مريم
خلصت امتحانات وكل هل فتره فاطمه اختفت
مااجت ولا امتحان ولا شفتها
اليوم اخر امتحان جاي امشي وروحي طالعه
جنا يوميه نروح ونرجع سويه من وقت
الحديث لي دار وهيه حته ماخلت ابوي يكمل اعتذرت وطلعت
وبعدها ماشفت وجها
كملت طريقي وعبرت بيتنا اليوم لازم اعرف
ليش مجاي تداوم
وصلت لبيتها باوعت هيج وهيج جانو جهال يلعبون ويباوعون
دكيت الباب أكثر من مره
طلع شاب يطلع عمره بنهايت العشرين كلت يجوز اخوها باوعتله وكلت
مريم:-خويه بلا زحمه تكدر تصيح لفاطمه
مهيب:-فاطمه منو
صفنت بوجهه وكلت
مريم:-بهذا البيت جانت بنيه ساكنه اسمها فاطمه
كال بعدم ملالا
مهيب:-غلطانه اني ساكن جديد هنا يجوز
منتقله لغير بيت
وسد الباب بوجهي
صفنت ع باب و الدمعه لاچت بعيني
وين راحت واكيد بسببنا انتقلت
رجعت واني خيبانه امل
جنت كلي امل اشوفه واحضنها
بس طلعت ماهيه ولا الها اثر
دخلت للبيت سمعت بابا صاحني
ولاول مره بحياتي مارد عليه كملت طريقي
لغرفتي شمرت جنطتي وتمددت ع جربايه ماعرف شوكت غفيت
فزيت ع صوت قريب عليه
مؤيد:-صاير وياها شي اول مره ما تجي ع غده
نيروز:-مادري يا يمه هيه اجت وبوجها لغرفتها
وبعد ما طلعت
كيان:-تركوها يجوز تعبانه بعد سادس
مؤيد:-لا مو شغله تعب صاير وياها شي
اني متاكد
فتحت عيوني بملل جانو واكفين كلهم فوك راسي
اجه كيان باس راسي وكال
كيان:-شبيها حبيبه اخوها وهيج ذبلانه
حضني مؤيد لصدره وكال
مؤيد:-احجيلي شبيج وشنو لي مضوجج
اني اعرف ضوجتج وزعلج سببه مو الدراسه
همست بصوت ناصي
مريم:-فاطمه
بعدني عن حضنه وباوع لوجهي وكال
مؤيد:-شبيها سوتلج شي احجي كولي
هزيت راسي بنفي
مؤيد:-جا شبيج
مريم:-فاطمه ماهيه
عقد حواجبه مافاهم هوه وكيان وحته امي
رجعت كلت
مريم:-اليوم من رجعت من الامتحان كلت اروح اشوفها شبيها لان ولا امتحان اجت وامتحنت
بس من رحت طلعت منتقله وماهيه
مؤيد فرك وجهه وكال
مؤيد:-شمدريج منتقله
مريم:-اكو ناس جدد ساكنين بل بيت لي جانت ساكنه بي
أنت تقرأ
انكسار ارواح "ايتام"
Horrorوبقت قصة الحزن وياي مثل مشاور العرسان كلها تريد تسمعها يما تدرون ؟ مر ريح الندم بالروح خلص كل أصابعها
