علمتني قسوته ان اكون

‏‎بارت : 24

‎قصة: علمتني قسوته ان اكون🔴
‎بقلم : روميساء أسيمور

‎ بحال ديما فاقو لبنات دارو روتين ليومي تاعهم .... تا وصلات جوج لعشية عاد ناضو بتلاتة بيهوم واقفين فلكوزينة .... كانت زينب كتخلط كيكة وفاء كدير لكريب و شيماء لبغرير

‎فوزية : (كدوي مع وفاء) مديريهش غليض هزي غاشوية وطلعي إيديك لفوق وخوي

‎ كانت وفاء  كتحط لكريب فلمقلة  وقالت بتركيز

‎وفاء : راه هادشي لكندير هاوا خرج زوين

‎شيماء : (كتمسح يديها )  أنا ساليت بغريري شوفي امااما واش مزيان ؟

‎فوزية :(كتشوف ليها). مزيان وخا غلضتيه شوية

‎شيماء : (كتمسح يديها) إوا صافي لمهم جا مزيان اه حكااا جبتووو كرواصة وشنيك ولكومير

‎فوزية : ...كلشي جبناه ....غانتوما دبا بداو تقادو هادشي فطبيسلات.... وقادو صينية باش غا يجيو بداو تحطو هادشي...

‎بقاو لبنات فلكوزينة كايوجدووو  ومشات فوزية طرفات لبيوتااا ومساحات دار و عطراتها ....  و مشات توجد راسها باش تستقبل ضيافها .....
‎ لبسات بيجامة طويلة و متيولة  ... عاد كحلت عينيها ولحت شال خفيف على راسها

‎اما لبنات من بعد ماسالو توجاد... مشاو يوجدو راسهوم  حتى هوما

‎كانت زنوبة فدوش..... طرفات حالتها وغسلات وجهها  عاد خرجات حلات ماريوها جبدات بيجامة فلغوز باقا جديدة كانت سامبل  بسروال ولفوقاني تاعو  كانو بارزين فورمتهااا كتررر حيت  كانت لاصقة عليها  اما وفاء وشيماء لبسو توما بيجاماتهوم بحال تاع زينب ولكن طوال شوية

‎مشات زينب وقفات قدام لمراية وجبدات لطخوس تاع لمكياج تاعها مشطات حجبنها وطراستهوم غا شوية ودارت ماسكرا وكلوص لفومها وشوية لفغاجو طلقات شعرها لكحل طويل جمعات فقط لقدام وخلاتو لور مطلوق على راحتو رشات لبغفان تاعها و بركات كتشوف فلبنات كيقادو  راسهوم

‎من بعد  ماسالاو  كاملين ....مشاو بركووو حدا فوزية فصالون كيتسناو فسعاد ولحاجة تورية يجيو

‎فوزية :(كتشوف ساعة ) اوااا مال هادو تعطلو

‎شيماء هازا طيلفونها كتكونيكطا مع أحمد

‎ غاشوية ويجيووو

‎صونا صونيط عرفوهوم هما لغايكونو جاو
‎فوزية  كتدوي مع زينب

‎فوزية : نوضيي نوضيي حلي لباب.

‎يتبععععع