ما بُعد الهاوِيه

part 2

ضلينا شويه وهي گامت اخذت غراضها وراحت للبيت استغربت اول مرا ترجع للبيت بهل سهولة ماچنت ادري انو هاي اخر مرا رح اشوف ميان ولقائنا الثاني حيطول سنين ..

تُقى :
مر أكثر من ساعتين على طلعه ميان من البيت والساعه عبرت الـ12چنت گاعده بغرفتي وسمعت صوت الباب يندگ ابتسمت عبالي رجعت گمت اريد افتحه شفت قصي وأگفه بالباب وبقيت تفاجئت من شفت اسراء

قصي : تفضلي ست

اسراء : لاشُكراً صيحلي ميان

تُقى : بَس ميان رجعت للبيت

باوعتلي بتعجب وأني گلبي وجعني وين راحت تخاف هي من الظلمه ومتضل لهيچ وقت برا؟ طلعت ماما من الغرفه وشافتها انصدمت بوجودها بباب بيتنا وگبل نطقت

ابتهال : خوما ميان بيها شيي

اسراء : هاي سوالفكم متمشي عليه صيحي ميان خل امشي

ابتهال : بَس ميان رجعت من زمان للبيت

تخطت قصي وفاتت للبيت تصيح بإسم ميان وكلنا نحلف انو هي رجعت

اسراء : وينن رجعت وينن ماارجعتت ماشفتها ماكو بالبيت

عفتهم ورحت جبت تلفوني اتصل عليها مغلق صرت ارجف من الخوف عليها وألف فكرة جتي براسي راح قصي وأخذ ويا كم حارس يدورون عليها بالمنطقه وإحنا بقينا متصنمين جاني اتصال من عمو باسم باوعت الأمي بخوف

تُقى : هذا عمو باسم اكيد يسأل على ميان شگله؟

ابتهال : ردي وگوليله نايمه

رديت بس التوتر مبين بصوتي رديت وگبل جاني صوته يحچي بخوف ولهفه

باسم : ميان وينن ليش مغلق

تُقى : هههه شبيك عمو نايمه

باسم : گعديها بالي يمها

تُقى : لا عمو موشسمه گوة نامت

لح انو اگعدها وگوه قنعته مرت الساعات وإحنا صافنين رحت لبيتهم دورتها وحتى بالمخزن مال حطب وماكو لگيت بس الملاس بالجبتهم إلها مشمورات
رجع قصي ومالاگي أي اثر إلها بقينا بحاله قلق وتوتر الحد ثاني يوم چنت اشوف اسراء عادي ممهتمه ولاحظت أمي رادت تنجلط وضغطها چان مرتفع زهرة بقت يمها وأني يلي ردت أموت على صديقه عمرب الما ادري وين راحت اتصلت على كل شخص هي تعرفه وماكو وهي لوشما يصير متطلع هيچ من البيت وين تروح حتى لوطلعت؟ مر اليوم عادي قصي وجماعه يدورون وقدم بلاغ للشرطه بس ماقبلو يطلعون إلا يمر يوم كامل على اختفائها يعني لليل يلا
ومن اجه الليل دوريات الشرطه يم البيت يسئلون ويحققون شنو الصار وشوكت طلعت وصارت خبصه

وإنصدمنا برجوع عمو باسم وبابا نزلو من السيارة متفاجئين بوجود الشرطه تقدم بابا يركض علينا