الحلقة #الثامنة
+
بعد ما رن جرس الفيلا وكلهم استغربو ياتري مين ال جاين لنا واحنا منعرفش حد راحت عنايات تفتح الباب وقفتها رحمه
رحمه:- استني انا ال هفتح
فتحت رحمه الباب وإتفاجأت بال شافته ...... شافت مين اه تخمنها طلع صح الشاب ال قابلته لا لا مش تخمين دا إحساس انه هو ال ع الباب ممكن يكون جاي عشان العقد ال نسيته معاه ومشيت
$$$$$
هيثم:- مساء الخير انا أسف أن انا جيت ف وقت زي دا من غير استأذان
رحمه:- مساء النور ماتقولش كدا البيت بيتك اتفضل تشرف ف أي وقت
هيثم:- شكرا ليكي دا وائل صديقي وصاحبي واخوايا ومحامي شركتي
رحمه:- اهلا بحضرتك تشرفنا
....... الشك عند رحمه زاد جايب صاحبه معاه وكمان محامي ف ايه بدأت تقلق وكمان .......مين دي مراته ودا ابنه ممكن لحق تفكيرها هيثم .
هيثم:- ودي هند مرات وائل صاحبي ودا كريم ابنهم
رحمه:- سمعت اسم كريم وركزت معاه
رحمه:- اهلا بيها اتفضلوا
دخلت هند اول واحده حضنت رحمه وباستها
هند:- اهلا بيكي ياقمر احنا اسفين أننا جينا كدا بس موضوع ماينفعش يتأجل
رحمه:- اهلا بيكم ف أي وقت تسمحيلي بالأمور دا ... تقصد كريم
أخدت رحمه كريم وشالته وقعدت تبوس فيه ودخلو كلهم على الفيلا شافوا الحجه عليه وندا أخت رحمه
الحجه عليه:-اهلا وسهلا اهلا وسهلا
ندا:- اهلا بيكم نورتنا
رحمه:- امي الحجه عليه ودي اختي ندا الصغيره
دول بقي الأستاذ. ..... انا معرفش اسم حضرتك
هيثم:- هههه تصدقي صح اسمي هيثم
رحمه :- اهلا بيك الأستاذ هيثم صاحب الكومباوندا ال احنا ساكنين فيه وصاحب الشركه ال اشتريت منها الفون والأستاذ وائل المحامي بتاعه والاستاذه هند مرات المتر والأمور دا كريم ابنهم وقعدت تبوس فيه
لاحظت والدتها الحجه عليه وندا أن رحمه اتعلقت بكريم وعيونها فيها دموع والاغرب من دا أن كريم ساكت معاها ومش بيتكلم بالعكس بدأ ياخد عليها وحاضنها ودا سبب استغراب الكل حتي هيثم
الحجه عليه:- اهلا بيكم شرفتونا والله
هيثم:- الشرف لينا يا أمي طبعا تسمحيلي اقولك امي
الحجه عليه:- طبعا يابني انت زي ابني عادل ربنا يرجعه لينا بالسلامه
ندا:- اهلا بيكم بس ال اعرف أننا منعرفش حد هنا ولا حد يعرفنا وبصراحة دخلتكم دي تقلق
بصت رحمه لندا بصه يعني ايه ال بتقوليه دا مهما أن كان هم يعرفو ف الأصول كويس وكمان ساكنين ف كومباوندا يعني كل ال فيه معروفين ناس كويسه مش أي حد وعليه أمن مافيش حد بيدخله
رحمه:- معلش ندا ماتقصدش حاجه احنا بس استغربنا مين ال هايجي واحنا فعلا مانعرفش حد بس هم مايعرفوش أن انا قابلت أستاذ هيثم وبصت ع هيثم
هند:- لا عادي ولا يهمك بصراحه انا معرفكمش بس سمعت عنكم كتير وخصوصا انتي يارحمه
هنا بصت رحمه لهيثم أن هو ال اتكلم عليها
هند:- وبصراحة انا كمان معرفش حد كتير هنا ومن كتر ماسمعت عنك حبيت اعرفك عن قرب وكانت فرصه بالنسبالي أن انا اجي مع هيثم واتعرف عليكي
وائل:- مافيش حاجه حصلت احنا جينا مع هيثم لأننا عايزن حضرتك ف موضوع
رحمه:- ممكن بقي احنا هنتعرف وهنتكلم وكل حاجه بس قبل أي شئ لازم واجب الضيافة تشربو ايه
هيثم:- ولا حاجه احنا بس الموضوع ال جاين فيه وهنمشي ع طول صح كدا يا وائل
وائل:-ايوة
هند:- امشوا انتو انا مالياش دعوة بيكم انا ماصدقت الاقي حد اتكلم معاه😏
كلهم مع بعض ضحكو
رحمه:- اكيد ياقلبي تشرفيني ف أي وقت انا معاكي للصبح
هند:-😍حبيبي وربنا انتي عسل وقلبي اتفتحلك وانا مش همشي من هنا
وائل:- طاب وانا وكريم 😳
هند:- كريم معايا اهو انت مع نفسك ههههههههه
الحجه عليه:- يووووه يا ولاد ضحكتوني والنبي انت ع راسنا ف أي وقت احنا فديك الساعه أن احنا نتعرف على حد ويطلع كويس من كتر مابنسمع وكمان رحمه بنتي صممت أنها لازم تشتري فيلا ف البتاع دا ال بتقولو عليه عشان بيكون فيه ناس كويسه وعليه أمن مع انها اتعرضت عليها فيلل ف إمكان تاني بس هي رفضت
هيثم:- ف نفسه دا من حظي انا وطول القعدة وهو عينه ع رحمه مانزلهاش ودا خلي هند تاخد بالها منه .....
