دِرتها بيديك حلّها بسنيك

chapitre¹

★و🗨️ و التعليق بين الفقرات
اذا حبيتو...

الظلمة..

انت في مجتمع جزائري سترى العجب العجاب

في واحد لبلاصة في العاصمة
كان كاين واحد الحي صغير
فوقو غابة ماشي كبيرة بزاف يبيعوا فيها
الزطلة..الكاشيات..المخدرات.. سموهم كيما تحبو ..الشراب و أي حسيفة و لا قتيلة و لا سرقة تصرا فيها
اي حاجة حرام تلقاها لتم و بلا ما نهدرو على الزوبيا و الوسخ لي فيها،الناس الطبيعية الغابات يديرو فيهم الشوا و الخرجات و ينقوها باه ترتاح نفسيتهم فيها مي كيما قلنا عزيزي القارئ
"في المجتمع الجزائري سترى العجب العجاب"
هذيك الغابة كانت مستوطنة الحيوانات العادية و البشرية
فيها واحد لكلاب نيابهم المصفارين يدخلو في لحمك يدك تتقطع
اذا مشيت فيها يا تودع حياتك يا تودع عضو من اعضاءك

المهم في عشية نهار الاحد كانت كاينة جماعة معولين على حسيفة واعرة قاتل او مقتول
وعلاه في رايكم؟
كانت داخلة شحنة جديدة
شراب و زطلة
و هذيك لجماعة ماشي من النوع لي يخلص دراهم في صوالح كيما هاذو
يطبقو مقولة:"الموس يخلص"

ارواحو نعرفكم عليهم

Hicham/هشام
العمر:25سنه
الطول:1.82
الوزن:70k
الوظيفة:حاكم شريكة تاع ليزيكترو ميناجي(الاجهزة الكهرومنزلية)

عايش وحدو فالدار رامي والديه في دار العجازة، و ما سامع بحتى واحد
الصح في حياتو ال money و اذا واحد وقفلو في وجهو يمحيه

Youcef/يوسف
العمر:19 سنه
الطول:1.75
الوزن:69k
الوظيفة:خدام عند هشام كيما نقولو لبرى دروى تاعو(يدو اليمنى)

عايش مع يماه و خوه معوق و عندو اختو صغيرة باباه داخل للحبس و هو لي يصرف عليهم

Adem/أدم
العمر:24 سنه
الطول:1.86
الوزن:75k
الوظيفة:....

الاخ أدم من النوع لي يظل راقد و دراهمو تحتو ما يخدم ما والو دراهم الزطلة و الكاشيات هوما لي معيشينو

وكان تخزر فيه طفلة يقولك تحبني، يموت على حاجة وسمها بنات و يظل لاصق فيهم بالمعنى حلاب

Walid/وليد
العمر:20سنه
الطول:1.73
الوزن:67k
الوظيفة:يخدم بريكول..ينافيڨي سيك ما عندوش حاجة ثابته وين جات يخدم

وليد من عشاق الالعاب PUBG
Free Fair
دراهمو باين وين صارفهم و اهم حاجة انو تقدر تقول عليه هاكر

نقدرو ضك نكملو..
كان سفيان جايبلهم السلعة على الخمسة تاع لعشية

ندخلو من الباب العريض تاع دار هشام
تلقى بيسين معمرة ماءها صافي و نقي و قدامها شجرة كبيرة مركبين فيها هذوك ليلومب الصغار مع الورد لي يحاوطها من كل جيهة هذا من الجانب المشرق
بيسك من لور الدار تلقى غير لحدايد و السناسل و كاين واحد الخمس كلاب مربوطين من النوع لي يجري موراك حتى يحكمك يسلخلك جلدك
المهم هشام راو داخل الشومبرا يبدل في حوايجو هذاوين جا من الخدمة
لبس اونصوبل تاع سيرفاتمو كحلة و خرج و بلا ما ننساو بلي راو رافد معاه كوتور و موس في الجيب هو بيد وحدة يجيفك يبعثك عند ربي، اما الاسلحة الثقيلة كيما البوشية و مشتقاتها هذوك من اختصاص أدم