دِرتها بيديك حلّها بسنيك

chapitre⁴

★و🗨️ و التعليق بين الفقرات
اذا حبيتو..

الماضي..

فتح إياد عينيه و هو يثاوب الليل كامل و هو يبكي حتى وجعو راسو
بدى يكسل يديه في السما و يخزر في الشومبرا، قعد على الحاشية تاع المطرح يخمم حتى لقى طبسي ڨاطو فوق لاطابل
إياد: ناكل منو ولا نن؟ و اذا كان مسموم؟اواه لالا هشام هذاك ماشي خدايمو السمومي هذاك تاع مواس برك، امم خلي ما ناكلش خير و نشوف واش يقولي و لا ناكل حبة برك و نضرب النح كلي ما كليت والو بصح و اذا كان حاسبهم؟اواه ما ناكلش خير

وقف إياد راح جيهة الباب يسيي زهرو اذا مفتوح و لا لالا

إياد: باينا بلي مغلوق زعما نلقاه محلول! تفو وختاش يولي هذاك الهشام كرهت بلا تيليفون و بلا كونيكسيو

راح يدور في الشومبرا يفتح لقجاير يشوف واش فيهم باه يعرف اذا كاين حاجة يقدر يهرب بيها و لا لا، ابعد راح للبيرو قعد فوق الكرسي و بدا يقلب في لورق تاع هشام

إياد: وشنو هذا كامل السيد واقيل يخدم في الوزارة..اه لالا هذو ليمارك تاع فريجيدانات، بلاك عندو حانوت بصح هذا كامل سور ماشي حانوت صغير واقيل شريكة..واش دخلني فيه اصلا باين كلش حرام في حرام

حط  إياد راسو على البيرو و بدى يخمم في دارهم ضك يحسبوه ميت..و يماه كشما يصرالها من الخلعة علاه هو كي لحمار جايز من هذيك الطريق و مع لخر راو قاعد في دار تاع مرفهين مع واحد..
الزين مطراسي الكور تاعه و طويل
بعينيه العسليين و صوته لخشين
صح يخوف و منارفي مي ضحكتو..تقول سارقها والله ما تاعه ما توالمهش مع خزراته المظلمين بصح توالم خدوده الصغار و شواربو الرقاق لي شويا منفخين
تفو عليك يا إياد شوف وين هرب تخمامك..هذاوين كنت حا تبكي على يماك المسكينة ابعد تقلبت كي هشام الشرشبيل هذاك ما تفهم اذا حنين ولا مقسح
اوف حبس ما تخمم فيه واش راو ساحرك بصح ما كليتش من الڨاطو تاعه باه نتسحر اواه بديت نمرض..
رفد إياد روحو و دخل الدوش بيسك جاتو فكرة
إياد: تفو هذا ما عندوش لام ولا جوطابل ما ينحيش اللحية؟همم واقيل ما تنوضلوش دوريجين سيك مكاش حاجة نخدعو بيها اصبر نقدر نخنقو بمخدة كي يرقد!!في الليل نسييها

دخل إياد التوالات ابعد راح يدوش يستغل الفرص بما انو في البانيو تاع لمرفهين و بالرغم من هذا يجي يخمم في دارهم و يماه يلقى روحو يخمم في هشام فتقلق من هاذ العفسة و قرر يروح يرقد كي يكمل التدواش

الجهة الاخرى:

كان هشام في خدمتو قاعد في البيرو يكاشي في لورق و يقرى فيهم حتى دخل عليه صاحبو يوسف ياخي قلنا بلي يخدم معاه في الشريكة..قعد فوق الكرسي لي مقابل هشام

يوسف: واش خو مراكش تحلب فينا اليوم

هشام: راك تشوف فيا لاتي مع الخدمة يوسف حبس ما دور و قولي واش تحوس من لخر