الحلقه #الخامسة_عشر
+
الحياه استقرت عند رحمه وهيثم هو راح ع شغله وظبطه وهي بتحضر للسبوع خرجت رحمه يوم السبوع الصبح هتجيب النونو من الحضانه بالصدفه قابلها هيثم
هيثم:-اركبي
رحمه:-لا روح ع شركتك انا ....
هيثم:-بقول اركبي وعقد حواجبه
ركبت رحمه:-انت عندك شغل وبعدين دا مشوار مش بعيد
هيثم:-الشغل يستني إنما انتي لا واي مكان انتي عايزة تروحي له قولي سامعه
رحمه:-لا طبعا
شاورلها هيثم بايده بصباع واحد
هيثم:-سامعه مش هكرر كلامي تاني أي مكان انا معاكي فيه مفهوم دماغك حجر
رحمه:-😏 لا والله
هيثم:-اه والله
وصلو المستشفى وشافت النونو
هيثم:-اختارته اسم
رحمه:-لا لسه
هيثم:-يليق عليه اسم اياد
رن الاسم ف ودان رحمه .
بصتله اياد
هيثم:-ايوة ايه رايك
رحمه:-اكيد حلو ومن طول انت ماقلت اياد يبقي خلاص
هيثم :-بفرح بجد هتسموه اياد
رحمه :-اكيد
واخدو اياد وروحو
وجه الليل معاد السبوع كان وائل وهند وكريم ابنهم وهيثم طبعا وعنايات وأخواتها الصغيرين وعم عبده واكيد رحمه مانستيش عم محمد دول بالنسبة لرحمه كانت عيلتها رحمه هي ال حضرتك كل حاجه من الأكل للحلويات لحاجه السبوع كانت فرحانة جدا بابن أختها زي مايكون ابنها الكل موجود بس رحمه لسه في اوضتها مانزلتش هيثم عنيه بتدور وتلف ع رحمه وأخيرا ظهرت ع السلم عنيه هديت وارتوت اول ماشافها برنسس وهو كان برنس لبسها راقي جدا واختيارتها ف الألوان الهاديه
وقف هيثم ع آخر السلم كان نفسه ياخد ال برنسس من ايدها ويبوس ايدها بس مع رحمه ماينفعش نزلت رحمه لحد ماوصلت هيثم والعيون اتقابلت
هيثم:-مساء الجمال
رحمه:-مساء النور عليك
هيثم:-هو انتي كل يوم بتحلوي ليه كدا
رحمه:-بخجل وبصت ف الأرض
هيثم :-ههههههههههه وربنا عسل
رحمه:-امشي من هنا يلا
هيثم :-منا همشي فعلا بس انتي معايا يلا بينا
راحوا ع الموجودين
عم محمد:-فيكي الخير والله يابنتي انك افتكرتيني
رحمه:-ماتقولش كدا ياعم محمد انت ف مقام والدي
عم محمد:-انا يكون ليا الشرف أن تكون عندي بنت زيك
رحمه:-الشرف ليا طبعاً ونورتونا والله كلكم
الجرس رن فتحت عنايات
...وليد :-مساء الخير
ردت رحمه وراه عنايات مساء النور اتفضل
اتفضل وليد وع رحمه ع طول بيمد أيده يسلم عليها ال استقبل أيده هيثم
هيثم:-أصلها مش بتسلم ع رجاله
هيثم عايز يمسك وليد عز وف وشه ع طول
وليد:-اه معلش متأسف انا لقيت الفيلا كلها نور قولت اجي اهني وبارك مع أن محدش عزمني
هيثم:-واذ كان محدش عزمك بتيجي ليه
وليد:-مالك يا أخي هو انا جاي عندك
هيثم:-ال عندي عندهم واحنا واحد
وليد:-الله يمكن عايز أكون واحد منكم وانتو كلكم هنا
هيثم:-انت ماعندكش سهره النهارد ول ايه
وليد:-انت هتسيحلي ول ايه ماتهدي ياعم شويه مالك ف ايه
رحمه سابتهم ومشيت جت الحجه عليه
الحجه عليه :-مالكم يا ولاد عاملين زي الديوك ليه كدا
وليد:-شفتي ياحجه بيقولي ايه ال جابك
الحجه عليه :-عيب ياهيثم يابني مش كدا
هيثم :-يا أمي دخوله وطلعوه هنا مش كويس خصوصا أنكم وحدكم
وليد:-ياسلام منتا بتدخل عليهم
هيثم :-انا هنا راجل البيت وهم تبعي مش هم بس أي حد ساكن هنا هيكون تبعي فهمت يا وليد باشا
وائل:-ايه ايه فيه انتو الاتنين احنا ف سبوع بس مش عايزين خناق اتفضلوا يلا
دخلوا كلهم ع السبوع واتعمل سبوع مافيش زيو عيون هيثم ع رحمه مانزلتش وكمان وليد ورحمه بتضحك وتهزر وبتداري ع اد ماتقدر حزنها عشان أختها حضرت الأكل هي وهند وعنايات وكله أكل معاداة هي بس فضلت تخدم عليهم راحت ع الحلويات تحطها ف الأطباق كان هيثم وراها
هيثم:-اساعدك
رحمه:-لا شكرا انا هعمل
هيثم :-والله بعرف انا همسكلك الطباق وانتي حطي
رحمه:- ماشي
خلصت هي وهيثم وهيثم كل شويه يختلس نظره
هيثم خرج علبه حلوة من جيبه
هيثم:-ممكن
رحمه:-باستغراب ايه دا
هيثم :-حاجه كدا ليكي هتقبليها ول هتكسفيني
رحمه:-بمناسبه ايه
هيثم :-أن اياد جه للدنيا
رحمه:-المفروض تجيب لإياد
هيثم :-منا جايب لإياد وخالته ممكن بقي
رحمه:-فيها ايه
هيثم :-افتحيها وشوفيها
أخدت رحمه العلبه وفتحتها وإتفاجأت بال فيها مافيهاش خاتم سوليتير ول اسورة الماظ كان فيها سبحه بس دهب ومنظرها جميل جدا انبهرت رحمه بزوووووء هيثم الجميل وان ف كدا
رحمه:-الله جميله
هيثم:-لا دي عيونك الجميله
رحمه:-لا بجد دي تحفه هو ف كدا
هيثم :-هو مافيش كدا انا كنت موصي الجواهرجي بتاعي انه يعملها مخصوص عجبتك
رحمه:-عجبتني جدا
هيثم :-انا لو أطول إجبلك الدنيا دي كلها ماتغلاش عليكي نفسي افرحك واشيل الحزن ال ف عيونك دا
رحمه :-حزن وعرفت ازاي
هيثم :-حاسس بيكي
وليد:- الله جميله جدا مين فيكم ال جايبها للتاني
#يووووه ماتستني ياعم وليد بتدخل ف أوقات غلط
هيثم عايز يشيل وليد ويرميه من الشباك
هيثم:-بتسال ليه
وليد:-أجيب واحده زيها
هيثم :-مش لما تصلي الأول
وليد:-انت هتفضحني ول ايه مش يمكن عايز أتوب بس عايز ال يعني ع كدا وبيبص لرحمه
مسك دقنه هيثم. بصلي انا هنا انت عايز ايه بالظبط وبترسم ع ايه
وليد:-الله ولا حاجه يا أخي ف ايه
هيثم:-ماتعصبنيش
الحجه عليه:-ف ايه يا ولاد بس بس تعالو يلا هنولع الشمع بتاع السبوع
كانت أخدت العلبه رحمه ومشيت
شويه جرس الباب فتحت رحمه
رحمه:-محمد
محمد:-مساء الخير
رحمه:-مساء النور لسه فاكر
محمد:-معلش كنت مشغول شويه
رحمه:-الشغل يمنعك حتي عن مكالمت تليفون
محمد:-والله كنت مسافر ولسه راجع
رحمه:-عموما حمدالله ع سلامتك وانا مالياش الحق أن اعاتبك بس شد حيلك ع ال هيحصلك من ندا اتفضل
دخل محمد واتفاجا بالموجودين وركز ع وائل الحسيني
رحمه:-استاذ محمد جوز ندا وابوة اياد النونو
أستاذ هيثم صاحب الكومباوندا والمتر وائل وعرفته ع الباقي والكل قعدو مع بعض بس ندا زعلانه ومش مبينه قدام حد خلص السبوع وكل واحد ع بيته وهيثم اخد وليد عز ف ايدة هو وخارج وانتهي السبوع وقعد محمد ورحمه وندا والحجه عليه وعاتبت ندا محمد وهو كالعاده اقنعها انه كان مسافر
محمد:-قوليلي يارحمه بتقولي المتر وائل هو دا المتر بتاعك والأستاذ فؤاد
رحمه:-هو انت معرفتش ال حصل
محمد:-لا والله كنت مسافر لما انتي جيتي المنيا
رحمه:-يااااه يعني انت عارف ان أننا سافرت المنيا ومش عارف بال حصل
محمد:-ها أصلي ف حد شافك وبلغني المهم ف ايه
رحمه:-المتر فؤاد طلع نصاب نصب عليا في حاجات كتير وانا كشفته بس هو مش واحده ف حد معاه
محمد:-ازاي دا وقعته ابوة سودة معايا
رحمه:-لا ابوة ولا أمه هو خلاص هياخد جزاته والمتر وائل بيتابع القضيه إنما شريكه انا مش هسيبه وراه لحد معرفه
محمد:-كمان ليه شريك
رحمه:-هو بيلعب عليا انا هو شكله نسي مين رحمه
محمد:-قلبك جامد ومش خايفه شكلك كدا مستقويه بالمعاكي
رحمه:-لا يا محمد انا مش بخاف من حد غير من ال خالقني الرب واحد والعمر واحد يبقي هخاف من ايه وعمري ماخفت ومش هيجي واحد زي دا أخاف منه بس أقسم لك حقي ماهسيبه
محمد:-اهدي بس واحكيلي ال حصل
حكت رحمه الله حصل وحب يعرف منها مين ال كلمها من المستشفي وبلغها بس هي رفضت
محمد:-كل دا ماشي يا فؤاد ماشي
رحمه:-خلاص يا محمد الموضوع دلوقت عند المتر وائل وهو هيتصرف معاه يلا انت ماتشغلش بالك وقوم خد مراتك وابنك ونامو
عدت الليله وجه تاني يوم ومحمد كل شويه يسأل رحمه ورحمه الأول كانت شاكه فيه دلوقتي اتاكدت انه فعلا له يد من كتر أسئلته عد يوم واتنين ومحمد معاهم ورحمه مش بتخرج من البيت وبيكلمها هيثم يطمن عليها مرة ترد ومرة لا وأخيرا محمد عايز يرجع بيته وعايز مراته رحمه رافضة أن ندا تسافر معاه خصوصا أن اياد تعبان بس مع إصرار ندا أنها لازم ترجع مع جوزها وافقت رحمه وبالفعل سافرت ندا مع محمد
بس محمد معاملته اتغيرت مع ندا وكل شويه يسالها عايز يعرف ال كلم رحمه مين وبدأ اياد يتعب اكتر ودا ال كانت خايفه منه رحمه وهو بالفعل حصل
وف ليله قاعدة الحجه عليه ورحمه حوالي ع 11 بالليل
رن جرس اتخضدو مين ال هيكون جاي دلوقت لبست رحمه نقابها وفتحت الباب
رحمه :-هيثم
هيثم:-وحشتيني
رحمه:-يخربيتك انت جاي دلوقت عشان تقولي كدا ف ايه خضتني
هيثم :-اعمل ايه ليا كام يوم ماشفتكيش
رحمه:-دا ع أساس انك بتشفني
هيثم :-ايوة بشوف روحك وحاسك ودا كفايه عندي
رحمه :-انت شارب حاجه
هيثم :-كدا انا أزعل منك انا مش بشرب عموما يستي انتي فعلا وحششششششششششششتيني
رحمه:-مش عارفه ترد بتبص وراه ف حد جاي من بعيد لا دول اتنين مين دول ديقت عيونها بس بردو لسه مش عارفه أخيرا ظهروا ف النور دا وائل ايوة بس مين التاني دا واحد بدقن كبيره وشعر كبير بدأ يقرب والرؤيا بتوضح اكتر لرحمه أخيرا الوشم ف الوش
رحمه:-مش مستوعبه دا بجد دا بجد دا عااااااااااااااااااااااااااادل حطت ايديها ع وشه ع شعره ع دقنه ومسحت وشه عادل اخويا بجد بجد وحضنته وهو حضنها حس أنها أخته حضن الأخوة مافيش أي شئ يعوضه ولا حتي حضن الحبيب هي تعيط وهو يعيط أخيرا بعد 7 سنين دخلوا ع الحجه عليه الا كانت هيغمي عليها من كتر الفرح وحضن الأم لابنها ال كانت فقداه دخل وائل وفضل هيثم ع الباب
رحمه من كتر ماعرفتش هي بتعمل غير وهي ماسكه ايد هيثم وهي مش لابسه الجوانتي
رحمه:-انا مش عارفه اشكركم ازاي بجد انا من غيركم ولا حاجه
هيثم :-مش مستوعب أن هو لمس ايد رحمه وفرحته بيها أنها فرحانة لا تتوصف هششششششششششش اسكتي الحمدلله يارب اقدر ابسطك ديما وفرحك عشان الحزن دا يمشي ال ف عيونك ومسك ايدها وضمها جدا عليه عايز يقولها ماتسبيش أيدي خالص
للحظة رحمه:-استوعبت أن ايديها ف ايديها هيثم شالتها بسرعه
هيثم:-ليه محنا حلوين
دخلت رحمه تجري تشوف حبيبها اخوها
بعد ماهديو وخلصو عياط وقعدو
عادل بيتكلم لهجه صعيدي
عادل:-امال البت ندا فين
رحمه :-هههههه اتجوزت ومع جوزها ف بيته
عادل:-كبرت كدا قوي يااااه كنت سيبها لسه
الحجه عليه:-يابني ف حاجات كتير اتغيرت دول 7 سنين
عادل:-ع رأيك يامي
عادل:-وانتي يارحمه فين عيالك
هيثم:-استوعب الكلمه عيالك وبص ع رحمه
عادل:-كريم وإياد انا سبتك معاكي دول جبتي تاني عليهم
رحمه:-مش بتنطق مافيش غير الدموع ال مش موقفه
الحجه عليه:-جابت يابني عليهم جابت مريم
هيثم:-سامع الكلام بس مش عايز يصدق كريم وإياد ومريم وائل شبه عارف كل ال عمله انه اكتفي انه يبص ف الأرض وبس
رحمه مافيش غير الدموع
عادل:-مالك ياختي بتبكي ليه ف ايه ايه ال حصل وانا مش موجود وعلي جوزك فين وجيتو هنا ازاي
هيثم:-هو قال علي جوزك هيثم عنيه بتدور مش مستوعب الكلام مع أنه مفهوم وواضح
رحمه زادت ف العياط ونقابها بقي كله ميه من دموع عيونها
الحجه عليه:-بس يابني اسكت
عادل:-البت مريم طالعه حلوة زي امها اكيد
الحجه عليه:-كلهم كانو حلوين يابني الله يرحمهم
عادل وهيثم الله يرحمهم
عادل :-هو ف ايه ايه ال حصل مالك ياقلب اخوكي
هيثم :-مش قادر يجمع ال اتقال معاها وكمان ماتو
الحجه عليه:-هم وابوهم كمان
هنا نزلت رحمه ع الأرض ع ركبها وبدأت تشهق زي الأطفال من كتر العياط وحط ايديها ع ركبها وكلام بعياط وشكوة لاخوها
رحمه:-ايوة يا اخويا ايوة يا عادل
ماتو يا يا اخويا انا اتبهدلت من بعدك كنت شايف ال كان بيعمله فيا علي قبل ماتسافر وعمل اكتر منه بعد ماسافرت ايوة محنا مالناش حد وعمامك الله يسامحهم محدش وقف معانا فيهم ابسطها انهم قالو عليك ميت انا اتبهدلت ياخويا من بعدك شربت المر مع علي بس كله ف كوم وان انسي أن هو كان السبب في اموت اولادي كوم تاني ابوهم كان السبب في موتهم عمره ماقدرني ولا حتي بكلمه شكر كل حاجه كانت علي انا اد بنته و كان ناسي أن هو أكبر مني ب 21 سنه يعني انا بنته بس رمي الحمل عليا ف البيت كنت بشتغل عشان اصرف ع بيتي وعيالي انا اتعبت من بعدك يا اخويا دا سابني ف اوضته العمليات وانا بعمل عمليه كنسر ف المخ وطفش حتي مااستناش يشوف مراته هتخرج ولا لا طاب وعيالك ورجع لي بعد سنه متجوز ياخويا ااااااااااه ياعادل ااااااااه يا اخويا
هيثم:-مش مستوعب ال قالته رحمه كل ال عمله انه عمل زيها ونزل ف الأرض ع ركبه وقعد يعيط وائل عياط بس مارفعش عنيه من الأرض ايوة عارف بس مايعرفش بكل دا عادل وقف وراح عند أخته ورفع النقاب من ع وشها ومسح دموعها بايده واخدها ف حضنه وهي خبت وشها ف حضن اخوها
#ملحوووووووظه هيثم ماشفش وش رحمه لأن عادل كان قصاد أخته
عادل:-بس بس كل دا يحصلك وانا مش موجود انا جيت خلاص ومافيش حزن تاني نزلت رحمه نقابها وحضنت اخوها جامد جدا هو الأمان وهي كانت مفتقده الحضن دا اه بتحس بالأمان مع هيثم بس ماينفعش تحضنه
هيثم:-قاعد ف دنيا تانيه كل دا فيها يبقي هو دا سبب الحزن ف عنيها كل دا يحصلك ف أيام المفروض تكون أجمل أيام عمركم دانتي من الجبال فعلا زي والدتك مابتقول
عادل:-بس بس اهدي خلاص عادل اهو رجع فين ضحكتك الحلوة ولبستي النقاب امتي كان نفسك فيه من زمان انتي
الحجه عليه:-بعدين ياعادل اقولك
عادل:-داريتي جمالك عني بس انا اخوك
رحمه:-ابتسمت ابتسامه وجع من تحت النقاب ربنا يحفظك ليا يا اخويا ولا يحرمنا منك ابدأ
وقفت رحمه
رحمه:-احضرلكم العشا اكيد ما اكالتوش
هيثم:-وقف ومين له نفس يأكل بعد ال سمعناه دا انا همشي تصبحو ع خير وسابهم وخرج
رحمه برغم كل الوجع والألم ال فيها بس كلام هيثم كان بمثابة سكينة واتغرزت ف قلبها كانت خايفه من رد فعله اول مايعرف وهو عرف يبقي خلاص هو ممكن يكون كان بيتسلي
قاطع تفكيرها وائل
وائل :-معلش مره تاني نسيبكم مع بعض عن اذنكم وسابهم وخرج
نده ع هيثم
هيثم :-وقف نعم
وائل :-ايه ال انت قولته دا ف حد يقول كدا
هيثم :-قولت ايه
وائل :-جوة لرحمه هي فيها ال مكفيها انت تزود عليها
هيثم :-وائل انت كنت تعرف وبإمانه
وائل :-بصراحه اه بس ماعرفتش غير واحنا ف المنيا لما وكيل النيابه بيسالها ع المستشفي قالت إنها صدقه جاريه ع روح زوجها وأولادها وشفت صور أولادها ف المستشفي بس ماكنتش عارف دول مين لحد ماعرفت ف ربط الخيوط ببعضها
هيثم:-من يوم ماكنتو ف المنيا ومافكرتش حتي تقولي دانا صاحبك يا أخي
وائل :-وانا لله كنت خايف انك تعرف خصوصا انك بتحبها ماردتش اقول
هيثم:-وهند تعرف؟؟؟؟؟؟
وائل:-والله مش عارف
هيثم :-تمام يلا ع هند
هند منومه كريم ولسه هتنام وإتفاجأت بهيثم ف الوقت دا ولما سألها
هند:-بصراحه اه كنت أعرف
هيثم:-من أمتي
هند:-من تاني يوم كنت معاكم فيهم لما رحت تديها الفلوس
وائل :-كل دا وانا ال اسمي جوزك معرفش
هند:-انا ماحبتش اقول ولا أعرف حد فيكم قولت تعرفو منها هي أحسن إنما انا لا كمان عشان ماخونش ثقه البيت ال دخلته ورحمه ماتاخدش عني فكره غلط
هيثم:-تمام تمام تصبحو ع خير وسابهم وخرج
هنااااك عند رحمه اتعشي عادل وجهزتلو اوضه بس هو نام مع ست الحبايب والدته في اوضه واحده وحكو لبعض حاجات كتير وعرف من أمه كل ال حصل ف الفترة دي
رحمه ف اوضتها بتفكر ف كل حاجه حصلت معاها وصعبان عليها اووي كل ال فات والأكثر موقف هيثم وال عمله هو فعلا كان بيتسلي يعني ايه ماحبنبش لروحي زي مابيقول تفكير هيشل دماغها
تاني يوم الصبح صحيت رحمه من النوم وراحت تشوف الورد بتاعها سقته ميه ووقفت عند شجره وهيثم قصاد ها ف البلكونه بس هي مش واخده بالها منه خرجت سبحته وشالت النقاب وباستها وهو شايف بس مدياه ضهرها حب يختلس نظره منها يشوف وشها مستحيل نزلت النقاب تاني وهي مش عارفه انه ف البلكونه
