قصة جوري 💔( فصلية الشيخ القاسي) حقيقيه 🔥
بارت الخامس😔💔
___________________
صكر:::
وكفت كدامها وسحر داتحاول تصحي بيها بس ماكو
صكر:وخري اني اشوف
وخرت شفت النبض بعد اكو هسه شلون اتصلت بواحد صديقي وياه مستشفى قريبه النه مالي خلك تحقيق بالمستشفيات اخذتها واجت سحر ويايه وصلنا
حيدر:اووف اووف شنهاي شصار
صكر;ارجع افهمك هسه اخذها
اخذوها وظلو ساعه وطلع انطاني شوي ادويه وهيج رحت وياه للمكتب
صكر:ها كول
اخذ الادويه مني ودايقررهن
حيدر: اخذت ضربه قويه على راسها لازم ماتتحرك هواي لازم تاخذ هاي الادويه
صكر:تمام
حيدر:تتدري صكر لو مانته جان لازم نفتح محظر البنيه متعرضه لضرب قوي البنيه صغيره
صكر:انت ماتتدري بشي بس انشا الله خير
حيدر;اني كتلك البنيه عليها اثار ضرب اخرى بعضها قديمه وبعضها حديثه هاي البنيه متعرضه لتعنيف
باوعت له باستغرب
حيدر:هاي المره راح تكدر تاخذها بس فد مره ثانيه لازم نبلغ الشرطه
صكر:انشالله خير اريد اطلعها هسه
حيدر:مايصير كتلك الضربه ع راسها قويه
صكر:اني اتحمل المسوؤليه
حيدر;حتى لو اقل شي لباجر الصبح ماكدر اسوي شي اكتر
صكر:تمام
رحت شفتها بعدها نايمه وسحر يمها
صكر:بعدها ماصحت
سحر:لا والممرضه داتكول سو لها خمس غرزات خياطه
صكر رحت يم الشباك وداشرب سجاره شنو قصه هاي البنيه وقصه اثار الضرب معقوله انطوها لسبب شنو السبب
سمعتها داتون طفيت السيجاره ودخلت
وهي داتهلوس بصوت ناصي: عوفوني ....ماسويت شي ...بابا تعال اخذني يمك..ليش عفتني ....لاتموتني
يمكن للحضه شفقت عليها رجعت نفظت الافكار من راسي وهي فزت بقوه مسكتها سحر
سحر:ع كيفج حبيبتي
اجه مصطفى
مصطفى:شصاير جان عدي عمليه
صكر اخذ نفس:اللي داتشوفه
رجعت تبجي بدون صوت بس دموعها تنزل وسحر تحضنها وهي تبجي بدون صوت
صكر:خل نطلع واكولك
طلعنا
صكر:هاي امي وعمتك واختك مسوين هذا الشي
مصطفى: شنهاي داكولكم حرام والله البنيه مالها ذنب مالها
صكر;بس تظل بنتهم
مصطفى:صكر احنا مو وحش احنا شيوخ لازم نكول مثل مو هيج عدكم شي ويا بن عمها مو ياها
صكر:بس هم انطوها فصيله
مصطفى;مادري شلون انطاهم كلبهم خل ندخل
دخلنا
سحر:اكولك شيخ اني لازم اروح حنان ماكدرت لابني دايبجي مايسكت
مصطفى:خلص انت ظل اني ارجع وياها
وراحو وهي ظلت بدون ولاكلمه واني رحت يم الشباك. جاادخن مادري اتعاطف وياها او اقسي عليها كلام مصطفى براسي هي مالها ذنب اي بس اهلها السبب وهم انطوها طيب اثار الضرب طيب ليش ضحو بيها هي
افكار متضاربه والاهم البنيه ممكن تموت بيدهن ورا يومين اني التحق مصطفى اغلب وكته بالمستشفى وسلام يم اصدقائه والبنات مايكدرن يسون شي
لفتت الها وهي دا تكح وكل ماتسعل تمسك براسها علمود مايوجعها طفيت السيجاره ورحت يمها مديت الها ماي هي تباوع لي وساكته
صكر:خذي اشربي
مدت ايدها وهي داترجف بقوه
مسكته من قوه الرجف الي بيدها وكع بالارض
باوعت الها وهي بدتت تتنفس بقوه
جوري :ان نيي مووو بقصصد والله لا تضربني اني اني اشتري بدله
صكر;اشششش خلص اهدي ماصار شي.
خليت ممرضه تجي تنظف الزجاج وتجيب كلص ثاني طلعت الممرضه
وهي بعدها داتكح صبيت ماي جديد
جوري:م ماريد خلص
تقدمت الها ومسكت راسها بهدو من ورا وشربتها شوي شوي حسيت بتوترها مني.
صكر:نامي يلا
هزت راسها وونامت
كعدت بالكرسي اللي بصفها واباوع لها شنو قصتها هاي البنيه
اجاني اتصال من الشغل طلعت ارد
ورجعت شفتها نايمه والدموع بعيونها
للحضه شفقت عليها ولازم قبل لا التحق احط حد لاارجع وموتنها البنيه مااداتحجي وداتتدافع عن نفسها مدري شنو السبب
+
