قصة جوري 💔(فصيله الشيخ القاسي) حقيقيه🔥
البارت الخامس والعشرون 🦋والسادس والعشرون
_________________________________________
صكر ...
عفت الزفه وكلشي ورايح لبغداد اجيت اروح لكيت نور بطريقي
نور:وين اخويه
صكر'رايح لبغداد ام جوري توفت وبعد ماكو اي داعي تظل هناك
نور'لاحول ولاقوه الا بالله الله يرحمها والفاتحه ماله امها
صكر:ماكو داعي تظل ترجع هنا انتي لاتحجين لاحد لما ارجع
نور...ان شاء الله اخويه
طلعت وحركت السياره ومشيت ورا ساعتين واتصلت امي
ام صكر:وينك يمه
صكر:ليش
ام صكر:شنو ليش اليوم زفتك
صكر;مشغول هسه اني يلا الله وياج
سميره:ها شكالج
ام صكر;مدري شبيه
سميره:الله يستر بس
نور
من كالي صكر انو يروح بغداد زعلت على ام جوري جانت تبين طيبه وجوري اكيد منهاره بس طلع الشيخ يحبها وترك كلشي وراح الها خل اتصل بيها يممكن تفرح من تعرف
نور;الو
ابتسام:الو
نور:وين جوري
ابتسام;منو انتي
نور;كولي لها نور
ابتسام;تمام
جورررري ......جورري
جوري:ها
ابتسام;تلفون الج
جوري:منو
ابتسام...كالت نور
جوري:الو نور
نور:هلا ياروحي شلونج
جوري;الحمد لله على كل حال
نور; البقيه بحياتكم
جوري: حياتج الباقيه تسلمين
نور:عدي الج خبر حلو
جوري:كولي
نور:الشيخ اجه لبغداد علمودج
جوري'شنووو😳
نور:والله شفته وكال لي انو رايح الج
جوري:زين زين اني لازم اروح
نور:ع راحتج
جوري..
من راحت امي واحس الدنيا سوده من حولي سوده من كل النواحي ماكو بعد لاحب ولا حنان ولا سند راحت ورا ابويه راحو كلهم من بقى اليه ولا احد ظليت بس وحيده اجت مره غسلت امي وكفنتها اباوع لوجها شلون شاحب من التعب والمرض
كاعده يم راسها اشبع نظري منها لان بعد ماكدر اشوفها ابد شي صعب هواي تفقد امك مو هين تحس الحياه بدون لاطعم ولالون
وفهد مو راضي يسكت بس يبجي
جوري:ياماما اسكت اسكت ياروحي
ابتسام .. انطيني فهودي
اخذته وظلت يمه واني ابجي يم راس امي
حسين:راح ندفنها ورا الفجر
مر الوقت بسرعه واجو اخذوها احس روحي طلعت وياها انتزعت من داخلي روحي اخذت ابني ونزلت ويا وين ماجنت كاعده وياها ونام فهد واني ظليت ابجي روحها بعدها بالغرفه حسها كلشي احسها موجوده
وغفيت من البجي صحيت للصبح رضعت فهد واحس راسي راح ينفجر. اجتي ابتسام
جوري:هوسه فوق
ابتسام:::ليش اخوج خله لنا صديق والا حبيب الكل متعارك ويا ويغلط ع الرايح والجاي ماكو الا شوي وراحن
جوري:الله كريم
راحت وشوي واندك الباب
جوري:منو
رهف:::هاي اني رهف
كمت وفتحت الباب وهي حضنتني
رهف:عظم الله اجرج الله يرحمها
جوري:امين تفضلي
رهف:جوري ليش هيج وجهج خلي ايمانج برب العالمين قوي
جوري;ونعم بالله
رهف:جوري امج راحت وبعد ليش تظلين يم اخوج الظالم تعالي كعدي ويايه
باوعت الها
رهف:مو يم اهلي اني تزوجت وترملت ورا سنه وحده من الزواج وهسه كاعده يم عمتي الكفيفه اداريها
جوري;ياا الله يرحمه
رهف:يرحم موتاج هسه شكلتي
جوري'مدري بس هسه الفاتحه
رهف:حته ورا الفاتحه اي وكت بيتنا مفتوح الج
جوري:انشالله خير الله كريم
رهف:هاج هذا العنوان
جوري'تمام ح اخليه يمي
رهف:هذا ابنج؟
جوري:اي
اخذته
رهف'يافدوه للعسل اروحلك فدوه ياعمري
جوري'وانتي ماصار عدج طفل
رهف'صار بس من عرفت بخبر استشهاده سقطت
جوري'الله يعوضج ياروحي
رهف'يلا ياعمري اني اترخص لازم اروح علمود عمتي بوحدها
جوري'ظلي
رهف'من تجين نحجي عدي حجي هواي يلا اترخص
جوري:
كل واحد عده قصه مخبيها داخله
كعدت شوي الا ابتسام تعيط لي
جاوبتها من كالت لي نور ان صكر جاي خفت اني بعد ماريد ارجع للذل والاهانه والتعب والخوف ماريد بعد اريد اكمل حياتي اريد اعيش مثل الخلق تعبت واني اكون المنبذوه وهسه ماعندي شي اخسره ووابني ويايه مستحيل ارجع للظيم
رحت بسرعه ولميت شويه هدوم وهدوم فهودي وصعدت شفت بعدهم بالصاله واكو شوي نسوان كلت انتظر شوي خايفه يوصل صكر قبل مااروح
انتظرت ورا العصر وصعدت شفت ماكو احد نزلت اخذت فهودي والهدوم وغلقت الغرفه بالمفتاح وطلعت بهدوء وبسرعه قبل لايطلع احد وماكدر اهرب هاي اخر فرصه والوحيده اللي اكدر ابدا حياه جديده ويا ابني بعيد عن كلشي
حاولت ابعد قدر المستطاع عن منطقتنا ولما حسيت ابتعدت هواي جنت تعبانه حيل كلت ارتاح شويه بعدين اشوف وين اولي شربت فهودي حليب اصطناعي
جوري'وين اروح اذا اجه اليل واني هنا وين اروح هم الجو بارد وهوه واخاف على فهودي يتمرض وين ياربي وين ..
+
ليان ...
'يمه الموضوع مهم ومايتأجل
ام ليان:طيب احجي
ليان:خايفه
ام ليان:يايمه عادي اي عروس تخاف وترتبك شي طبيعي راح تبدي حياه جديده ومستقبل جديدانتي بس سوي الي كلتج عليه ولاتخافين ولاشي
ليان:بس يمه
ام ليان;يمه كتلج لاتخافي هسه خل اشوف الخطار
وراحت
ليان:اوووف يااا اوووف هسه شلووون شلووون
صكر
واخيرا وصلت لبغداد بعد طريق طويل وصلت قبل المغرب نزلت ودكيت الباب
حسين:هاي انت
صكر:اي اني
حسين:اي وشرايد
صكر'مرتي وولدي وين
حسين'اذا تريدهم ليش رجعتهم
صكر'والله لان شفنا انك مو كفو ورامي امك الله يرحمها اللي ماتت بسببكم وسبب اهمالكم
حسين:هذا يومها
صكر'هسه اني ماجي انطيك دروس انت رجال مليان ثوبك وين مرتي
حسين:تمام
دخلت جوه
حسين':: ابتسام .. ابتسام
ابتسام ::'ها ها
حسين:نزلي عيطي جوري تروح ويا رجلها مو ناقص مصاريف اكثر
ابتسام:::تمام
نزلت ادك الباب ماكو اي رد
'جوري ...جوري/.وينج جوري شبيج
ابتسام...حسين ماداترد
صكر'..شنوووو
ابتسام....:والله
نزلت بسرعه وادك الباب بقوه
صكر: جورري جوررري جوري فتحي الباب جوري جاي تسمعيني
ابتسام. والله اخاف صار بيها شي ماطلعت ابد من الصبح
واني بديت احاول اكسر الباب شوي وانكسر نشوف الغرفه ماكو احد والغرفه فاضيه
صكر'وينهااا
حسين:شنو وينها
دخل وجاي يدور
طلع يدورها فوك ماكو
حسين:مو انتتي بالبيت مشفتيها وينهااا
ابتسام:::واني شمدريني
صكر:::وين تروح يعني ووووينننن
حسين:خل نروح ندورها مااظن بعدت هواي
ليان ..
بدت الزفه وزفوني واني ادور شنو اسوي وامي تأشر لي ابتسم واني شوي وارجع لو احد عرف اكيد يذبحوني اكيد شسوي شنو الحل ياربي
ام ليان:وين شيخ صكر
ام صكر:والله مادري نتصل بيه مايرد
سميره'وشلون هسه والزفه والنسوان
ام ليان;والله مادري الوكت بدا يتأخر
ام صكر:خل الرجال يزفونها وعود نطول الهم عده شغل مهم ماكدر يحظر
سميره:ماعدنه غير حل
ام ليان'يمه راح ياخذوج
ليان'شنو
ام ليان:اي صكر ماندري وينه والوكت تأخر. يلا يمه يلا
ام صكر'عذرينا يايمه
ليان:عادي عمه
+
صكر دورت بكل مكان ماكو لفيت بغداد كلها انشقت الارض وبلعتها خل اشوفج بس تاخذين ولدي وتخربين هيننن هينن ياجوري
وتلفوني ماوكف رن صار الفجر ماخليت مكان
صكر:ها الو
مصطفى;وينك اخويه
صكر'ببغداد
مصطفى:شتسوي ببغداد واليوم زفتك
صكر:رحت اخذ جوري طلعت الخاتون هاربه ويا ولدي وياززفه تحجي عليهااا اني بشنوو وانتو بشنوو اكلك اخذتت ولدي وهرربت
مصطفى::
هاي شبيها من شوكت
صكر'كالو الصبح جانت موجوده لفيت كل بغداد ماكو اثر
مصطفى:::بلغ المستشفيات المخافر
صكر;::بلغنه ماكووو بس اشوفها اني ولدي يتأخذذ منييي هينن بس هينن
سديت الخط
ام صكر:شكو شصاير يامخافر يامستشفيات
مصطفى;جوري اخذت فهد وشردت
ام صكر:عززا اللي عزاااها تاااخذ ولدناااا وتهررب
سميره'اني كتلكممم كلتكم لاااتنطوها الولد بس ماتسمعون الحجي هاا نور ارتحتتي هسه
سلام:عمتييي رجاء مرتي مالها اي علاقه
سميره.. اي كلا خايف على مرته خاف على ولد اخوك اللي ماندري وينه اللي ماخذته هااي الحييه
ام صكر'...وهم بنت الناس عروسه وظاله بحدها وخزيااه
سحر;هسه تكون هنا هنا شوي ويعرفو وينها
ام صكر:بس تتدافعنن عنهااا اي اي بس هذا شغلجن بس خللل يجيبهاا هين
ليان.
صعدني الغرفه وخلني ابدل هدومي خففت المكياج واني ارجف شسوي هسه مدري شسوي سمعت صوت عياط رحت اتسمع سمعت الحجي فرحت ع الاقل تتأخر علمود الكه حل الكي حجي اللي ادبره واللي اكوله
جوري..
لكيتها اجتي من الله اروح لرهف بس وين حطيت العنوان ادور بالجنطه يالله لكيته
منطقه بعيده بس احسن وكفت تاكسي ونطيته العنوان ...
