••••••••••••••••
ريتان
ام هتان:-بنيتي اني والبنيات جاين اليوم
نطلب ايدج لـ ايد وليدي هتان ع
سنه الله ورسوله
صفنت بوجها كالت سيليا
سيليا:-لا تحجين هسه فكري كل الزين وصدكي
هتان خوش هتان مو لان اخوي
بس والله متلكين مثله وهم يساعدج
حته تلكين اخواتج
هزيت راسي وكلت
ريتان:-ان شاءلله افكر وارجعلكم خبر
ايدو كلامي سلمو وراحو سديت الباب وراهم ورجعت كعدت صافنه
سندت راسي ع حايط فكري مشدود وهواي اكو افكار براسي مادري شلون غفيت
فزيت الصبح ع صوت التلفون كعدت فكرت
وجهي وسحبت التلفون جانت ضحى
ضحى:-لك هلااا ضلعي
ريتان:-هلا ضحو
ضحى:-من صوتج مبين جنتي نايمه
ريتان:-اي والله هستوني كعدت
ضحى:-يلا ولج ورانه دوام
ريتان:-عنده شي مهم لو لا
ضحى:-لا ماكو
ريتان:-جا ما ادوام
ضحى:-خوش حته اني راح اضربه جايتج بل طريق
ريتان:-انتضرج
سديته منها وكمت عزلت البيت صح هوه نضيف بس ماعندي شي اسوي
دخلت سبحت وطلعت شسورت شعري
وخليت التلفون بصدري اجبت اريد اطلع
بعدني باب الصاله اندفع الباب ودخلو ثلاث زلم ملثمين
بلعت ريكي ورجعت لوره وكلت بصوت متلعثم
ريتان:-منـو انتو
واحد منهم قلص عيونه وكال
:-خوش صيده مو ضلعي
هز راسه الثاني وضحك
:-ما جنت متوقعها بهل جمال
ضحكو وتقدمو عليه رجعت لوره ركضت ردت ادخل للغرفه
اجه واحد منهم سحبني وتخلى اقماش ع خشمي
صارعت حته ما اخذ نفس
بس جان ضاغط حيل ع خشمي وحلكي خانكني خنك
صار مثل الغواش ع عيوني وفقدت
اسمع صوت ما مفهموم وصوت اقدام
قريبه فتحت عيوني بطئ من سمعت الباب انفتح
ودخلو اثنين نفسهم جانو موجودين من اخذوني
حركت اديه جانو مربطيهن
أنت تقرأ
انكسار ارواح "ايتام"
Horrorوبقت قصة الحزن وياي مثل مشاور العرسان كلها تريد تسمعها يما تدرون ؟ مر ريح الندم بالروح خلص كل أصابعها
