يـاهنـاي وهيامـي يـاحبي العظـيم

15

اول يوم رمضان تحديدا بيت ابطالنا "
هناي : هادي يابزر حطها بالفرن
هادي : لا خليها نيه يطلع طعمها الذذ
هناي هبدته : اللهم اني صايمه
هادي : هنو عندي اقتراح جميل جداً
هناي : وشو
هادي : اساعدك بالفطور
هناي : ياحبيبي الفطاير وحرقتها والمكرونه خليتها بدون ملح والعصير حطيت ملح بدال السكر ايش باقي ؟
هادي ضحك بصدمه : اوله هذا كله أنا مسويه
هناي : هادي الله لا يآخذك انقلع برا
هادي قعد على الطاوله بعناد : وربي ما اطلع
هناي هبدته بالطاسه : ياورع قم هيا باقي سبع دقايق على الاذن وحنا بنفطر مويه وتمر ، فتحت الدرج شافت بس في حبه تمر صرخت بعلو صوتها : هادييييييي
هادي فز من صراخها وصرخ معاها : هاااااااا
فجاه دق باب البيت : قم انقلع افتح
هادي فتح الباب : اهلا
جارهم بعصبيه : أنت ومين بالبيت
هادي استغرب وضحك بغباء : أنا وزوجتي
جارهم : بزران انتو بزران وش هالصراخ
هادي ضحك بفشله : اعذريني بس
جارهم بعصبيه : لا بس ولا خس اسكتو
هادي سكر الباب بوجهه من التوتر : الله لا ياخذك ياهناي
هناي رمت عليه قارورة المويه : كل تراب
هادي ضحك : وش تبين من البقاله
هناي : تمر وجيب من المطعم حسيبك ربي حرقت كل شي
هادي : طيب طيب
بالديره "
رسيل : نوره يازفت
ام عقاب هبدتها : رمضان رمضان
رسيل : صح رمضان
نوره : نعم ياتبن
ام عقاب فسخت نعالها ( أكرمكم الله ) توني اقول رمضان
نوره هربت وجات الضربه بفارس اللي توه صاحي : اححح
ام هادي : تستاهل كيس نوم انت يلا افرش الصفره
فارس مغمض عين ومفتح عين : وينها
ام عقاب هبدته : هناك
فارس : يالبيه اول رمضان ناكل براحه بدون الشايب العايب
ابو هادي من برا بصراخ : ياكلب اخرج لا اجيك على الاقل ادع له
فارس : مايستاهل والله
ابو عقاب : ابن ابوي
فارس : اما كنت احسبك ولد الجيران
ابو عقاب بمزح : ابو هادي اليوم كلموني خطاب يبون نوره
نقز فارس عند عمه : قول غيرها تكفى
ابو عقاب : قلت لهم البنت شورها من شور ابوها موافقه
فارس بحده : البنت لولد عمها أولى
ابو عقاب : مو توك تقول اني ولد الجيران
فارس ضحك : امزح ياعمو
ابو عقاب : كل زق
فارس : ابشر
نروح بيت ام رعد "
العنود : يمه الحين عادي رسيل تجي تفطر عندنا صح
ام رعد : اي خلاص رعد زوجها
العنود : يعني اقدر اخلي رعد يروح يجيبها
ابو رعد : لا يمكن هي تبي تفطر مع اهلها خليها يوم ثاني
العنود : طيب طفشت الهنوف تملكت وراحت مع زوجها شسوي أنا الحين
ابو رعد : اصبري يابنت عرس رعد ثالث العيد وتجيك
ام رعد : قومي حضري يلا مابقى شي
نرجع عند ابطالنااااا "
هادي جا يركض : هنو اذن يلا
هناي : طيب وش اسوي مافي شي نأكله
هادي : مره مره مافي شي ؟
هناي : قوم نتلها الديره
هادي : اوله تبيني امسك خط للديره ؟
هناي : اي نوصل على السحور على الاقل ناكل
هادي : طيب ودوامي
هناي : خذ اجازه ترا طفشت من الرياض صارلي ثلاث شهور
هادي : خلاص خلاص كليتني
هناي : بقوم اجهز شنطتي
هادي : دقيقه الفطور
هناي تطلع بالدرج : كله لحالك
هادي : اجل مافي ديره
هناي : والله ان توديني وانت حمار
هادي : طيب احترمي اني زوجك
هناي : دز امها
هادي : ابشري
الساعه 10:54 مساء "
هادي : بوقف اعبي بنزين تبين شي ؟
هناي : لا احس بلوعه وغثيان مابي
هادي : تخيلي تطلعين حامل
هناي : يمه الله ياخذك مابغى
هادي هبدها بخفه : استغفري وجع
هناي : استغفرالله وقف برجع
هادي مسك فرامل الين هناي صك راسها بالقزاز: اخ راسي
هادي : انزلي انزلي بس
هناي : انزل معاي وين انزل
خلصت هناي استفراغ "
هادي : خلاص نمشي ؟
هناي : لا دقيقه احس برجع
هادي مسك راسه : طيب خلصيني
هناي : لا خلاص راح امش
بعد ساعتين قربو للجنوب "
صرخت هناي : وقففففف
هادي مسك فرامل للمره الثانيه هناي تطير : ها وشو
هناي : احس بلوعه
هادي سحب عليها ومشى لن ذي المره السادسه تقوله ومايصير شي
فجاه هناي بدون سابق انذار استفرغت: أكرمكم الله
هادي مسك راسه : ياليل وربي لا تروحين المستشفى
هناي : لا خلاص
هادي وقف عند باب المستشفى ونزلها بالغصب
دخلو عند الدكتوره : وش الاعراض اللي عندك ؟
هناي سكتت تطالع هادي وهادي يطالعها : مدري
الدكتوره : وشو اللي مدري
هناي : استفرغت اليوم ثلاث مرات واحس بدوخه والالم في بطني
الدكتوره : متزوجه انتي ؟
هناي اشرت على هادي : اجل هذا من السواق ؟
هادي هبدها بكتفها بخفه : انطمي
الدكتوره : بسوي لك تحليل حمل وبشوف
هناي : لا لا مايحتاج ههه
هادي مسكها : إلا يحتاج
الدكتوره : تعالي معاي
مشت معاها : اجلسي هنا
جلست هناي ومسكت يد هادي وعضتها قبل لا تبدا : باقي يابزر ماقد سوت التحليل
هناي : انطم
خلصت التحليل : انتظرو خمس دقايق وتعالو
هناي قامت وسحبت هادي معاها : اوريك يازفت
هادي : طيب طيب امشي
بعد خمس دقايق : مبروك اختي انتي حامل بالشهر الثالث
هادي : اوف هنو بصير اب اخيرا
هناي : لا بتصير سفن اب
هادي : سامجهههه
طلعو وهم للحين مو مصدقين الدكتوره وعبالهم كذب
وصلو الديره الساعه 3:34 "
دخلت هناي : هاي سلام عليكم
ام عقاب : هلا وعليكم السلام
سلمو على بعض وخلصو
هادي تنحنح : احم عندي لكم خبر حصري
ام عقاب : الله يستر
سيف : بشر بتاخذ الثانيه
هادي ضحك : لا باقي ابي نفسي
سيف : افا ياولد اخوي
هادي : اي والله تسويها بنت اخوك وتقطع راسي وتسويني ذبيحه
هناي همست لسيف : اقول اهجد لا تجرب غيرة العنود احتمال كبير تخليك تلبس عباية ونقاب
فز سيف وصارخ : ولد ابوي صادقه انتي
هناي انفجرت ضحك : اي والله
هادي : طيب والخبر حقي
ام هادي : حطه في بطنك
ام هناي : لا حرام خليه يقول
هادي قام وحضن ام هناي : الخبر ان انتي وامي راح تصيرون امهات
ام عقاب : اي ندري انهم امهات بس ليش
هناي : لاني حامل وهم رح يصيرون امهاتهم
ام هادي فتحت عيونها : ماشاءالله عليكم مربيات حنا
هناي هزت راسها بنفي : لا محشومين بس انتو جداتهم ف اكيد رح تأخذونهم وترا عادي الاب يجي بكج
ام هناي وام هادي بصوت واحد : لا يعني لا
هناي لفت ل ام عقاب : حبيبتي وقلبي وعمري انتي
قاطعتها ام عقاب : لا ماربيت اللي عندي بربي عيالكم لا
هادي لف لرسيل : وانتي رسيلي
رسيل : معليش أنا بتزوج وسنه كامله بقعد عروس
ابو عقاب هبد سيف : قم قامت قايمتك رحت للحلال
سيف ضحك بوهقه : لا نسيت
ابو عقاب : أنقلع له يلا
سيف عطاهم مشية فضه قلبها ابيض مايدري عن رسيل اللي تصور وترسل للعنود : مازود الحزن إلا غدر الاصحابي
ابو هادي اخذ نعاله ورماه عليه ( أكرمكم الله ) ياولد تقلع
فجاه بدون سابق انذار سيف وهادي وفارس قامو يرقصون ويهزون أكتافهم وهناي والبنات يغنون لهم متجاهلين كل شي قدامهم ورسيل تصور وترسل للعنود  :
مو كل من يهز بالكتف
مثلك بشغله محترف
بالوصف عديت الوصف
هز يالقمر شعر شعر
هز يالقمر شعر شعر لا لا لا

ابو عقاب قام لهم وهجدو
العصر رسيل كلمت اهل رعد يجون يفطرون معاهم
هناي كالعاده تتمنى لو قدرت تمسك مهره وحوريه
ابو عقاب مستقعد للعيال
ابو هادي يضحك ويتشمت
بالمطبخ "
ام عقاب : ياهناي تقلعي برا
هناي : خالتو انتظري
ام عقاب صرخت : هناي رسيل نوره براااا
طلعو البنات منهارين ضحك : بس بس بطني
جاهم سيف : ضحكوني معاهم
البنات طالعو ببعض وانفجرو ضحك : نعم وشو
البنات وهم للحين يضحكون : مدري
سيف والله لا اوريكم ياكلاب
رسيل : سيووووو وانحاشت
هناي دخلت المجلس : سلام عليكممممم
ابو هادي فز : ارحبي
هناي شاش راسها : البقىىىى
ابو عقاب وسع لها وقعدت بين ابو عقاب وابو هادي : شرايكن وانا بجيب لكن حفيد وهيك ترا ابي دلع وابي فلوس واشرت على ابو عقاب : وابي ناقه وابي ذهب وابي بيت وشاليه وسفينه وسفره
ابو هادي بصدمه : يأختي مضيعه زوجك هناك
هناي طالعت هادي : لا حرام مطفر أصلا ماعنده إلا ثلاث ريال ونص بالحساب طفرت فيه
ابو عقاب : وحنا وراه صح
هناي هزت راسها بنعم : اي وصلت خير
مسكها ابو عقاب باذنها : وش جابك هنا أصلا انقعلي هناك
هناي عدلت نفسها : اروح هناك انطرد اجي هنا انطرد
طالعت هادي وقالت : هدهد يلا نروح بيتنا هذولي مايبونا
ابو هادي : ترا رسيل وسيف وفارس : يجون بكج ماتبونهم
ابو عقاب : ونوره وأسر معاهم خذوهم مجاناً
هادي بصدمه : وشو فاتح بيتي غرف عزابيه وبعدين رسيل عندها رجل أنا شدخلني تروح عند رجلها
رسيل جت : سمعت رجلي شفيه
هادي : اليوم تروحين بيت زوجك
رسيل بصدمه : تخسي وتعقب
ضحك هادي : طيب
بعد الفطور "
هناي سوت نقطة تجمع بالدكه "
هناي : احس ودي نلبس أشياء سامجه ونلعب وننبسط شرايكم
رسيل : تم
العنود : تم
نوره : تم
حنين : تم
لين : وربي انك اطلق زوجة خالللل
هناي : ماعليك زود ، يمه خالاتي شرايكم ؟
ام عقاب : بشرط ؟
هناي : وشو
ام عقاب : لكل وحده شخصيه وكل وحده تلبس جميع الالون
الكل : تمممم
هناي : تمام قبل العيد بأسبوع نسويهاااااا
فجاه هناي حست بلوعه بدا الوحام معاها : ويععع وش هذا
ام هناي ضحكت : واضح بدت تتوحم
هناي قامت تركض للحمام : اخ بطني وش ذا ريحته خايسه
ام رعد : يقلبي انتي تذكرت الهنوف كانت بس تشوف رعد والعنود تقوم تستفزغ توحمت عليهم
العنود : حسيبها ربي كنت باليوم اتروش اربع
الكل "
هههههههههههههههههههههههههههههههههههههههه
تسريع الاحداث يوم حفلتهم "
هناي : خالتو وش بتلبسين
ام عقاب : بلبس روز اخضر وبسوي عاد تشكيلة من عندي
هناي : حبيتت ، وانتي يمه
ام هناي : بلبس بنفسجي والباقي من عندي
هناي : حلو ، وانتي خالتو
ام هادي : بلبس تنوره وتحتها بنطول جنز ازرق
هناي : وانتو بنات
رسيل : بلبس فستان اصفر وبحط ميكب ازرق
العنود : بلبس بنطول برتقالي وبلوزه خضرا وشراب احمر
حنين : بلبس تنوره ذهبي وجاكيت جنز ازرق وبلوزه حمرا
لينا : بلبس فستان اخضر فاتح لماع وكعب برتقالي
لين : بلبس فستان برتقالي مخطط اخضر
امجاد : بلبس فستان سماوي لماع
نوره : بلبس تنوره بني وبلوزه خضرا لماعه
هناي : وانا تشوفوني سبرايز
حنين : ياربي الكرشه اللي طالعه
هناي طالعت بطنها اللي فعلا كان بارز لانها دخلت الرابع :
ترقبوني أنا وكرشتي
ام هادي : الحماس مليونننننن لعيون حفيدي
هناي : اجل والله ماشوفينه حفيدك لا اطلع أولد برا الملكه ............

قربنا للختام استعدو 🩶🩶🩶