كَفِيف الغرامِ

(الثاني)

وين أحط غيرك إذا غيرك لگيت
بكل مكان بروحي ماخذلك مكان.
ــــــــــــــــــــــــــــــــــــــــــــــــــــ

جان يفتر بالغرفة وبيده الكتاب يقرا ويرجع يسده يراجع النفسه قبل لا يروح للأمتحان لان اليوم عنده امتحان انگليزي فا گعد من وكت من ساعة خمسه يراجع الأشياء الصعبة عليه بالنهاية تنهد و اخذ كتابة وياه بعد ما لبس جاكيته وطلع من البيت و من الفندق كله وگعد على عتبات الدرج مال الفندق برا جان الجو بارد وجو مغيم، گعد يفرك بأديه من البرد و الكتاب بحضنه،

سمع صوت واحد يطلع من الفندق دار راسه مستغرب إن اكو شخص غيره گاعد بهيج وكت وشاف أمير الشخص الي اجه امس أجر غرفة طالع وهو لابس نص ردن بهالبرد بارز الوشوم الي على ذراعه

"صباح الخير" گال علي بحه بسبب إنه من اول ما گعد ما حجه كلمه فا صوته جان بيه بحه

"صباح النور" حجه أمير وهو ينزل عينه على علي الي خشمه و خدوده صايرات حمر من البرد، "ماكو محل مفتح بهيج وقت؟" حجه أمير مره ثانية متسائل

"لا والله الوادم هنا طول نوم، بس اذا تريد اكو محل حجي علاء بس دگ الباب عليه يطلع يفتحلك المحل" حجه علي متذكر محل حجي علاء الي مستعد يفتح محله حتى لو الفجر علمود يحصل رزقه

"ولو جاي تدرس مبين عليك طالب سادس و راح اتعبك وياي بس دليني عليه" گال أمير كلامه بهدوء الـ علي الي هز راسه بالموافقة و گام من مكانه ينكت بملابسه من تراب واخذ كتابة و مشى گدام أمير

"اصلًا حجي علاء يحبني فا راح يفتح المحل هو الممنون" گال علي كلامه وهو يضحك لانه باله جان يقصد العكس تمامًا

وهمه بطريقهم للمحل ما گدر علي يسكت عن فضوله و سأل "الجو بارد يرجف رجف ليش لابس نص ردن ما بردان؟"

بدون لا يباوع عليه أمير و عينه بتلفونه گال
"متعود و ما بردان"

رجع علي يسأل "انزين امس من سمعت صوت صياح بالغرفة حسيت روحي سمعت صوت بنيه معقول طلع من تلفزيون لان انا عبال-؟"

گاطع كلامه أمير وهو يگول "هذا المحل؟" جان يأشر على محل مسدود بيبانه زرگ ولانه جان بنهاية الفرع الوحيد، گدر يحزر

بوز علي شفايفه بأنزعاج لان ثاني سكته وگال "اي هو هذا المحل"، تقدم علي من الباب الأبيض الي بصف المحل وضل يدگ بالباب بثنين اديه ويصيح
"حجي علاء علعول علاء"

تقدم أمير وكض علي من جتافه وعقد حواجبه "تخبلت شجاي تسوي؟"

أبتسم علي و گال "ميخالف حجي علاء عشرة عمر نمون عليه ويمون علينا" و اول ما خلص كلامه انفتح الباب و انجر شعر علي بقوة من قبل علاء الي طلع معصب يجر بشعر علي ويصيح