We Are Khue Rao Rak Kan : MM Trans

Introduction.2 : ကျွန်တော်ကဖင်မ်ပါ တွေ့ရတာဝမ်းသာပါတယ်

ပုံမှန်အတိုင်းပဲ မူကထဆိုင်ကိုအရင်သွားပြီးတော့ အေးအေးဆေးဆေးထိုင်ဖို့ အရက်ဆိုင်တစ်ခုမှာရပ်ကြတယ်။ ဒီဆိုင်က သူငယ်ချင်းတွေ၊ အနုပညာဌာနကလူတွေနဲ့ ပြည့်နေတာပဲ။ တစ်ချို့တွေကလည်း ဗိသုကာကျောင်းသားတေ​ွလိုမျိုး သက်ဆိုင်ရာဌာနက ကျောင်းသားတွေပါပဲ။ ဒီဆိုင်နာမည်က "Chinlapa"တဲ့။ ဒါကအပြင်ဘက်နေရာ သေးသေးလေးတစ်ခုပဲ။ နွေးထွေးတယ် တစ်နည်းပြောရရင် ပိတ်လှောင်နေတဲ့လေထုနဲ့နေရာမျိုးပေါ့။ ဒီဆိုင်ပိုင်ရှင်က ကျွန်တော်တို့ဌာနကစီနီယာတစ်ယောက်ပဲ။ သူပြောတာတော့ ဒီဆိုင်ရဲ့နာမည်က အနုပညာ(Sinlapa)ဆိုတဲ့စကားလုံးနဲ့အသံထွက်တူပြီး ထင်ယောင်ထင်မှားဖြစ်စေလို့ ပေးလိုက်တာတဲ့။ သူဒီလိုစကားလုံးကိုဘယ်လိုစဥ်းစားမိလဲ ဆိုတာတော့မသိဘူး။ ဒါပေမယ့်အဓိကက ထင်ယောင်ထင်မှားဖြစ်စေတာ စကားလုံးတွေမဟုတ်ဘူး။ ဒီဆိုင်ပိုင်ရှင် P'အွေး ပဲ။ သူကကြောင်တောင်တောင်နဲ့။

အရက်ဆိုင်ဖွင့်ထားတာဆိုပေမယ့် သူကထိုင်ပြီးပန်းချီဆွဲနေတုန်းပဲ။ ဒီဆိုင်ကအရက်တွေအပြင် အနုပညာပစ္စည်းတွေပါရောင်းတယ်။ တစ်ချိန်ပဲဖွင့်တာထက်စာရင် ဒီဆိုင်က၂၄နာရီနီးပါးဖွင့်တယ်။ ခယူကတော့အကျိုးအမြတ် တစ်ခုရှိတယ်။ သူကChinlapaစားသောက်ဆိုင်ရဲ့ နီယွန်မီးတွေအောက်က ငယ်ငယ်ရွယ်ရွယ် ညအဆိုတော်လေးလေ။ ဂီတကိုသဘောကျတာတို့ ပိုက်ဆံရှာချင်တာတို့တော့မဟုတ်ဘူး။ သူကအရက်အလကား သောက်ရအောင်လုပ်နေတာ။ P'အေွးကကျွန်တော့်သူငယ်ချင်းကို ကောင်းကောင်းအသုံးချနိုင်တယ်။ တစ်ချို့ရက်တွေ ဝန်ထမ်းတွေကြိုခွင့်မတိုင်ထားပဲပျက်ရင် ခယူကသူ့ဂီတာကိုချပြီး ကြက်သားမျှင်တွေကြော်ရတော့တာပဲ။

အွေးဆိုတဲ့နာမည်က သူ့သူငယ်ချင်းတစ်ယောက်ပေးထားတာ။ သူ့နာမည်အရင်းကိုတော့ တစ်ယောက်မှမသိကြဘူး။ ကမ္ဘာပေါ်မှာရှိတဲ့တခြားခွေးတွေလိုပဲ အပျင်းကြီး၊ နှေးကွေးလွန်းလို့ ဒီနာမည်ပေးထားတာတဲ့။ အဲ့လိုမှမဟုတ်ရင် ဒီလိုဆိုင်ထဲမှာဧည့်သည်တွေပြည့်နေတဲ့အချိန် သူဘာလို့အေးအေးဆေးဆေး လကိုကြည့်ရင်းဆေးလိပ်သောက်နေနိုင်မှာလဲ။