Happy Marriage : Days After 24 Years Old

Part (26)

စတုတ္ထနှစ်စာမေးပွဲကို ဖြေဆိုရန် မလိုတော့တာကြောင့် သူမသည် အားလပ်ရက်ကို စောစီးစွာ ရခဲ့သည်။ သူမသည် မြို့တော်တွင် ဆက်နေရန်လည်း မလိုတော့တာကြောင့် သူမသည် သူမဂေဟာက ကလေးများအတွက် နေရာအသစ်ပြောင်းရွှေ့ခြင်းနှင့် ကျောင်းပြောင်းခြင်းတို့ကြောင့် အလုပ်ရှုပ်နေခဲ့သည်။

သူမ မြို့တော်ကနေ မထွက်သွားခင်အချိန်တွင် သူမ ရှိနေသော နေရာသို့ မိုလန်ကို တစ်ခေါက်လောက်ရောက်လာစေချင်ခဲ့သည်။ ကွာရှင်းပြီးချိန်တွင်လည်း သူမဖက်ကနေ ဖုန်းခေါ်ဆိုကာ သူတို့၏ပြတ်စဲခြင်းအကြောင်းကို သူမေးချင်ခဲ့သည်။ မိုလန်ဖက်ကနေ "ဟုတ်တယ်" ဟူသော အတည်ပြုချက်တစ်ခုကို ရချင်ခဲ့သည်။ ရှေ့ဆက်သွားရမည့်လမ်းကြောင်းတွင် သူမအနေဖြင့် လက်ကိုင်ပြုထားစရာတစ်ခုခုကို ရချင်ခဲ့သည်။

မိုလန်က သူမ၏ဖုန်းကို လက်မခံခဲ့သည့်အပြင် သူမ၏ဖုန်းခေါ်ဆိုမှုကိုပါ ဖြတ်တောက်လိုက်သည်။ ထိုအချိန်တွင် အွန်လိုင်းပေါ်တွင် သူ၏ပို့စ်များက ပုံမှန်တက်လျက်ရှိတာကြောင့် မိုလန်သည် သူတို့၏ ကွာရှင်းပြတ်စဲမှုကို လုံးလုံးလျားလျားစိတ်မဝင်စားကြောင်း သိလိုက်ရသည်။

ထို့နောက်တွင် ချန်ကီသည် သူ၏နေ့စဉ်ဘဝကို မရပ်နားဘဲ အလုပ်ဆက်တိုက်များစေခဲ့သည်။ သူမက ထွေထွေထူးထူးလုပ်စရာမရှိလျှင်တောင်မှ သူက ကြမ်းပြင်များကို ပြောင်လက်သည်အထိ တရစပ်တိုက်နေခဲ့သည်။

စာမေးပွဲကာလသည် ရက်သတ္တပတ်တစ်ခုအကြာတွင် ပြီးဆုံးသွားခဲ့သည်။ ချန်ကီသည် တခြားမြို့သို့ပြောင်းရွှေ့မည့်အစား သူတို့ မွေးရပ်မြေသို့ ပြန်ရန်သာ ရွေးချယ်လိုက်သည်။ ဟာ့ဒ်ကွန်နန်သည် မြို့တော်ကနေ နေ့ဝက်လောက် သွားရပြီး တိုးတက်နေသော မြို့နှင့် လုံးလုံးလျားလျားမှု မဆိုင်ပါချေ။

တောင်တန်းပေါ်တွင် ရှိသော ရွာငယ်လေးသည် များသောအားဖြင့်စိုက်ပျိုးရေးလုပ်ငန်းကို လုပ်ကြသည်။ ဆန်စပါးများကို တောင်စောင်းများတွင် စိုက်ပျိုးကြပြီး လူတိုင်းက ကိုယ်ပိုင်ခြံဝင်းများနှင့် နေကြလေသည်။ ဘာသာရေးအတော်ကို ကိုင်းရှိုင်းသော ဒေသဖြစ်ပြီး ခေါင်ရေသည် ထင်ရှားသည်။ဘုရားကျောင်းဆောင်များ၊ ဝတ်ပြုကျောင်းများသည် အလွန်ပေါများသည်။ လူများသည် ရိုးသားကြပြီး ခြံဝင်းများသည် ခြံစည်းရိုးကာရံထားခြင်း မရှိပေ။ သို့သော်လည်း ပညာရေးက သိပ်မဖွံ့ဖြိုးတာကြောင့် လူငယ်များသည် အရွယ်ရောက်လာပါက ဟာ့ကွန်နန်ကနေ ထွက်သွားသည်။