White Lies

Ninth Lies

{ ထပ်ခါတလဲလဲ သတိပေးခြင်းပါ...။ ယခု fic ထဲက စကားလုံးတိုင်းသည် ဇာတ်လမ်းဇာတ်ကွက်အရ သာဖြစ်ပြီး မည်သူတစ်ဦးတစ်ယောက်ကိုမှ ထိခိုက်လိုစိတ်မရှိပါ..။ အငြင်းပွားခြင်း အမုန်းပွားခြင်းများ မပြုလုပ်ကြဖို့ အလေးအနက် မေတ္တာရပ်ခံပါ သည်။}

*++*++*++*++*++*++*

Before Our Break Up ( BOBU ) Episode 34 ( Part -2)

တက္ကသိုလ် စတက်ကတည်း ယခု အလုပ်ခွင်ထဲအထိတွဲလာသည့် ၄ နှစ်ကျော် ချစ်သူ သက်တမ်းရှိသည်... ဆောယောင်း နဲ့ အိုယွန်းဟာ တို့အတွဲ ဖြစ်သည်...။

Q ; ဘာလို့ လမ်းခွဲဖို့ ဆုံးဖြတ်ကြတာလဲ..?

ဆောယောင်း ; " အကြောင်းအရင်းတွေ ကတော့ အများကြီးပေါ့... အဓိကကတော့ တစ်ယောက်ကို တစ်ယောက် ဆက်ချစ် သွားဖို့ သတ္တိ မရှိကြတော့တာလည်း ဖြစ်နိုင်ပါတယ်... အစကတည်း နှစ်ယောက်လုံးက အတွေးများတဲ့ သူတွေဆိုတော့.."

အိုယွန်းဟာ ; "အလုပ်မှာ စိတ်ဖိစီးရတာနဲ့ .... ချစ်သူ နဲ့ တွေ့တဲ့အချိန်မှာ နားလည်မှု မပေးနိုင်ရင် သာယာကြည်နူးမှုတွေက ပျောက်ရှလာတာပဲ.. ငါ ကချည်း နားလည်‌ပေးနေရတယ်... ငါကချည်း အလျော့ပေးနေရတယ်... ဒီလိုမျိုး ကပ်တွက်မှုတွေက သူရော ကိုယ့်မှာပါ ဖြစ်လာတဲ့အခါ လမ်းခွဲဖို့ ဖြစ်လာတယ်..... "

H 1- ဂျွန်ဟို ; ဒါက တွဲပြီးကြာလာရင် ဖြစ်လေ့ဖြစ်ထ ရှိတဲ့ပြဿနာ တစ်ခုပါပဲ...

H 3 - ဆယ်ဂျွန်း ; မင်ဟန်ရှီး..က ရော ဘယ်လိုမြင်လဲ...

အီမင်ဟန် ; ကျွန်တော် နဲ့ ဟာနာက အနုပညာလောကထဲဝင်ပြီး သိပ်မကြာခင်မှာပဲ official တွဲဖြစ်တော့.... ရင်ဆိုင်ရဲ့ ပြဿနာတွေက များပြီး အဘက်ဘက်က ဖိအား များခဲ့တာပေါ့.. ကတောက်ကဆ နဲ့ရန်ဖြစ်တာလည်း အကြိမ်ပေါင်းမရေမတွက်အောင်ပဲ.. ဒါပေမဲ့ သူ့ လက်ကို လွှတ်လိုက်မယ်ဆိုတဲ့အတွေးတော့ မတွေးခဲ့ဖူးပါဘူး.. ဒီက ကိုယ့်အတွက် အဖိုးတန်လူသား မို့...