يـاهنـاي وهيامـي يـاحبي العظـيم

17

خذيتها وربي كتبها من نصيب الرعد
: تخسي وتعقب تاخذها
التفتو الكل بصدمه من اللي كان قدامهم : يبه
الجد : اي أبوكم ، وانتي يابنتي ياوحيدتي راضيه تتزوجين هذا
رسيل بدموع : اي اي ابيه محد أنقذني منك إلا هو
الجد : والله لو ماتطلبين الطلاق لا يوصلك خبر وفاته
رسيل طالعت رعد : تكفى انت حرمتني من ساعدتي
الجد وهو ماشي قال لرعد : طلق برضاك لا والله معد تشوفها
رعد : تخسي وتعقب مو اساس انت ميت منين طلعت ؟
الجد ضحك ضحكة استفزاز : طلعت عشان اطلع روحك وروحها
رعد مسك رسيل وتوه بيدخلها السياره إلا الجد اطلق على كتف رعد ، فز سيف مسك رعد
رسيل تصارخ وتبكي : لا يالرعد لاتخليني
مسك يدها رعد وقال بتقطع بصوته : رسيلي ان صارلي شي سامحيني
رسيل : لا رعد تكفى تحمل رعد لا تخليني وتخلي امك
هادي دق على الإسعاف واخذو رعد
تقدم الجد بغفله منهم وسحب رسيل
رسيل حاولت تصارخ وتضرب بس مافي فايده
ام هادي التفت تبي رسيل شافت الجد يركبها بالسياره وحرك صارخت بلعو صوتها : رسيللللللل
الفت الكل وفهمو لعبة الجد بلغو الشرطه
الصبح بالمستشفى "
الدكتور : الحمدلله حالته مستقرة الحين
هادي : نقدر نشوفه
الدكتور : اي بس كان يردد انقذو رسيل لا ياخذها مين ؟
تنهد سيف : رسيل حرمه
الدكتور : دخلوها او وحده لان واضح لو ماشافها بيقلب علينا المستشفى
ابو رعد : احتار بوضع ولده مايدري وش يقوله
الدكتور : ادخلو عنده بغرفه رقم 5
ام رعد تبكي على رسيل وعلى حالة ولدها : طيب
دخلو عند رعد شاف الكل إلا رسيل : وينها
هادي يستغبي: مين
رعد : رسيل وينها
سيف : بالحمام
رعد بدأ يتنرفز : سيف تكلم رسيل وينها خذاها صح ؟
نزلو روسهم دخلت هناي تصيح(دخلة وين مكتب حمد امزح) اي خذاها وهي تصيح محد انتباه لها
رعد قام وشال المغذي : أنا بقوم أدورها
مسكه هادي : ياولد اقعد حنا بندور
بعده هادي : بروح يعني بروح
ابو رعد مسك هادي : خله مارح يقعد إلا إذا شافها
رعد اخذ مفتاح ابوه وطلع
عند رسيل "
الجد ماسك عقاله ويضرب رسيل : أوريك يابنت ال*******
رسيل : اخ بس بس يايبه كسرتني
الجد قام يضرب اقوى : قلت لك ترفضين صح ؟
رسيل ماعد قدرت تتحمل الالم وفقدت وعيها
الجد كل مايشوفها يزيد غضبه وكان كل ماله يضرب زياده
فجاه داهمو الشرطه المكان ودخل رعد وانصدم من منظر رسيل طايحه على الارض وجهها وجسمها كله كدمات وخشمها ينزف من قوة الضرب تقدم رعد و وقفه سلاح الجد لللي على رسيل : تقرب بنهي حياتها
رعد عصب : وش تبي انت يا إدامي ارحم نفسك احترم عمرك احترم انك رجل بالدنيا ورجل بالقبر ماتخاف الله انت بنتك يارجال يارخمه بنتك
الجد : قلتها بنتي وانا حر اسوي بها اللي ابي
رعد استغل الفرصه ان الجد مو منتبه له وتقدم وكتفه رقم أصابته إلا انه من العصبيه ماقام يحس : تعالو خذوه
تقدم حط راس رسيل بحضنه : تكفين يادهر قلبي لا توجعيني اكثر ماني متوجع ، شالها وطار للمستشفى
سيف قاعد برا ومنهار وماسكه هادي : يارجال صل على النبي خلاص خذاها رعد معاه ، سيف : وينه رعد
هادي : تحت
نزلو تحت طلع الدكتور : لازم تبلغون الشرطه في كدمات
رعد : بلغت
الدكتور : تمام
تطمنو على رسيل "
رسيل صحت وشافتهم قدامها : وش صار على رعد
رعد قام وباس راسها : موجود رعدك
ابتسمت رسيل : وش جابني هنا
رعد : أنا
فارس يوم شاف رسيل تمام نط عند ابوه : يبه بتزوج
ام هادي بصدمه رمته بعلبة المنديل : يازفت الطين وعمتك
فارس ناظر رسيل : سبع ارواح مافيها شي
رسيل فتحت عيونها : اطلع مابي أشوفك
فارس : دقيقه خليني اخطب النوري وآخذها واطلع
ابو عقاب : اعقب
فارس : ياخي خلاص وربي طفشت كل ماجيت اخطب صارت مصيبه تعبت
نوره تاكل الفصفص : لا تحاول مارح اتزوج
فارس بصدمه : ها
ابو عقاب ضحك وحس انه رحم فارس : تعال بكرا ونشوف
فارس ناظر ابوه : بكرا الساعه تسع الصباح نروح
نوره : وشو بتخطب ديك ؟
فارس : تذبين على نفسك ؟
نوره : كل زق والله ما اوفق عليك
فارس : دزي أمها أصلا شور البنت من شور ابوها وعمي موافق
ابو عقاب بمزح : ومن قالك اني موافق دام بنتي ماتبي تخسي تاخذها
فارس فتح عيونه : يبهههههه
فجاه هناي صارخت : دخلت الخامس
طالعو فيها كلهم ، هادي بفهاوه : وش خامس
هناي : دخلت الخامس يمه
ام هناي : شفيك
هناي : لا اقصد يمه يعني انخرشت
ام هناي : كلي تراب
هناي : إذا اكلت حتى حفيدك بياكل
ابو هادي : إذا امه كلته باقي الولد عادي ياكل مع امه
هناي طالعته : هذي جزاتي وانا كنت بخطب لك
ام هادي : هناي لا اقوم لك
هناي تحمست : تخيلي انه جاي يقولي زوجيني
ابو هادي بصدمه : يالكذوب متى قلت كذا
هناي سوت نفسها حزينه : حتى مارحم اخته جاني وقالي زوجيني بس أنا قلت له لا طبعا مارح ارضى انك تتزوج على خالتي
ضحكو عارفين مزح هناي وعلاقتها مع عمها
ابو هادي اخذ المخده ورمها عليه : كلي تراب
هناي صرخت : بس ياهوههههه اليوم كم مره كليت تراب
هادي : اقول يأم انهد ترا وراي دوام قومي
هناي تذكرت انهم مسافرين : اخ ظهري ماقدر امشي
هادي بطقطقه : اجيب لك عربيه عادي
هناي : عجوز أنا
هادي : والله انتي معجزه بعمرك
هناي : اجل وربي ما اسافر معاك
هادي : هنو يلا بسوي لك فعاليات
هناي : إذا في فعاليه تم
قامت هناي : إلى لقاء آخر باذن الله
ودعوهم وطلعو متجهين للعاصمه "
هناي : هدهد بسالك
هادي : سمي
هناي : كيف جا في بالك اسم انهد
هادي : زمان كنت اشوفكم تلعبون انتي والبنات وسالوك وش بتسمين ولدك بالمستقبل قلتي انهد ومن يومها حطيته براسي بس ماحطيت براسي اني باخذ ام انهد
هناي : الله يعني لو ماخذيتني كنت بتسمي انهد
هادي : أكيد أنا حلفت وقتها اول ولد لي اسمه انهد
هناي ناظرته : ماودك نروح ناخذ اغراض ل انهد ؟
هادي : نروح ليش مانروح يأم انهد
هناي بحماس : اجل تم بكرا الصباح
هادي بنفس حماسها : تم
بعد شهرين "
اختصار الشهرين "
الجد اختفى عن أنظارهم بس مازال مخوفهم اختفاءه
رسيل ورعد علاقتهم حلوه ومتفاهمين
سيف خطب العنود
وفارس خطب نورته
هناي دخلت السابع ومن يوم دخلته وهي ناشبه لهادي حتى بالقمه ناشبه له
ام عقاب حاولت تتواصل مع عقاب بس مايرد عليها
ام هناي وام هادي وام رعد على وضعهم ماتغير شي
ابو هادي وابو عقاب ماغير ماسكين هناي طقطقه على كرشتها ويذكرونها بكلامها تخيلو اتزوج واصير ام
هادي مسكين كل يوم مطرود يرجع من الدوام وينطرد

اللهم لا تجعل روايتي تلهي عبادك عن عبادتك ~
عطوها حقها حبايبي 🩶🩶