللي يحبها هادي
هادي حط يده على جبهته : أنا من قالي اقولك
رسيل : ياخي خلاص فكنا مو موجوده
سيف : عرفتها هناي صح ؟
هادي وهو يضحك : اي بالله
حنين وهي تصارخ وتضحك : ياحبي لها والله لو اني ولد حبيتها
هادي : اعقبي
حنين : تكفى تكفى هادي تزوجها
هادي : ان شاءالله عاد جدي بيزوجني هيا
جاهلين مها اللي سمعتهم وراحت للجد: جدي ترا هادي يحب هناي
الجد اللي عصب هو كان بيلوي ذراع هادي بس انصدم انه يبيها ويحبها
الجد : ابو هادي اقرب
ابو هادي : سم
الجد : كنسلت مابي ازوج هادي هناي
ابو هادي : عسى ماشر يبه
الجد : بس كذا كنسلت
ابو هادي : اللي تشوفه