علمتني قسوته ان اكون

‏‎بارت : 10

‎قصة :  علمتني قسوته ان اكون🔴
‎بقلم: روميساء أسيمور

‎دخلات عندهوم ياالله غاتبرك فلكرسي وهما يسمعو صونيط تاع لباب  كان عبد لكبير فصالون لابس جلابة بيضا وبليغة غا سمع صونيط وهوا ينوض واقف وتاجه لباب باش يحلوووو وهي تحبسو فوزية

‎فوزية : حبس حبس متحلش (كدوي مع شيماء ) سيريييييي سيرييي نتي لبيتك بركي فيه  تانعيط لك سيرييي

‎فيساع مشات شيماء كتجري لبيت تخبات

‎فوزية : (كتعيط على لبنات )  وفاء زينب وقفو حداية مشات وفاء وزينب  وقفو حداهوم  عاد حلو لباب

‎غا حل عبد لكبير لباب وهو يلقا سعاد هي لولة وموراها شي 5 الناس

‎فوزية :  (بدات كترحب بيهوم ) مرحبااا مرحبااا دخلووو نهار كبير هادااا

‎دخلات سعاد و الناس لي من وراها وبداو  كيتسالموو  سلمات على عبد لكبير من ليد وسلمات على فوزية ولبنات من لوجه و تبعوها االناس لي موراها بداو حتاهوما كيتسلمو... كان راجل كبير فسن ومرة تاهيا كبيرة و بنت شابة تكون فلعشرينيات وشاب هاز فيديه بوكي دفلوغ  و واحد أخور هاز  كرطونة في يديه ووراهم  واحد
‎لمرة بينا عليها كبيرة ولكن شادااا فراسهااا
‎من بعد ما سلمووو على بعضياتهوم هزات وفاء على الناس  داك شي لي كان فيديهوم واحد لكرطونة و زينب هزات لورد مشات زينب حطات لورد فصالون و وفاء مشات لكوزينة حلات ديك لكرطونة لقات فيها حلوى تاع لاكريممم كبيرة دارتهاا في تلاجة ومشات عند شيماء توصل ليها تبرݣيݣة

‎دخلو الناس لصالون وبركوووو بركات فوزية حدا سعاد ودوك 2مراوت ....  و عبد لكبير برك مع الرجال كيرحب بيهوم ويعاد

‎فوزية : مرحبا بيكوم وألف مرحبا نهار كبير هادا

‎سعاد : الله يكبر بيك ختي فوزية

‎فوزية : واعرفيني على الناس شكون ههه

‎سعاد : ايه هههههه (شيرات لمراا لكبيرة) هادي لالة خديجة مامات لعريس الى كتاب (شيرات لبنت) وهادي سناء ختو (وشيرات لمراا لي كانت حدهاا ) وهادي لحاجة تورية صحبتنا وجارتنا وختنااااا ماقدينا شا نجيو بلا بيهاااا

‎فوزية  : (ببتسامة) هههه مرحبااا بيهااا ومرحبا بيكوم كاملين

‎سعاد : وهاداك راجل لي لهيه سي مصطفى باه ولي لابس كوستيم زرق هوا عريسناااا نشأللله سميتو أحمد  ههههه ولي حداه خوه جواد

‎فوزية :  تبارك الله تبارك الله.

‎كانو لبنات باركين فبيتهوم كيتحتوو

‎وفاء : ناريي اشيماءءء ولهتااااا فن فن طويول وبيبض على مزيناتووو ولي معاه بينا فيه خوه كيتشابهوووو

‎شيماء : ناريييي هههه
‎ حشمتتت حشمتتت نخرججججج

‎ وفاء: وجات معاهوم واحد لبنت تكون قدك هكداك 

‎شيماء : اه غاتكون ختوووو حيت سعاد قالت لماما راه جايا ختو وخوه ومو وباه

‎زينب : او شكون غاتكون ديك لمراااا ؟

‎شيماء : على جات شي مراااا خرا ؟؟

‎وفاء : اه جاتتتت ضاربة لك واحد جلابة فتيركواز على مزينتهاااا  و واحد مولاتي سنسلة كتبان من فوق جلبة قدها قدهاش ومخرجا لك شوية شعر  حمر من زيف بيناااا بنت لوقت ولباس عليها ههههههه

‎شيماء : اواااا تقدر تكون خالتهومم ولا شي حجاااا  لبنات نوضو نوضوو سيرو عند ماما لاتبغيكومم

‎وفاء : ياله تلاحييي زنوبة ياله

‎زينب : قادات زينب شعرها فلمرية وزادت خرجات ترمتها ومشات

‎ مشاو لبنات كيتمخترو فلمشية تا وصلو لصالون ودخلوو بابتسامة

‎  بركات وفاء حدا ديك لبنت و زينب حدا لحاجة تورية.

‎فوزية : هادووو بناتيييي (شيرات على وفاء ) هادي بنتي وفاء هي لمتوسطة ياله عندها 20 (شيرات على زينب) وهادي زينبب هي صغيرة عندها 18  وبنت لكبيرة لي عندها 25

‎لحاجة تورية : تبرك الله تبرك الله الله يخليهم لك (كتشوف في زينب ) زوينات تبرك الله

‎فوزية : ربي خليك اختييي اوا كي وصلتو مع طريق متعدبتوش بعداا

‎خديجة (مامات لعريس ) : الحمدالله الحمدالله شوية وصافي راك عارفة طريق طويلة من ناضور لكازا مساهلاش

‎فوزية : ايه أختي ايه عارفة ياك ماجيتوش مزاحمين بعدا ولا شي حجا مرتاحين

‎سعاد : الحمدالله جينااا مرتاحين 3 طموبيلات تبرك الله  طموبيل تاع أحمد و طموبيل تاع لحاجة تورية وطموبيل تاع سي لحاج

‎فوزية : اواا مزياننن بعدا منين جيتو غا مرتاحين وبخير وعلى خير

‎بقاو لعيالات كيديو ويجيبو فلهدرة وفاء وزينب غا ساكتين متبتين كيسمعو ورجال كيتحتوو على لخدمة و سياسة راكم عارفين حديث الرجال...

‎دخلت طيابة لعاصيرات ولحلوى وبدات كتفرق عليهوم وهما كيديو ويجيبو فلهدرة تا شوية من بعد ما تعرفو على بعضياتهوم
‎ وهي تقول فوزية لوفاء

‎فوزية : نوضي كلمي ختك أبنتي وفاء

‎وفاء : وخا اماما
‎