.
.
.
.
عبدالله : هود هود
ام حميد : هدا ولدي دخل
تشيلن عشبه و مزنه و دخل عبدالله
عبدالله : عظم الله اجرج عشبه
عشبه : البقاء و الدوام لله ... دفنتوه
عبدالله : هيه
عشبه يتها غصه : الله يرحمه
ونشت عنهم طلعت برع الحوش صوب الحديقه
كان مسوين على صوب حديقه فيها كراسي وخيمه و العاب
ولو انه ماعندهم يهال بس المرحوم مطر حطهن قال حق احفادي الي ف المستقبل توفى قبل لا يشوف احفاده ...
نرد عند عشوب راحت يلست على الكراسي
و تمت تصيح بهدوء
و بعدين خمس دقايق حست بحد واقف وراها
لفت حصلته
مسحت دموعها و نشت بتروح
: تعالي
عشبه لفت عليه : هلا
و كانت عشبه شبه مدوخه لانها مب ماكله من امس
مطر : شي فيج؟
عشبه : لا مافيني شي
مطر : بس ويهج اصفر
عشبه : مافيني شي
مطر : تمام
و راحت عنه داخل الصاله
نرجع داخل الصاله
عبدالله : اليوم طيارتنا الفير تبينا نأجلها عشان عشبه
عوشه : هيه
دخلت عليهم عشوب : لا تأجلون سافرو
يزوي : لا عادي بنيلس عندج
عشبه : انا بخير روحو استانسو
عوشه : لا مابا
ام حميد : روحو عيالي ماعليكم
عشبه : صدق والله ما استهبل روحو توكم معرسين يلاا
عبدالله : ها شو قلتو
عشبه : موافقين موافقين ماعليك منهن روحو يلا جهزو اغراضكم
نشن حظن عشوب
يزوي : احبج
عوشه : شو فخاطرج من إيطاليا
عشبه : ممم حلااووه
عوشه : ههه حاضر من عيوني
باستها و طلعو على البيت عشان يشلون
الشنط و و يحركون على المطار
.
.
.
تمت عشوب فتره ف البيت ما تبا تطلع
بس مزون كانت تيها لين البيت و تيلس وياها
و طبعا عوشه و يزوي سافرو
.
.
نروح سويسرا . .
يزوي : سلووم
سالم : سلوم يدج
يزوي : اوكيي ماعلييه
سالم : خلاص تعالي
يزوي : جبب
سالم : بضربج
يزوي : نعم نعم تضرب من يروح امك
سالم شهق : يزووي
يزوي : شفييك
سالم : كيف ما تقولين لي انه فيج عرق مصري
يزوي : يا ككلبب قربت صوبه بتضربه
سالم نقع ضحك عليها : غبيه
يزوي : اخووك
سالم : يلا يلا خلصي بنطلع نتريق يوعان
يزوي : يوع الشوع يلا برع
سالم : ريلج عادي بيلس
يزوي حطت ايدها على خصرها
سالم : يوم اقول مصريه
يزوي : اصطلب و راحت صوبه تبا تضربه
و شرد هو برع و تم يضحك عليها
.
.
.
نروح إيطاليا . . .
عبدالله : عوشاني
عوشه : هم
عبدالله : عوشه حبيبي يلا نشي
عوشه بطلت عينها : شو
عبدالله : قومي بنطلع نتريق و بنحوط
عوشه : عقب عقب
و ردت تلحقت
عبدالله : مسفرنج عشان تنامين شو
عوشه : تعال رقد
عبدالله : شبعان رقاد
عوشه شلت اللحاف عن ويها : زين بقوم خلاص
عبدالله ابتسم : يلا بترياج فصاله لا تبطين
عوشه : حاضر
.
.
نرد الساد
ام حمييد : عشوب بنتي انا بطلع
عشبه : وين
ام حميد : بروح عند ام عبدالله
عشبه : اوكي
ام حميد : قومي تعالي وياي
عشبه : اروح وياج شسوي
ام حميد : تغيرين جو يلا عاد نشي
عشبه ماحبت ترد امها : خلاص ان شاءالله
و نشت طلعت لها كندوره و شيله بيت
و ادخنت و تعطرت و نزلت
عشبه : يلا امايه
نشت ام حميد و ركبت موتر عشوب و حركو
.
.
.
