« سَلاسل المُلهم وقت "4:03" »
« بقلم: نور سمير »
« ارجو التصويت والتعليق ومُتابعة الحساب »
°°°°°°°°°°°°°°°°°°°°°°
باوعنالها بأستغراب وهيَ بس فاتحة عيونها وتهمس هذا بابا
المُلهم : ــ شمالچ امواج ابوچ بالخارج!
هزت راسها نافية كلامة وگامت بصعوبة فلتت الكانونة من أيدها توها تريد تتقدم بس فجأة لزمت راسها ورادت توگع والمُلهم حاوطها بسرعة
نيران : ــ خاف دا تتوهم لأن مصخنة!
باوعلي ورجع نظرة الها رفعها خلاها ؏ السدية واردف
المُلهم : ــ تؤ ما اعتقد چا مو قبل شويَ تسولف ولسانها شطولة هيَ لو من صدك شافتة لو شبهت عليَ
نيران : ــ اي يمكن
صاح المُمرضة اجتي مسحت الدم ورجعت شكلتلها كانونة ومُغذي تگول ضغطها هبط
المُلهم : ــ باع شني سوت بروحها أدري شمالچ تسودنتي شلعتي الكانونة
ابتسمت ؏ منظرهم يمسح ؏ راسها ويحچي عليها وهيَ مو يمَ اصلاً دايخة وتون
ضلينة طول اليل احنة وياها گوة وبطلعان الروح يلة نزلت حراراتها ورجعنة للبيت
رحت للغرفة ميتة نعاس وتعب حتى ما بية حيل اسبح بس بدلت ونمت
°°°°°°°°°°°°°°°°°°°
حطني ؏ الچرباية واردف
المُلهم : ــ تگدرين تبدلين لو ابدلچ؟
خزرتة واردفت
: ــ عرف ولف حتى تبدلي!
هز ايدة واردف
المُلهم : ــ صح صح عرف ولف حتى ابدلچ شنيي قابل انه رجلچ وجاي اتمادة؟
: ــ اي والله شمدريني قابل انتَ رجلي!
باوعلي بطرف عين وراح للكنتور اخذ ملابس وطلع برا اني هم گمت بعصوبة اخذتلي ملابس وطبيت اسبح بس مَوصلت المَي للكانونة
طلعت من الحمام شفتة نايم بالگاع ومنصي السبلت حيلل صايرة ما بي برودة بس قابل اني اتوب؟ طبعاً لا رحت عليت السبلت ونمت
گعدت ؏ صوتة وهوَ يدردم
المُلهم : ــ الأدب سز معلية السبلت چا مو ضلينة النص اليل واحنة بالمستشفى گوة نزلت حراراتچ وبكل عين صلفة رجعتي سبحتي وعليتي السبلت!
تأفأفت واردفت
: ــ يوووه شبيك بس تدردم غير حارة!
المُلهم : ــ اي حارة ولمن تتمرضين ياهوَ يحير بيچ ويبتلي غيري
أنت تقرأ
سَلاسل المُلهم وقت "4:03"
Misterio / Suspensoكُنتُ ڪَباخرة مَثقوبة على شاطئ بلا مَرسى، نَويت الإقلاع بلا هوادة، تَعثرت بِصخرك وسقطتُ في جُرفٍ بلا نهاية، جُرف سماوي يُشبه عَيناك، حالك الظُلمة ڪخصلات شَعرك، يتلألأ ڪبسمتكَ، صنع محياكَ في قلبي الغوغاء، ألاحق عُطركَ ڪَفراشة تتمنى إحياء اللقاء.
