★و🗨️ و التعليق بين الفقرات
اذا حبيتو..
حبيت نقول بلي البارت تاع اليوم غير على هشام و إياد و نزلتو لخطاش بزاف تحمسو
التغيرات..
كان إياد قاعد في اللرض معنق رجليه و مريح في أمان الله حتى دخل عليه هشام..و هو ما عطالوش ڨاع وجه بالعكس حشر راسو بين أذرعتيه باه ما يشوفوش
انتبه عليه هشام و جاتو الضحكة بسيف باه شدها و تقدم جيهتو و قعد يخزر فيه
هشام: هكا واش درت؟زعما تتهرب مني؟
إياد: ما تهدرش معايا..
هشام: شكون قالك جيت نهدر معاك؟
إياد: واش جيت تدير مال؟ ما تقوليش عاودت جيت باه تلعب
هشام: همم شكون يعرف
أدنى ليه هشام و شدلو يدو المجروحة غير بالشوية باه يداويهالو
إياد طلع راسو و خزر فيه و حاول يبعد يدو بصح هشام كان شادهالو مليح و ما حبش يطلقها
إياد: انت واقيل عندك انفصام..مقبيل كي جرحتها عجبك الحال كي كنت نوحوح و ضك جاي تداويها؟
هشام وقف و باين عليه بلي راو منارفي رجع شعرو اللور و قلب عينيه باه هدر بالتقلاق
هشام: داويها وحدك مال
إياد: بوف زعما هذي حاجة صعيبة
شد القطن و دار فيه الدوا(لالكول) و حطو فوق الجرح و هذا وجعو شويا بصح ما حبش يبين هذا قدام هشام، شد الشاش باه يلويه على يدو بصح ما قدرش يربطو
هشام كان يخزر فيه و يتبسم
هشام: شفت هذي حاجة ماشي صعيبة اربطها مال علاه طولت؟
إياد: اسكت برك انت ضربتني بعين ما حبتش تصدقلي
هشام: في الصح أنا ضربتك بكوتور ماشي بعين
انحنى هشام جيهة إياد و عاونو باه يربطها
هشام: يد وحدة ما تصفق
إياد: اليد لي تقتل ما عندهاش وقت باه تصفق..
_ركزو في الجملة لي قالها إياد عندها معنى للمستقبل_
ألصق هشام في إياد لي هو اصلا راو محشور في الحيط و همسلو بوذنو
هشام: هذا هو المشكل تاعكم انتوما حاسبينا ماشي ملاح برك لخطاش احنا الفوق و انتوما لتحت
إياد: بعدني حمبوك و كان جيت مليح انا ما نكونش هنا اصلا
هشام:..
أنت تقرأ
دِرتها بيديك حلّها بسنيك
Fantasyغلطة العمر لي درتها هي لي خلاتك في هاذ الحالة،كسر راسك و انا ابعد نعرف كيفاه نتهلى فيك.. دخلت في لعب عيباد كبار عليك بزاف بصح ما تخافش ضك نصغر راسي كيفك و نلعب معاك التوب:هشام البوتوم:إياد Algeria story★ قصة باللهجة الجزائرية boy×boy خوتي القصة ج...
