« سَلاسل المُلهم وقت "4:03" »
« بقلم: نور سمير »
« ارجو التصويت والتعليق ومُتابعة الحساب »
°°°°°°°°°°°°°°°°°°°°°°
رجف كُل جسمي بس قويت روحي واني اتذكر وعودة وكلامة
سحبت نفس بقوة وگلت بعصبية
: ــ منو انتَ؟
: ــ اني الموت الأحمر
: ــ دنچببب وگول منو انتَ والمُلهم وين!
ضحك ضحكة قوية وگال
: ــ تؤ تؤ خطية مات زوجچ العزيز
عصرت الفراش وگلت بغليان
: ــ گول منو انتَ ولتضل تمسلت!
مَجاوبني وسد التلفون حطيت التلفون بصفي وباوعت الأيدية الي رجيفهن مو طبيعي اشش امواج اشش لتصدگين بكلامة اكيد هذا واحد من اعداء المُلهم اي اي اكيد خلي يولي حيواان عباله اصدگة
گُمت من مكاني امشي بصعوبة دخلت للحمام سبحت بمَي دافي حتى تروح الرجفة مني
طلعت من الحمام بدلت وتمددت افكر بكلام هذاك الحيوان اكيد يچذب عليه اي اكيد ادري بيهُم حيوانات ويچذبون
مَتحملت ابقى وحدي حسيت راح اتخبل گُبل گُمت لبست حجابي ونزلت جوا يمهُم
شفتهُم لابسين اسود وحزنانين مو مثل قبل صار هواي مَشايفة احد اكثر الأوقات بغرفتي
باوعت الأدهم والمحمود التعب والقهر باين بوجوهُم والكُل هيچ مو بس همَ
تمددت وحطيت راسي بحضن بيبي صافنة وهيَ تمسح ؏ راسي واسمعها تبچي بس اني هادئة وصافنة
تقرب أدهم گعد قريب مني يسولف ويايَ
أدهم : ــ أمريني خوية محتاجة شي؟ مشتهية شي؟ لا تستحين گليلي انتَ امانة الغالي
باوعتله وگلت بهدوء
: ــ اريد المُلهم تگدر تجيبليه؟
سكت ودنگ راسة نزلت دمعة من عينة وبسرعة مسحها وگام طلع من المكان كُله
باست راسي بيبي وگالت ببچي
ام نمر : ــ سودة عليه يبيبي ولا شفتي يوم حلو بحياتچ گضيتيها هم وقهر بعدچ بنص شبابچ وشفتي الويل يا يمة سودة عليه
ضليت ساكتة وهادئة الكُل استغربوا من هدوئي واني هم مستغربة ليش هيچ هدئت
گُمت من يمهُم صعدت فوگ الغرفتي دخلت وسديت الباب ورايَ
شمرت شالي ورحت سحبت القميص مالته ومثل كُل يوم حضنتة وگعدت اسولف
أنت تقرأ
سَلاسل المُلهم وقت "4:03"
Mystère / Thrillerكُنتُ ڪَباخرة مَثقوبة على شاطئ بلا مَرسى، نَويت الإقلاع بلا هوادة، تَعثرت بِصخرك وسقطتُ في جُرفٍ بلا نهاية، جُرف سماوي يُشبه عَيناك، حالك الظُلمة ڪخصلات شَعرك، يتلألأ ڪبسمتكَ، صنع محياكَ في قلبي الغوغاء، ألاحق عُطركَ ڪَفراشة تتمنى إحياء اللقاء.
