•••••••••••••••••••••
أوبين
نزلت خطوات الدرج بهدوء البيت هادء الواضح
الكل نايم باوعت ع قفص لي بيدي وابتسمت بشر
كملت الدرج واتوجهت للغرفه لي نايم بيه فتحت
الباب ع كيف وفتحت باب القفص ونزلتهن
سديت الباب اخذت القفص شمرته بل مخزن
ورجعت خليت اديه بجيوبي وصعدت الدرج بكل هدوء بعدني مواصله غرفتي سمعت صريخهم جوه
ضحكت بشر ورجعت نزلت جانو الكل كاعد اردفت بضجر
أوبين:-خيرر شكوو
نهاد:-عمي يكول اكو حيه بغرفته
ناصر:-ولكمم مو وحده اثنين انيي شفتهنن
صباح:-بويه منين اجن الحيايه
ابتسمت وسرعان ماخفيتها اتقدمت واردفت
أوبين:-وينهن؟
اشر للغرفه والخوف باين عليه
دخلت للغرفه جانت وحده ع سرير والثانيه يم الميز
بس دخلت اجن بتجاهي
ضحكت وشلتهن
هذني اني مربيتهن وهنه اصغار
طلعت باوعت عليهم كلهم مصدومن اردفت بتذمر
أوبين:-هسه انتو خايفين من هذني؟
صباح:-متخافين يلدغنج
باوعتله بتك عين ورادفت
أوبين:-لا والله خوفي منكم لا تلدغوني هذني سليمات
ابسم:-بسمارج يدك بل عضم
باوعت عليهم وابتسمت بستهزاز
اخذتهن وطلعت جانت الساعه 3 الصبح
اخذت قفصهن خلتهن بي سقت سيارتي خليت السماعه بذني واتصلت ع اركان
شويه وجاوب
:-اهلا ست
:-هلا اركان باجر ب 7 اريدك تكون جاهز
:-حاضر ست
غلقته منه واول شخص راح يذوق العذاب
وألم لي عشناه اني واخواتي
وصلتهن ورجعت بنص الطريق حسيت نفسي مخنوكه الهوى مجاي يوصل ريتي وكفت السياره ونزلت جان الشارع فارغ مابي سيارت اكو دجه كعدت عليها ورفعت راسي لفوك عيوني مدمعه؟
بس الدمعه ماتنزل
عشت كل عمري اتمنى ابجي وقت لي اريد ابجي
بس ماابجي اختنك والنفس يضيق بس
الدموع ماتنزل
مسحت وجهي وصعدت بسياره ورحت ع بيتي
صفيت السياره ونزلت دخلت لجوه عيوني مابيهن نوم كعدت ع حايط الغرفه رجعت راسي لوره رجل ثانيته ورجل مادتها
"الماضي"
باوعت ع المكان غرفه حيطانها بيض نزلت نضري لرجليه واديه مقيدات بسلاسل
صوت قطرات الماي صوت دكات الساعه موسيقى مزعجه
عقلي مركز وياهن وياه كل دكه كلبي يدك خوف ورعب
أنت تقرأ
انكسار ارواح "ايتام"
Horrorوبقت قصة الحزن وياي مثل مشاور العرسان كلها تريد تسمعها يما تدرون ؟ مر ريح الندم بالروح خلص كل أصابعها
