الحلقة #العاشرة
+
عرفت هند موضوع رحمه ايه وأنها قاست كتير ف حياتها
#فلااااااااااااااااش_بااااااااااااااااك
رحمه سابت علي و خرجت وهي بتعيط راحت ع اوضته الأولاد وفضلت تعيط جه وراها
علي:- ايه ال بتقوليه دا
رحمه :- ال سمعته انا عندي سرطان ف المخ وممكن اموت ياعلي
علي:-وقف وسكت
رحمه :- ايه مش مصدق
علي:- لا مصدق عادي لو موتي اتجوز تاني
رحمه:- ف حاله ذهوووووول من ال سمعته ايه عادي وكمان تتجوز
علي:-امال انتي فاكره ايه لو موتي هقعد بعدك من غير جواز طبعا لا حتي عشان العيال
رحمه:- لا ماتاخدش العيال مبرر للدرجه دي انا مش مهمه عندك اموت ول أعيش كنت بتتجوزني ليه
علي:-مزاجي كدا انتي عايزة ايه اهو اتجوزتك وبردو اديكي مع حبيب القلب
رحمه:- تاني هترجع تقول حبيب القلب يا أخي ارحمني بقي اقولك ع حاجه لو جمال اخوك قالي انه بيحبني قبل منتا تتقدم أقسم بالله يا كنت عملت المستحيل وماكنتش اتجوزتك عايز حاجه تاني يا علي
علي:-جن جنونه اول ماسمع كدا انا عارف انك بتخونيني معاه
رحمه :- أخرص ماسمحلكش انك تتهمني اتهام باطل عمري ماكان ف حاجه بيني وبين اخوك مش اخوك بس أي حد عمري ماعمل حاجه غلط وقبل ماتكون غلط حرام انا متربيه كويس
علي:- انتي كمان بتردي عليا
مسكها علي من دماغها حجابها اتفك وشعرها البني الناعم الطويل ظهر مسكها منه
رحمه:-اوعي سيبني سيب دماغي حرام عليك دماغي وجعاني ياخي
سيبني
علي:-مش هسيبك غير لما اربيكي
رحمه:- انا متربيه وعمري ماعملت الغلط انت ال بتتهمني اتهام باطل زوور ربنا بيقول والذين يقذفون المحصنات المؤمنات ثم لم يأتوا بأربعة شهداء فجلدوهم ثمانين جلدة
انت فين شهودك عليا انت بتتهمني من غير ادله
$$$$$$
جمال قاعد مع أولاد عمه كلهم ف منطقه واحده واخوه محسن معاهم سمع صوت صريخ والصريخ جاي من عند بيت علي جم جري كلهم يخبطو ع الباب مافيش حد بيفتح جمال عارف ان دا صوت رحمه واكيد علي بيضربها
كسر الباب وكلهم اتفأجاو بالمنظر قدامهم علي أيد ماسك بيها شعر رحمه والايد التانيه بيضربها بعصايه المكنسه
شاف جمال المنظر اتجنن بكل قوته ودفع علي من ع رحمه وبعدها مسكه وبالبوكس ف وشه قامت رحمه تجري ع اوضتها بعد ماكله شاف شعرها الطويل البني الناعم ال عمره ماتكشف ع حد
علي:-مسك ف جمال واتخانق معاها اتدخلو ولاد عمهم وفرقوهم عن بعض وقعد علي يزعق ويتهم جمال انه ع علاقه برحمه
رحمه جوه اوضتها بتعيط فجأة سمعت علي واتهامه لجمال بطلت عياط ومسحت دموعها واستجمعت قواها ولمت شعرها ولبست حجاب ع شعرها وخرجت
الكل اتفأجا بيها لما خرجت
رحمه:-علي
كله سكت
رحمه:-فرصه وأخواتك موجودين وأولاد عمك لأن انا مش لاقيه لك كبير اروحله
رحمه :-جمال
بص جمال ع رحمه
رحمه:-انا ف حاجه بيني وبينك
جمال:-لا وعمره ماهيكون ف حاجه
رحمه:-كنت أعرف بحبك
جمال:-لا ماعرفتيش غير بعدين لما اتجوزتي علي وكمان خلفتي بس علي كان يعرف
رحمه:-انا بقابلك برا البيت كل دا ورحمه بتتكلم بعياط
جمال:-عمري ف حياتي ماقابلتك برا البيت لا وانتي بنت ول وانتي متجوزة ومسألة حبي ليكي دي من طرف واحد وموضوع وانتهي وال نهاه اخويا وكسر قلبي
رحمه:-قول كل دا لاخوك وأولاد عمك اخوك بيتهمني اني ع علاقه بيك واتاخرت النهارد كنت معاك انا اتاخرت النهارد كنت عند الدكتور قالي عندي سرطان ف المخ ومحتاجة عمليه وممكن كمان اموت فيها
جمال:-اتصدم صدمت عمره من ال سمعه ايه انتي بتقولي ايه
رحمه:-ال سمعتوه
علي:-انتي لسه بردو بتكدبي
صوت جاله من وراه..... اخرس خالص اياك اسمع صوتك تاني ماتتتكلمش ولا كلمه انت فعلاً مالكش كبير الموضوع دا اياك اسمعك تتكلم فيه تاني رحمه متربيه كويس جداً وكلنا عارفنها بنت ناس واصول ومتربيه كويس وعمرها ماتعمل الغلط وانت جاي تتهمها ف شرفها
( دا يبقي الحج مختار ابن عم علي راجل كبير ف السن وعاقل وكان فاكر ان علي نسي الموضوع بس طلع لسه ف دماغه)
ياراجل يالي ماعندك دم جايه من عند الدكتور وبتقولك سرطان وعمليه وممكن اموت دا بدل ماتاخدها ف حضنك
وتقولها ماتخافيش انا معاكي وحاجة بسيطه تتخانق معاها وكمان تضربها ف مكان الالم انت فعلا ماعندكش دم وأقسم بالله العظيم لو اتكلمت تاني ف الموضوع دا لسانك. انا هقطعهولك وتقعد من غير لسان ال ماتعدلت ياعدلك انت فعلا مالكش كبير واقفل ع الموضوع دا انت سامع ول لا وخلي بالك انا هعرف كل حاجه الواحد يكبر يعقل وانت تكبر تتجن الظاهر كدا عقلك اصغر من عقل العيال بدل ماتشكرها ع ال بتعمله معاك مرعياك ومراعيه بيتك وعيالك وعمرها ما غلطت فيك ولا حتي عايرتك وكفايه انها بتحترمك وانت ال زيك مالوش احترام اقسم بالله لو سمعت حاجه تاني عنك ياهتعرف صالحك
علي:-وافق ساكت قدام ابن عمه الكبير
رحمه:-أخيرا لقيت حد يدافع عنها
جمال:-ف دنيا تانيه غير الدنيا بعد ماسمع أنها ممكن تموت
فضت الخناقه وكل واحد ع بيته ف الليله دي رحمه نامت ف اوضته أولادها وهي معاهم وكريم عارف وشافي كل ال حصل وبدأ يكره ابوه افتكرت رحمه العلاج قامت اخدته وفعلا زي ماقالها الدكتور انه هيتعبها تاني يوم أخدت إذن ومارحتش الشغل جتلها الحجه عليه تطمن عليه وشافت شكلها عرفت ان كان ف خناقه حبت تأخذها معاه بس رحمه رفضت عشان امتحانات الأولاد فضلت الحجه عليه تيجي لابنتها كل يوم تشوف طلباتها هي وأولادها وكمان علي ومن يوم ال حصل مافيش كلام بين علي ورحمه
جمال:-مش مستوعب ال حصل ول قادر حتي يفكر مشي ف الطريق وهو مش عارف يروح فين أو يعمل ايه رجليه اخدته للشجره ال كان بيقف يستني رحمه عندها ويشوفها من أيام ماكانت طفله بضفاير وبعدين كبرت دخلت إعدادي بالجيبه الكحلي والقميص الأبيض والحجاب الأبيض وهي بيضه وشنطتها ومشيتها ال زي الألف بتمشي زي المسطره عمرها ماكانت تبص وراه هي وماشيه ع طول خط مستقيم ومهما كان يعمل من أساليب عشان يلفت نظرها يستحيل حتي ترمش رمش عليه
جمال :-لنفسه ايوة اهي جايه من بعيد استني رحمه رحمه انا بحبك يا رحمه لا لا لا انا مش بحبك انا بعشقك اه ياربي ياريت يرجع الزمن تاني أقولها بس ال راح عمره مايرجع تاني معقولة ممكن تموت لا لا دانا اموت وراها الشئ الوحيد الذي مصبرني أن بشوفها ماقدرش ماشفهاش ماقدرش ماقدرش وفضل يعيط😢😢😢
$$$$$$$$$$$$$$$$
رحمه :-كل يوم بتتعب عن اليوم ال قبله وعلي ولا حتي فكر انه يكلمها أو يطمن عليها
ومعاها كريم عارف بكل حاجه وال بيعمله ابوة ورحمه بتابع مع الدكتور يوسف
أه نسيت اوصف دكتور يوسف هو دكتور عنده 28 سنه مبتدئ بس شاطر جدا أسمر عيونه عسلي شعره اسود ناعم السمار مع العيون العسلي والشعر الناعم ف الشباب بيعمل جو فظيع
رحمه بتروح لدكتور يوسف كل يوم والدكتور يوسف بيزيد إعجابه برحمه كل يوم عن التاني ع اصراراها وعزيمتها وعدم استسلامها للمرض وأنها فعلا عايزة تخف منه وعندها إرادة وعذيمه مش عند حد
جمال:- قرر انه لازم يسافر ويبعد عن رحمه لأن لو فعلا حصلها حاجه هو ممكن يموت وراها وأنه مش عايز يسبب مشاكل تاني خصوصا أن دماغ أخوه متركبه شمال ومش مقتنع بحد بالفعل سافر جمال الإمارات وبعد عن رحمه
#واخيرا اتحدد يوم العمليه اليوم الموعود ال يعالم هترجع رحمه تاني ول لا بتجهز رحمه ف شطنت هدومها ومتفائله جدا وواثقه ف ربنا وعندها حسن ظن بربنا انه هيقومها بالسلامه عشان أولادها
#حسن الظن بالله يقول الله تعالي انا عند ظن عبدي بي احنا لازم نظن كل خير عشان ربنا يدينا الخير ماتقولش لا مش هيحصل ظن الخير ف الله أنه هيحصل وبالفعل ربنا هيخليه يحصل
#سمعت رحمه صوت زغاريط جاي فرحت قالت يمكن فرح راحت ع البيت الكبير لقيت الشربات بتوزع فيه مرات جمال رحمه ع نياتها زيها زي كتييييييير بيتعامل بحسن نية بس للاسف غيره نيته سوده
رحمه:- خير يا كوثر فرحيني معاكي
كوثر:-بشفه مقلوبه أخيرا هترتاح من ال كان تاعبني
رحمه:-ازاي مش فاهمه
كوثر:-يعني منك انتي مش جالك المرض العفش وراحه تعملي عمليه النهارد يعني هتموتي أخيرا هتموتي وارتاح منك خلي جمال يرجعوك
رحمه:-مش مستوعبه ال قالته وكمية الحقد والكره ال فيها دي والشماته والمعايره انا عمري ماعملت حاجه لحد وأولهم انتي فضلت رحمه السكات ومشيت ودموعها ف عيونها قابلها الحج مختار
الحج مختار:-خير يابنتي مالك النهارد العمليه
رحمه:- ايوه يا عمي ...
رحمه كل ال كان ف البيت كانت بتقوله ياعمي لانهم أكبر منها ف السن بكتير
الحج مختار:-وعلي رايح معاكي
رحمه:-معرفش هيروح ول لا
الحج مختار:-هو فين ومالك بتعيطي ليه
رحمه:-ول حاجه ياعمي عن اذنك
وسابته ومشيت دخل الحج مختار ف البيت وشاف ال عملاه مرات جمال وصوته طلع وبهدلها وبهدل كل حاجه قالها قليله أصل بإذن الله هتخف وترجع البيت تاني أخص ع تربيتك
#رحمه ف المستشفي بتجهز للعمليات والأولاد مع ندا أختها ومعاها الحجه عليه بس لا عم ولا جوز ولا أي حد
قعدت الحجه عليه ف الاستقبال شويه وجه علي عليها اتفاجات بيه #علي جه لما بهدله الحج مختار
دكتور يوسف متجه ع العمليات وقفته الحجه عليه :-دكتور
دكتوريوسف:- نعم ايوه
الحجه عليه:- حضرتك دكتور يوسف
دكتور يوسف:-ايوة انا اتفضلي
الحجه عليه:-انا الحجه عليه والدت رحمه ودا الأستاذ علي جوزها
دكتور يوسف:- بص ع علي واستغرب شكله انه كبير ف السن وشكله ماكنش مسافر زي مقالت رحمه وكمان شكله ماكنش عايز يجي
دكتور يوسف:- اهلا ياحجه وبص ل علي حمدالله ع السلامه
علي:-بقرف ليه هو انا كنت مسافر
هنا استوعب دكتور يوسف أن رحمه كذبت عليه لما قالت إنه مسافر وهو مش مسافر
الحجه عليه:-اهلا بيك يابني كنت عايزة اتكلم معاك شويه قبل العمليات
دكتور يوسف:-اه اتفضلي معايا ع المكتب
الحجه عليه :-علي هتيجي معايا
علي:- لا
راحت الحجه عليه مع دكتور يوسف ع المكتب
دكتور يوسف:- خير ياحجه
الحجه عليه:- خير يا دكتور. عايزة اطمن ع بنتي
دكتور يوسف :-ماتخافيش عليها ادعي ربنا أن الورم مايكنش اتشعب ف المخ وقولي يارب
الحجه عليه :-قلب الأم يابني
دكتور يوسف:- عارف يا أمي عارف ال قولي لي يا أمي أستاذ علي مالو
الحجه عليه :-مالو هو هامه حاجه انا ماكنتش متوقعة انه يجي ممكن يابني تقول لرحمه ان جوزها علي جه برا عشان روحها المعنويه ترتفع
هنا استوعب دكتور يوسف أن رحمه وجوزها مختلفين وف حاجات كتيير غلط بس ازاي واحده زيها تتجوز واحد زي كدا وكمان كبير ف السن سبحان الله
دكتور يوسف:-هو كان مسافر
الحجه عليه:-لا يابني من بعد ماتجوز ول سافر قاعد ف البيت وبنتي عليها الشغل والضغط كله
دكتور يوسف :-رحمه دي دماغ ربنا يكون ف عونها وان شاء الله تقوم بالسلامه عن اذنك معاد العمليه
خرج دكتور يوسف وراح ع العمليات دخل لقي رحمه الممرضة لبستها لبس العمليات وشالت الحجاب وبتلبس ع دماغها حاجه كدا زي الطقيه بس دكتور يوسف دخل اتفأجا بالشعر الطويل النبي الناعم
وشعر رحمه من. كتر نعومته كان بينفرد واحده
دكتور يوسف:- ايه الجمال دا 😍 اوعي تفهميني صح انا بعاكس
ضحكت رحمه
رحمه:- دكتور هو مكان العمليه ف دماغي انتو دلوقت ممكن تحلق شعر من دماغي
دكتور يوسف:- هههههههههه احنا هنحلق دماغك كلها وهتبقي من غير شعر
رحمه:- 😳 ايه بجد لا والنبي شعره هيجراله حاجه
دكتور يوسف:- متخافيش والله هحاول ع ما اقدر ان محلقش كتير وبعدين ماتخافيش حتي لو اتحلق هيقوم مكانه وبصراحه هو خسارة ف الحلق
رحمه:- ياريت يا دكتور ارجوك
دكتور يوسف :- اه علي جوزك. جه برا ف الاستقبال
رحمه:- عرفت ان الدكتور يوسف عرف ان علي ماكنش مساافر
رحمه :- ماشي يا دكتور
دخل فريق الدكتاره ال هيعمل مع الدكتور العمليه كانت رحمه جهزت ولبست ف شعرها الطقيه بتاعت العمليه فضلت تردد ايات من القرآن وكانت ع وضوء قالت عشان لو مت اموت ع طهاره
قرب منها دكتور التخدير ومسك ايدها بيديها حقنه البنج اتشاهده رحمه وبدأ صوتها يروح وخلاص العمليه هتبدأ
بالفعل الدكتاره لقيو الورم ف جدار المخ بس وماكنش لسه اتشعب لسه ف مرحلته الاولي شالو الورم والحمدلله نجحت العمليه وخفت رحمه
برا عند الحجه عليه وعلي
علي وقف وبعدين مشي
الحجه عليه:- علي علي انت رايح فين
علي:- بيشاور بايده عايزه ايه
الحجه عليه:- انت رايح فين
علي:- ف 60 داهيه بنتك عندك
الحجه عليه:- انت بتقول ايه يمكن يحصلها حاجه وعيالك
علي:- البركه فيكي لو بنتك خفت مع اني ماعتقدش دي فتحو دماغها يبقي هتعيش يبقي العيال عندها ولو ماتت يبقي البركه فيكي انتي
وسابها ومشي
والحجه عليه مش عارفه تعمل ايه لا بيها بنتها ال ف العمليات ول جوزها ال طفش
خرج دكتور يوسف من العمليات وهو فرحان ان رحمه عمليتها نجحت
جريت عليه الحجه عليه
الحجه عليه :- خير يابني طمني
دكتور يوسف :- الحمدلله يا امي العمليه نحجت ورحمه قامت بالسلامه بس يمكن تدخل ف غيبوبه مؤقته يوم او اتنين بالكتير وهترجع تاني الحمدلله ودي مافيهاش خطورة عليها
الحجه عليه :- الحمدلله الحمدلله
لاحظ دكتور يوسف ان علي مش موجود
دكتور يوسف هو استاذ علي فين
الحجه عليه:- ها ..... خرج يجيب حاجه من برا
دكتور يوسف :- غريبه ومراته مش هيستني يشوفها وبعدين يروح الحاجه موجوده
الحجه عليه:- دلوقت يرجع
خرجت رحمه من العمليات ع العنايه المركزه وبالفعل دخلت ف غيبوبه وفاقت منها بعد العمليه ب 3 ايام والدكتور يوسف مش بيسيبها لحظه حتي انه نقل الكشف من العياده للمستشفي عشان يكون جنب رحمه
فاقت رحمه
رحمه:- اه دماغي وجعاني
دكتور يوسف :- حمدلله ع السلامه ياقمر
رحمه:- الله يسلمك يا دكتور
الحجه عليه :- بنتي حببتي وحضنتها وعيطت
رحمه:- بتعيطي ليه دلوقت يا امي الحمدلله ربنا كرمني اهو فين الاولاد وعلي
الحجه عليه :- الاولاد مع ندا اختك وعلي خرج مشوار واهو راجع
بص الدكتور يوسف للحجه عليه وعرف انه من يوم العمليه خرج ومارجعش تاني
رحمه:- ندا لا يا امي دي عندها امتحانات كليه ماينفعوش معاها
الحجه عليه:- متخافيش عليها انتي بس اختك شاطره
#عوده_من_الفلاااااااااااااااش_بااااااااااااااااااااااك
بعد مامشي هيثم من عند رحمه رحمه رجعت البيت اول ما دخلت وشافت هند ف البيت وكلهم ف حاله كآبه عرفت ان ف حاجه قربت منها هند وحضنتها حضن جامد وعيونها كلها دموع
هند:- حبيبت قلبي رحمه انا حبيتك من غير ماشوفك واتمني اننا نكون صحاب ويارب اقدر اعوضك ولو جزء بسيط عن ال حصلك
هنا رحمه عرفت ان والدتها وندا حكو حاجه لهند ونظره لوم وعتاب
رحمه:- الحمدلله ع كل شيء كريم فين
هند:- اهو جمب تيته تقصد الحجه عليه
حضنته رحمه وباسته وقعدو شويه مع بعض واستاذنت هند ومشيت رحمه راحه ع اوضتها نادت عليها والدتها
الحجه عليه :- رحمه انتي زعلتي
رحمه:- هزعل من ايه يا امي
ندا:- لا زعلت كان باين ف عيونها
رحمه:- عادي ماتفرقش
الحجه عليه :- ايه ال ماينفعش هند بنت كويسه باين حتي عليها وحبت تعرف سبب حزنك
رحمه:- يا امي انا عارفه انها كويسه بس انا جيت هنا عشان انسي ال فات ومش عايزه حد يعرف بيه عايزه ابدأ حياة جديده
الحجه عليه:- ربنا يكون ف عونك يابنتي بس ماتزعليش
ندا:- انسي انسي ال فات
رحمه:- ياريت اقدر انسي
واستأذنتهم رحمه وع اوضتها اول ما دخلت الاوضه فتحت البلكونه اتفاجأت ان باب البلكونه ال ف الفيلا ال قصادهم مفتوح مافيش ثواني وخرج منه هيثم ابتسملها ابتسامه حلوة كدا زيوة هي ماكنتش مصدقه انه هو ال قصادها وكمان ف نفس الاوضه شاورلها بايده هي اتكسفت انها تبادله نفس الاشارة فكتفت بهز الراس ودخلت ع الاوضه وقفلت باب البلكونه وهو فرحته مش سيعاه انه شافها مرتين النهارد وحمد ربنا اوضتها هي ال قصاده
#رحمه احساسها مغلبط زعلانه وفرحانه وبتفكر ان هند ممكن تقول قدام هيثم ومالو فيها ايه هو مالو بيا افرض قالتلو لا انا مش عايزه حد يعرف خصوصاً هو ممكن يبصلي بصت عطف او شفقه انا مابحبش كدا
#نكمل نكمل
باقي معانات رحمه
#توقعاتكم ايه اول ماتعرف رحمه ان علي طفش هتقابل دا ازاي وموقفها بعد مايرجعلها بعد سننه متجوز وعايز يفتح صفحه جديده معاها
ياتري هيثم عرف حاجه عن #عادل؟؟؟؟؟؟
كل دا هنعرفه و بكره واكتر باذن الله
#انتظرووووووووووووووووووني
