علمتني قسوته ان اكون

‏‎بارت:25

‎قصة: علمتني قسوته ان اكون🔴
‎بقلم: روميساء أسيمور

‎ناضت زينب مشات حلات لباب لقاتهوم هوما نيت  ...لحاجة تورية و سعاد

‎بدات سعاد كتسلم على زينب

‎ اهلا أهلا بنتي ... لباس عليك

‎زينب :(ببتسامة) حمدالله

‎تورية: :(كتسلم عليها ببتسامة) كدايرة ابنتي

‎زينب :  حمدالله هههه دخلووو مرحبا بيكوم

‎دخلت تورية وسعاد لصالون .....ناضت فوزية ولبنات.....  و بداو  يتسالمو على بعضياتهوم  وبركوووو

‎سعاد :(كتدوي مع شيماء) شي كاس لما بارد ابنتي سخفنااا

‎شيماء : اه وخا (مشات جابت لمااا وكبات ليهوم)

‎فوزية : ياكما تسخسختوو فطاكسيات

‎سعاد : لا لا جينا فطموبيل تاع لحاجة تورية

‎فوزية : اه إوا مزيان (كدوي مع تورية) لحاجة تورية مرحبااااا بك عدناا نهار كبير هادا .

‎تورية: ( ببتسامة) ربي خليك أحبيبة

‎فوزية غمزات لبنات زعما يبداو يحطو طبلة وقالت مكملا هضرتها

‎فوزية :   كداير لحاج ولحاجة لباس عليهوم

‎سعاد : لباس عليهوم كيبلغو لك سلامهوم

‎مشاو لبنات لكوزينة كيقادو داك شي باش يديوه

‎شيماء : ياختي على لحاجة تورية شحال فنيونة هههه

‎وفاء :  (كتقاد طبسيل ) اه ههههه تا أنا حققت فيها هاد لمرة مزيان زوينة هه

‎زينب : ومالها على داك ذهب كامل دايراه هههه

‎شيماء : باينة فيها ملعقة حيت قالت سعاد راه جات بطموبيل تاع تورية

‎وفاء :  وايه هههه (كتدوي مع زينب) هاكي دي هاد صينية

‎زينب : أري

‎هزات زينب صينية وتمات مدخلها حطاتها فوق طبلة ومشات تجيب شي لاخور

‎كانت لحاجة تورية عينيها غا على زينب كتحقق فيهااا  شعاير طويل كيضرب ليها فمؤخرتهااا ولطاي حوتااا  ولبياض ولحنيكات وضحيكة وسنينات بيضين ولفيم منفوخ  بغات تاكلها بعينيها حمقاتها صافي....

‎حطو لبنات كلشي فطبلة تا مبقات تا بلاصة خاوية فيهااااا ...... بدات كتكب ليهوم فوزية أتاي وكيتحتوو

‎فوزية  كتشرب أتاي

‎فوزية :  دوزي كاسك أختي تورية

‎تورية : هاوا كلشي قدامي أختي الله
‎ يعطيك صحة .... عدبناك معنا واقيلة بتوجاد .

‎فوزية : لا لا ماكين تاعداب راه غا لبنات لي صايبو هادشي مدرت انا والوو

‎تورية : (كتشوف فيهم) إوا الله يعطيكوم صحة البنات تبرك الله عليكوم هههه

‎لبنات : بارك الله فيك هههه

‎شيماء : بصحتكمم.

‎بقاو لعيالات كيتحتو  هضرا كتجبد هضرا تا دخلو فلمعقول

‎سعاد : واختيييي فوزية (كضحك) بان ليا غانجوج لك بناتك كاملين عاد نمشي

‎فوزية :  (كتضحك مفهماتش) ههههه راه حتى هوما   بناتك أختي سعاد

‎سعاد  شافت فتورية  ببتسامة و رجعات كتشوف ففوزية )
‎ اوا أختي أش نقول لك راه  لحاجة تورية عجباتها بنتك زينب وبغاتها لولدهااا لا قبلتو علينا تاني ههههه

‎فوزية غي سمعات كلامها سخونية طلعات معاهااا تخلطات ليها  صدمة ولفرحة فدقة وحداااا و صواب خطا لسانها تا معرفات باش تجاوب

‎فوزية :  مرحبااا بيهااا مرحبا  ههه (معرفات ماتقول)

‎يتبع ...