فـ رماح . . .
ام عبدالله تسولف مع ام مطر
ام عبدالله : بنتي روحي يبي الماي من المطبخ
عوشه : ان شاءالله خالوه
و نشت عوشه راحت المطبخ
.
.
طلعت صينيه و بطلت الثلاجه و طلعت غرش الماي
و يلست تصفهن على الصينيه
: مرريم مريم ( مريم الشغاله )
لفت عوشه
و طاحت عينها في عين عبدالله
عبدالله صنم و تم يطالعها
عوشه حست على عمرها و لفت الشيله على راسها
عبدالله : السموحه ما دريت انه هل الساد عندنا
عوشه : الامور طيبه
عبدالله : علومش ربش الا بخير
عوشه : بخير و نعمه ما نشكي باس
عبدالله : يوم اني اتصلبش لويش ما تردي علي
عوشه : وليش ارد عليك
عبدالله : شلي ليش ارد عليك يوم ني اتصلبش تردين سامعه
عوشه : يصير خير
شلت الصينيه و يت بتطلع
تقدم و وقف فويها
عوشه رفعت راسها : خوز
عبدالله : بتردين علي يوم ني اتصلبش
عوشه : ماعليه زين
عبدالله : اذا ما رديتي بيش لين البيت لا تقولين ماقلت
عوشه : بحش ريوولك حشش ان يت بيتنا
عبدالله : ههههههه زين
صدت عنه و طلعت
.
.
.
يزوي تهمس لعوشه : شو فيج
عوشه : مافيني شي
يزوي : شفيج انزين عن تنطري
عوشه : قومي بنروح
يزوي : ممممم احس مابا بيلس
عوشه : كيفج انا بطلع ويا ربيعتيه
يزوي : زين
نشت عوشه : يلا انا اترخص
يدوه ريما : وين تبين
عوشه : مواعده ربيعتيه بنطلع
يدوه : و من بيردنا ان شاءالله
ام عبدالله : ماعليج سالم موجود
ام مطر : زين عيل
طلعت عوشه و ركبت الموتر
شوي حد و اي يدق الدريشه
بطلتها : نعم
عبدالله تسند على الموتر : وين على الله
عوشه : مايخصك
عبدالله : يخصني
عوشه : مايخصك
عبدالله : يخصني
عوشه : ي رربيي منك قوم بطلع
عبدالله : قولي لي انزين وين و مع من
عوشه : ربيعتيه دبي
عبدالله : دبي
عوشه : هيه
عبدالله : ماشي روحه
عوشه : مب على كيفك
عبدالله : زين عيل
سكرت الدريشه و طلعت
راحت خذت ربيعتها و حركو دبي
يلسو يحاوطون صوب جميرا
ربيعه عوشه حلوم عوشه وقفت موترها ف بيت ام مطر
و حلوم يت شلتها بموترها . . .
.
.
.
حلوم : وين تبيين عوشاني
عوشه : والله مادري
حلوم : اقولج شي كوفي يديد هل العين كلهم فيه
عوشه : يلا على شورج
حركو صوب الكوفي و طلبو فـ السياره
.
.
.
.
فـ لندن . .
سالم : شباب
مكتوم : هاا
سالم : سمعتو عذيبه شو قالت
عبدالله : شو قالت
سالم : تبانا نخطف وحده منهن
حامد : ننعمم !!!
مكتوم : والله لو اني ميينون اخطف وحده منهن
عبدالله : شباب هاذي بتودينا في ستين داهييه ترا
مكتوم : ابا ارد البلاد
حامد : بس اخاف تشطب علينا
مكتوم : هاذا الي انا خايف منه ترا
حامد: انزين و شو بتسون
عبدالله : ماعرف والله
.
.
.
عشوب : ياخي مزون مالي خلق اطلع اتعشى مالي خاطر
مزون : يلا عاد عشووب عشان خاطريه نشي وياي
عشوب : احبج مالي خلق خلينا نطلب انزين
مزون : مابا انا ابا اطلع اتعشى
عشوب : ياربي منج خلاص روحي بروحج بنام
مزون : كيفج
وطلعت عن عشوب
راحت تلبست مزون و طلعت . .
.
.
.
.
: السلام عليكم
رفعت راسها : وعليكم السلام
: عرفتيني
مزون : ءءء انتا كنت تتخبرني عنن . .
: عن الباص
مزون : هييه
: شحالج
مزون : بخير الحمدلله
: يايه بروحج
مزون : هيه والله ربيعتيه متعايزه و ما يت وياي
: يا حييج
مزون : بس ماعرفت اسمك
: حامد . . حامد الحمادي
مزون : تشرفنا
: و انتي
مزون : مزنه الهاملي
حامد : والله ونعم
مزون ابتسمت : ماعليك زود
حامد : عادي ايلس
مزون : اوو هيه عادي
يلس حامد ويا مزنه و طلبو اكل و يلسو يسولفون
.
.
.
.
فـ رماح . . .
