« سَلاسل المُلهم وقت "4:03" »
« بقلم: نور سمير »
« ارجو التصويت والتعليق ومُتابعة الحساب »
°°°°°°°°°°°°°°°°°°°°°°
سحبني من ايدي بقوه واني احاول افلت نفسي من عنده بس يا جبل ميهزك ريح
: ــ وخر عنيي وخررر شنو تريد وين ماخذني!
سحبني اقوه وهمس بنبره مُخيفة
: ــ ماخذچ للجحيم
رجف جسمي بخوف بس سيطرت ؏ نفسي ومبينت خوفي
: ــ وخرر ترا اصيح عمو هوَ يتصرف وياك!
ضحك ضحكة قوية حيل لدرجة خفت منها باوعلي بنظرات مليانه سُخرية واردف
: ــ كل عقلچ اخاف من عمچ؟
احس الدمعة صارت بطرف عيني هاي بعدني مصارلي اسبوع هنا وهيچ صار تعامُلهُم وياي
سحبني اقوه واردف: ــ انسي الدلال والعيشة الحلوه والرفاهيه انسي شي اسمة طلعة وبعد لسان طويل ما اريد مفهوم!
دفعته واردفت بنفاذ صبُر
: ــ وانتَ منووو حتى تتحكم بيةة؟؟!!
خنزر بوجهي وتقرب سحبني من شعري وهمس بخبُث
: ــ انه خطيبچ المستقبلي يحلوه
ــــــــــــــــــــــــــــــــــــــــــــــ
اصوات سيارات الشُرطة ملت المكان ضحكت بفرح ونزلن دموعي يعني واخيراً حَـاخلص من هذا العذاب!
گُمت وحيلي كُلة يرجف مسحت الدم من ايدية واني اباوع الجثتة ببرود قاتل الدم مالته ملئ ملابسي وايدية والأرض بس مهتميت لأن يستاهل
اندُفر الباب ودخلوا هواي ضُباط مُسلحين وجهوا اسلحتهُم عليه وعاط واحد منهُم
: ــ اوگفي بمكانچ أي حركة تصدر منچ تموتين
بلعت ريگي ردت احچي بس منطوني مجال تقرب الي صيح عليه مچان مبين وجهَ لأن مغطي
لزمني من ايدي واردف بحده: ــ انوب علينه الزقچات
باوعتلة بعيون مدمعة واردفت بصعوبة
: ــ ا اني چنت م مخطوفة ت ترا
باوعلي بنظره وكأنو يگُلي بيها لا بربچ؟
سحبني ويا وطلعنه من هذا المكان واني كُلي ارجف من البرد والخوف: ــ امشيي شبيچ فاهيةة
احس طاقة ماكو حتى ارُد عليَ سكتت ومشيت ويا صعدني بسيارة كبيرة مال شُرطة والجهاز مال النداء ميسكُت كُل شوي يحچون بي واني راسي يأذيني وتعبانة حيل
: ــ ب بس خلي افهمك ا اني مو وياهُم
ضحك مستهزء واردف
: ــ عود بالمركز فهميني
حطيت ايدي ؏ راسي بتعب وبس اجه ضابط ثاني صعد وحركوا السياره طول الوقت اني ارجف خوف وبرد معقولة انسجن!
بعد فتره توقفت السياره مُعلنه عن وصولنه
نزل واجه بسُرعة كلبش ايديه وسحبني ويا للمركز بس دخلنة ضربولة تحية كُلهماخذني ويا والأغلبية چانوا يباوعولي من فوگ لي جوا ابد ابد مرتاحيت وخفت من نظراتهُم
: ــ امشيي دخليي
سحبني دخلني المكان بي طاولة وكُرسي يخوف
: ــ ب بس
: ــ اشششش وهسه روحي گعدي وفهميني منو انتِ وشني تسوين بهذاك المكان
بلعت ريگي توني اريد احچي واندگ الباب ونفتح رُفعت راسي بس شفت الي دخل تصنمت بمكاني مصدومة
°°°°°°°°°°°°°°°°°°°°°°°
وهاي المُقتطفات حُب قلبي نشروها يمكُم والي ميدرون ترا الرواية خيالية مو حقيقية💜
حساب الأنستا
قناة التلي
أنت تقرأ
سَلاسل المُلهم وقت "4:03"
Misteri / Thrillerكُنتُ ڪَباخرة مَثقوبة على شاطئ بلا مَرسى، نَويت الإقلاع بلا هوادة، تَعثرت بِصخرك وسقطتُ في جُرفٍ بلا نهاية، جُرف سماوي يُشبه عَيناك، حالك الظُلمة ڪخصلات شَعرك، يتلألأ ڪبسمتكَ، صنع محياكَ في قلبي الغوغاء، ألاحق عُطركَ ڪَفراشة تتمنى إحياء اللقاء.