"قبل أن ترحل"

الفصل الخامس

في الصباح استيقظ باكراً عندما رن منبهه وجلس ساعة ثم اخري حتي ارتفع أذان الظهر وانتظر اكثر حتي خيم الليل وهنا ربطت والدته علي كتفه وقالت :
- هتفضل قاعد علي الكمبيوتر ده كتير .
نظر لها سلطان بخيبة أمل وقال :
- عمي قال هيخلي "ليالي" تكلمني عليه .
ضحكت عليه والدته وقالت :
- وأنت عايز تكلمها ليه يا مفعوس ..؟
شعر سلطان بالخجل فتمالك نفسه وقال :
- عادي يعني بنت عمي وبطمن عليها هي معندهاش اخوات ولاد وانا بطمن عليها .
لعبت والدته بشعره الحريري ثم قالت :
- عارف يا واد يا سلطان لما تكبر هتبقي راجل زي القمر وقلبك حنين كمان .
أحمرت وجنتاه فقبلته والدته وقالت:
- كفاية قعدة علي البتاع ده بقي وتعالي نتعشى وهي لو كلمتك يعني هتشوف الرسايل يا حبيبي .
نهض سلطان من موضعه بخيبة أمل ثم عاد سريعاً ، ومرت الأيام كان فيها سلطان قد قام بتفقد الرسائل والحاسوب يومياً ولكن بلا فائدة حتي حذف برنامج التواصل الاجتماعي الذي كان قد حمله خصيصاً لأجل ليالي ولكنها تقريباً نسيت أمره لذلك قام بحذفه ، وفي ذلك الوقت كانت ليالي أصلحت حاسوبها وحاولت كثيراً الاتصال به لكن دون فائدة هي الأخري حتي تركت الأمر وراح عن بالها تماماً...
***********
استيقظ سلطان وارتدى ملابسه وجمع أغراضه ونزل للأفطار مع عائلته لكنه وجد ليالي واقفة مع سفيان يضحكان فأقترب منهم وقال :
- صباح الخير ، مالكم عالصبح ..؟
نظر له سفيان وليالي ثم تحدثت ليالي قائلة :
- شايفنا مالنا ، بنضحك عادي يعني .
أمسك سلطان بيدها وقال :
- حاولي تسكتي شوية علشان كلامك بيعمل مشاكل ، ويلا علشان نفطر.
توجه الثلاثة للطاولة وجلسوا ولكن نهضت ليالي وجلست بجانب سفيان فضحك سلطان ساخراً وقال :
- القعدة جنبي مالها بقي..؟
تحدث سفيان بسخرية كذلك وقال :
- مالك يا سلطان علي الصبح ..؟
ابتسم سلطان ونظر لليالي وقال :
- خطيبتي وأظن أتكلم معاها براحتي.
وقع كوب الماء من يد ليالي فأغرقها وهنا نهضت مسرعة فأمسك سفيان بعلبة المحارم لكن سبقه سلطان بمنشفة واعطاها لها قائلاً:
- خلي بالك شوية يا لولي ، اطلعي غيري الفستان ده علشان غرقان مايه.
كان الجميع في صدمة مما فعله سلطان حتي جده الذي تحدث قائلاً:
- اطلعي يا ليالي يا بنتي غيري وانزلي عاوزك أنتي وسلطان في المكتب.
وهنا طالع سفيان سلطان بكل غضب وبادله سلطان النظرات الغاضبة وكأن حرباً أشتعلت بين الاثنان في نفس اللحظة.
*****************
في الليلة الماضية عندما انتهى سلطان من الحديث مع ليالي وأوصلها لغرفتها قابله سفيان علي السلم وطلب منه دخول غرفته للحديث معه وبالفعل دلف الاثنان للغرفة فتحدث سفيان وقال :
- أنت بتحب ليالي يا سلطان..؟
تحدث سلطان وقال بهدوء :
- إيه السؤال ده ..؟
اقترب سفيان منه وقال :
- سؤال طبيعي جداً يا سلطان مالك ..؟
ابتسم سلطان وقال:
- ماشي ، انا بحب خطيبتي وإلا مكنتش خطبتها يا سفيان .
اتسعت ضحكة سفيان الذي قال :
-ايوة صح اكيد بتحب ثرية .
ضحك سلطان وقال :
- ثرية؟ ، لا طبعاً انا فسخت خطوبتي بيها ودلوقتي ليالي خطيبتي .
اصابت الصدمة سفيان الذي صرخ قائلاً:
- انت بتهزر ، لا يا سلطان حرام عليك ثرية ملهاش ذنب ، انا عارف أنك مغصوب علي خطوبتك بليالي بس وعد انا هخلصك من كل ده ، انت ترجع لثرية وانا اتجوز ليالي .
صدحت ضحكة سلطان بالغرفة وقال :
- ده أنت داخل علي طمع بقي ، تتجوزها مرة واحدة .
تغيرت ملامح سلطان الذي أكمل:
- وصية عمي هتتنفذ بالحرف ومتخافش علي ثرية أوى كده وخليك فحالك يا سفيان وبالمرة أبعد عن ليالي أصلي مبحبش حد يبصلي في حاجة تخصني.
خرج الشرار من أعين الاثنان حتي نطق سفيان وقال:
- وياتري ليالي علي علم باللي بتقوله ده ..؟
ابتسم سلطان ومسح علي قلبه بطريقة رومانسية وقال :
-طبعاً عارفة ، مش خطيبتي وحبيبتي لازم تبقي عارفة .
استشاط سفيان غضباً وقال :
- أنا مبهزرش يا سلطان ، خليك في ثرية بتاعتك ومتقربش من ليالي .
اقترب منه سلطان بغضب وقال :
- ليه عينك فيها دي كمان زي المزرعة ..؟
ضحك سفيان بسخرية وقال:
- قول كده بقي انت غيران ان جدي هيكتبلي المزرعة وبتحط واحدة قصاد واحدة .
أمسك سلطان به من عنقه برفق وقال:
- طز فالمزرعة ، ليالي بتاعتي واللي عندك أعمله .
تركه سلطان وتوجه للغرفة فتحدث سفيان بغضب وقال :
-مش المرة دي يا سلطان ، اللي بينك وبيني كبر ولازم يتحطله حد .
ضحك سلطان وقال :
- وانا منتظر .
****************
صعد سلطان لغرفة ليالي وطرق الباب عدة مرات حتي فتحت له الباب وامسكته من ذراعه وادخلته للغرفة حتي صرخت به قائلة :
- انت ايه اللي هببته تحت ده يا سلطان ..؟
ضحك سلطان وقال:
- مش معقولة يا ليالي ، لهجتك المصرية متغيرتش مع انك عايشة برا طول عمرك .
لكزته ليالي في ذراعه بقوة وقالت :
- مش بهزر ايه اللي عملته ده..؟
تبدلت ملامح سلطان لملامح بريئة وقال:
- إحنا مش اتفقنا امبارح نساعد بعض ، انا اجبلك الورث وانتي ترجعيلي ثرية ..؟
هدأت ليالي قليلاً فقال سلطان :
- كان لازم جدي يعرف إني موافق علي الجواز و إن الموضوع بقي تمام علشان الوضع يهدى شوية .
تحدث ليالي بعدما اقتنعت بحديثه وقالت :
- ايوة فهمت قصدك ، بس كان لازم تقولي بردوا يا سلطان .
وقف سلطان أمامها ونظر في عيناها لبرهة حتي خجلت وابتعدت عنه فقال :
- أنا آسف إني اتصرفت من غير ما ارجعلك بس من هنا ورايح مش هتصرف إلا لما اعرفك .
هزت ليالي رأسها وقالت :
- محصلش حاجة خلاص ممكن ننزل نشوف جدي بقي علشان انا خارجة مع سفيان يخليني اشوف البلد .
أمسك سلطان بيدها وجذبها نحوه بقوة وقال :
- أنتِ دلوقتي قدامهم خطبيتي يعني ميصحش تخرجي مع الواد الطري ده وخطيبك الدكتور سلطان موجود.
ضحكت علي طريقته فقال :
- ضحكتك حلوة بس مش هتنفع معايا .
شعرت بالخجل وابعدته قائلة :
- خطيبي ده كلام ، يعني انا أروح واجي بمزاجي ، وبعدين مالك أنت مكنتش كده امبارح ، احنا بنمثل يا سلطان.
اقترب منها اكثر وقال :
- منا بحب اتقن دوري أوى.
ابتعدت عنه فأبتسم وقال :
- المفروض تفكري في طريقة ترجعيلي بيها ثرية بقي .
ابتسمت ليالي وقالت :
-فكرت متقلقش ، ودلوقتي يلا ننزل تحت لجدى .
خرجت ليالي من الغرفة فقال سلطان:
- اهدي ، مالك يا سلطان..
***************
دلفت ليالي لمكتب الجد وخلفها سلطان مبتسم فتحدث الجد وقال :
- مالك يا سلطان يا ولدي ضحكتك منورة يعني ..؟
أخفي سلطان ضحكته وقال:
- أنا...؟ ، أنا زعلان جدا والله يا جدي .
نظرت له ليالي بنزق فقال الجد :
- باين يا ولدي ، المهم أنا هزور عيلة ثرية علشان اللي حصل امبارح.
سكت الاثنان فقالت ليالي :
- أجي معاك يا جدو افهم ثرية اللي حصل واتكلم معاها ..؟
قبض سلطان على كفها وقال :
- أنتي تبعدي عن ثرية الفترة دي ، او تبعدي عنها خالص علشان ثرية غشيمة شوية .
عقب الجد علي حديثه فقال :
- معاك حق يا ولدي ، تفهميها اي بس يا ليالي هتقوليلها هتجوز اللي كان خطيبك بعد اسبوعين...؟
صعق الاثنان لبرهة حتي نطقت ليالي وقالت :
- اسبوعين ايه يا جدي...؟
أكمل سلطان وقال :
- جواز مين يا جدي ...؟
ابتسم الجد وقال بسعادة :
- فرحك يا سلطان علي ليالي بعد أسبوعين .
نظرت ليالي لسلطان وقالت بضحك هستيري :
- فرحك وفرحي ههههههه.
ضحك سلطان علي ضحكها ثم اقترب منها وقال :
- ايوة فرحنا باين.
ضحكت ليالي بقوة حتي قالت :
- فرحنا ...؟ فرحي ...؟ فرحي عليك أنت...؟ هههههه ، ثم سقطت مغشي عليها في صدمة ممن حولها ...
-ياتري ليالي هتقبل بالجواز من سلطان بالسرعة دي....؟
-يا تري ثرية هتوافق باللي بيحصل ده..؟
-سلطان بيحب مين...؟ ليالي ، ولا ثرية ...؟
كل ده فالفصول الجاية من رواية "قبل أن ترحل "
متنسوش الڤوت والكومينت العسل علشان نرجع ننزل زي الأول واكتر .❤️❤️❤️❤️😉💪