تنهدت بضيق وذبيت المشط من ايدي وطلعت من غرفتي اتصنع الحماس والفرح نزلت وشفتهم گاعدين على طاوله الطعام وكالعاده اشكال الأكلات موجوده ببيها صحت بصوت عالي
ميان : صباحح الخيررر
اندار عليه بلهفهة وبتسم وهوا ينطق
باسم : هسه طلعت شمسي أني
ضحكت وتقدمت بست راسه
باسم : يلا بابا تعالي اكلي
ميان : لا حبيبي أني حروح اكل يم تُقى
فزيت على صوت صيحه امي بيه
اسراء : اني كم مراااا گتلچ تُقىىى تعوفيها متففتهمين انتِ هي بنت خدامه؟؟؟؟
نترت بيها
ميان : الخدامه هاي أمي تعبت بيه اكثر منچ وتُقى اختي ولتدخلين بيه وحيري بنفسچ !!!
صاح بينا ببابا اثنينا نسكت وبعدها صار يرزل بأمي وسمحلي اروح
تُقى وأهلها ساكنين ببيت يم بيتنا صغير بحكم انهم كلهم يشتغلون عند ابويه
مدري ليش چنت مخنوگه كلش بهل يوم اول مدگيت الباب فتحتلي ماما ابتهال رميت نفسي بحضنها وصرت أبچي
ابتهال : لچ امي شبييچ
ميان : ماما مخنوگه كلش مخنوگه
طلعت تُقى تركض بلهفة
تُقى : يمهه ميان بيها شي ماما ليششش تبچي
ابتعدت امسح بدموعي وأهز براسي أنو ماكو شي
جتي حضنتني تطبطب على ظهري وتسألني شكو هي وماما ابتهال
ميان : مابيه شي شبيچ بس مخنوگه
سكتت ورحت وياها بغرفتها تمددت
تُقى : ميمي قلقتيني احچيلي شكو
شمرت عليها كوشه صغيره
ميان : كمم مراا گتلچ لتگولينن ميمي تهينين رجولتيي
ضحكت بصوت عالي ورجعت شمرت عليه الكوشه
تُقى : لاهاهيه تأكدت مابيچ شي
ضلينا نتداهر لحد مصاحت إلنا ماما نجي ناكل رحنا نركض لأن كلمرا نتعارك اني وياها من يگعد يم ماما وبابا
عدنان : هووب هوب شبيچن تسودنتن
تُقى : باباااا شوفف ميان تريد تگعد بنصكم
عدنان : اي بابا صارلچ يومين تگعدين بنصنا اليوم دور مياني
ضحكت وتقدمت بست راسه وگعدت بنصه هوا وماما ابتهال وكالعاده ميخلوني امد ايدي عل صينيه ويضلون هم يسولي لفات وأكل وتقى گاعده گبالنا رفعتلها حاجبي بمعنى الإنتصار وهي شاطت تصيح وأني وياهم نضحك عليها كملنا وضليت گاعده بنصهم صحيح هم موعائلتي الحقيقه بس ارتاح وياهم مع أنو بابا باسم ممقصر بشي ويحبني اضعاف حبهم بس أني راحتي وياهم
چنت صافنه بيهم ومبتسمه
YOU ARE READING
ما بُعد الهاوِيه
General Fictionصُراخ غَير مَسموع حِبال مُعقده الفَك تَلتف حَولهم لِتوقَعهم في الهاويَه التي لامَفر مِنها وتُغرِقَهُم في الشِتات لِيلتَقو ؟ هَل سَيكون صُراخها مَسموعاً وأخيراً؟ أم إن عُقد الماضِي سَتَستَولي عَلى الحاظِر والمُستَقبَل لِتترَبع عَلى عَرش الظُلم والح...
