#20
💋 #غريب_في_حياتي 💋
بقلم : Ikram ElYaakoubi
دخلاتهم جالسين وريحة لبول طالعة مع نيوفهم وتبعات مها للكوزينة لي مقابلة معاه كيصاوبو صينية اتاي :" مي اويلي غتحطي ليه زبدة ليليا واش باغيا تقتلي ليا الراجل "
كتسرق منو شوفة :" كيشبه لفار الفرنسيس "
حفصة :" وراه سيد موالف غير بكرواصون "
هنية :" وانا عندي غا الكراصن لابغيتيهم "
تخطاتها وحطات الصينية كانت ماواضعة بزاق غير اتاي و درهم الزيت و الزبدة ولخبز :" مرحبا بيك "
يوسف :" الله يبارك فيك اخالتي "
هنية :" ايوا الدوي اش حب لخاطر "
يوسف :" باغي نخطب يدك بنتك للحلال على سنة الله ورسوله "
هنية :" ومالك جايني طويل لا اصل لامفصل"
وحفصة كضرب ففخاضها وكتدوي فخاطرها :" مي اويلي امي راه السيد شركتو هازة اقتصاد بلاد "
يوسف :" السيد لي رباني دابا غيكون هنا "
هنية :" وفاش خدام اوليدي "
يوسف جبد تيليفونو حطو فوق طبلة ولكونطاك ديال طوموبيل وهي تقفز هنية وقربات لبنتها :" ياكما الشركة هي شي حانوت الحشيش و البيضة"
نسا راسو وبدا كيتفورنسا عليها وهي غير حالة فمها مفاهمة والو حتى طلع الشريف باها ووراه الطيب تعطل حيت مشا يجيبو من دارو :"السلام عليكم "
شاف فالطيب :" معرفتو خاطفني معرفتو باغي يقتلني "
وقف يوسف :" سمح لينا اعمي ،سي الطيب زيزون وقليل السمع "
شاف فبنتو لي عنقاتو :" ادوي المعزة شكون هاد كحل الريشة لي نصبتي عليه "
كيطلع وينزل فيه :" بيض من الشعير كي فار الدقيق "
جلسو كيتفاهمو :" شوف اولدي انا بنتي مانبغيها تزوج وتنسا تقاليدها والعادات.."
قبل ميكمل لهضرة جبد الطيب شانطة فيها شلا فلوس وعامرة :" هذا صداق لالة حفصة "
وقبل ميتقبل الصدمة سمحو الدقايقية فزنقة و تجاراو كيطالو لقاو الدقايقة سابقين الدفوع لي فيه ياكمنك يا حوايج ياكمنك يا ذهوبات و مجوهرات اشمنك يا صبابط غاليين و تاج ديال الذهب و شمنك ياروايح و تابعاهم طوموبيل رياضية لاصقة فالارض نزل منها راجل وحط الكونطاكت فوق الدفوع الطوموبيل تاهي دفوع و زوج جارين زوج جمال وراهم و الزغاريد باها بقا غير كيشوف ويتمتم :" ممم..مبروك ممبروك وينعلبو شي عادات وشي تقاليد "
هنية طلات كتبرح :" وسمعوووو يااااااا لعياااالااات بنت الهنية لمهيبيييلة تزوجاات وسييييد الرجااااال خدااات "
~~~~~~~~~ النهـــايــــــة ~~~~~~~~~~~
قصتنا هاد المرة كانت للعبرة و للترويح عن نفوسنا خاولت ندمج الفكرة خلف السطور المهيبيلة بنت هنية كان عندها الزهر فعالم علاء الدين و المصابيح السحرية وهادي مغتكونش نهايتنا حنا لذلك متيقوش وحضيو ريوسكم هادي رسالتي ليكم فحال بناتي وخواتاتي ❤️
ونتلاقاو فقصة قصيرة ان شاء الله باقي عندي بزاف ميتقال خليو ليا اراءكم داخل الرد وشنو تبغيو تقراو باش نقدر نتقرب من اذواقكم اكثر 💋
ولي حب اسلوبي كنبشرو كاينين قصص ثانية ليا 😍❤️
أنت تقرأ
غريب في حياتي
Romanceتصدمات حتى شهقات :" شش.. "تمتمات" شحال ؟" مجاوبهاش ورجعات نقزات يالله غتدوي وقفها بصوت جدي :" كنكون فالدار من 8:30 دالليل حتى ل 4:00 ديال الصباح هاد لوقت الضوء ميشعلش فالدار ، متسوليش و متقلبيش فلحوايج لي مكيخصوكش بيتك ودريسينغ ديالك 4000 درهم لليل...
