حاولت ويا وقاومت شگد ما اگدر بس قوته چانت تفوق قوتي رافست ضربت حاولت انقذ نفسي بس للأسف انتهت ليلتي بالإغتصاب والشعور الچنت اعيشه ما اگدر اوصفه تعبت من الصياح وبس دموعي بقت تنزل وألم فضيع بجسمي گام مني وطلع بره وأني دموعي تزداد وأتذكر كلشي
نمت حتى انهزم من الواقع تمنيت اگعد الگا حلم وهذا كله مصاير
مضت الأيام وهوا مايتغير كل يوم نفس الشي كرهت روحي وجسمي توسلت ناجيت حاولت انهزم بس بكل مرا افشل ويلگاني وأنضرب حاولتت انقذ روحي من الأني بي لحدما عجزت وتقبلت الواقع وبهل حال مضن شهور چان دائماً يگلي ذنبچ بنت اسراء، او يگلي اني مو بنت باسم ويضل يكررر جمله
"اخذتو من عائلته حرمتوني منه"
مچنت اخذ كلامه بشكل جدي وچان كل همي يبتعد عني او مايتقرب مني او بالأحرى عقلي ما راضي يستوعب الحقيقه
وبيوم تأخر كلش وتعدت الساعه 3الفجر وهوا ماكو، وچان الجو مطر ورعيد
گمت افتر بالبيت واني بحاله قلق، ما يتأخر هيچ، والأفكار اكلت عقلي ضليت افتر وأكل بأظافري خايفه على روحي، اخاف كلش من الرعد
گعدت على الدرج ورجفه ايدي ما اگدر اسيطر عليها ويه كل صوت رعد اصيح، وماحسيت غير باب السطح الفوگ انفتح بقوة صحت بخوف كل يلي توقعته احد اقتحم البيت بَس چان اثر الهوا القوي بالبداية خفت اصعد اسده بس شجعت نفسي لأنو الأصوات دتصير اقوى والباب يتحرك ويطلع صوت طراگيع صعدت وأحس رح اوگع من الخوف سديت الباب ومن دا انزل
انتبهت الغرفه بابها چان تالف ومكسر صحيح صارلي شهور بهل بيت بس ولا مرا استكشفته او شفت شنو بي فضولي اخذني لهل غرفه فتحت بابها وصلتني ريحه كلش موطيبه منها وچانت ظلمه كلشش ماگدر اشوف مكان الضوه خفت افوت بَس رجعت فتحت ضوه البيتونه وصار يوصلها ضوه بس خفيف خليت الباب مفتوح
وانتبهت على مقبس الضوه تقدمت فتحته انفجعت من يلي شفته رجعت ليورا كلي خوف چانت غرفه مليانه دم على الأرض والحياطين وچانت مليانه بصور أمي تقدمت اتلمس بصور اي هاي امي اسراء مو غيرها
تلفتت بالغرفه على كل الحايط صور أمي وبابا چان
اكو البوم مشمور بالگاع شلته أگلب بي صور لبابا ويه عائله اكثر من صورة اباوع بيهن ودموعي تنزل، لگيت صورة لبابا عدنان وعائلته بس يلي صدمني أمي موجوده بالصورة وشايلتني شهگت اگلب بالألبوم بخبال راسي صار يوجعني ما انتبهت النفسي صرت اصيح ابچي معقوله كلامه صحيح اكثر من صورة بس كلهن يبينن بابا باسم عنده عائله ومستقر بحياته وماما إسراء إذا ظاهره بصورة فهي تكون ويه ماما ابتهال ماردت اتقبل صرت اربط احداث حياتي قبل ويه هسه بقيت ابچي اگلب بالصور كلشي چان واضح بس اني استغبيت ...
سمعت صوت الباب الجوه انفتح نزلت اركض بيدي الصور
رحت عليه ارجف
ميان : حباب بس گلي شنو هاي حبابب
باوعلي وگال ببرود
آسر : رجال وعائلته
YOU ARE READING
ما بُعد الهاوِيه
General Fictionصُراخ غَير مَسموع حِبال مُعقده الفَك تَلتف حَولهم لِتوقَعهم في الهاويَه التي لامَفر مِنها وتُغرِقَهُم في الشِتات لِيلتَقو ؟ هَل سَيكون صُراخها مَسموعاً وأخيراً؟ أم إن عُقد الماضِي سَتَستَولي عَلى الحاظِر والمُستَقبَل لِتترَبع عَلى عَرش الظُلم والح...
