قصة جوري 💔(فصلية الشيخ القاسي )حقيقيه🔥
البارت الثالث والعشرون 🖤
____________________
جوري...
خليت كلشي وراي ورحت بسرعه ركبت اقرب سياره توصل لبغداد عايفه وراي هواي اشياء ..
مادري شنو يصير عايفه وراي ابني وحبي وكلشي الله يدبرها 😔
رخيت راسي ع الكرسي وغمضت عيوني شنو هاي التركمات
وبدت السياره تمشي
واخيرا وصلت ظليت امشي شوي ووصلت يم الباب ورا هالفتره كلها ارجع تقريبا سنتين دكيت الباب وفتحت
ابتسام...(مرت اخويه)
ابتسام:؛:الله الله منووو جورري شنو شمروجججج
حسين؛::جوري؟
جوري;:::وين امي وينن ؟
ابتسام::. امج تحت بالغرفه الصغيره
جوري;شنووو بالمخزن الجوه شنوووو
حسين:والله اني ربعي كل يوم هنا وخطار وهي كله تون وتصيح
ابتسام :::اي واحنه نستحي منها
جوري...'حسين شلون شلون تقبل هيج
حسين:بعد هذا الواقع واني مارميتها بالشارع
جوري:لا هم ارميهاااا ارميهاا
ابتسام:::بس باين العز عليج
جوري:وخري بس
نزلت بسرعه شفت الغرفه القديمه وامي نايمه ع الجربايه
رحت بسرعه بست راسها وايديها
جوري؛؛'يمه يمه 😭😭
ام حسين:)"جوري…هلا يمه شفتح قبل لااموت
جوري بدموع;اسم الله عليج يمه
ام حسين;شلون كدرتي ترجعين
جوري:مو هسه بعدين اكولج
ام حسين;اني اصحه وانام وادعي ربي يخيلني اشوفج قبل لااموت
جوري::لاتكولين هيج يمه عمرج طويل
ام حسين;يمه الزمان تعبني يايمه اولادي اللي كلت سند وظهر ذبوني هنا يايمه ذبوني يذلوني حته على الاكل ليش يسوونه يايمه خل ربي ياخذ امانته وارتاح يمه وجع المرض مو شي يم وجع كلبي من تجيبين وتربين وتكبرين وتالي يسوون بيج هيج ااه يايمه ااه
جوري:::يمه اني يمج هسه والله مايكدرون يسوون لج ايشي واني يمج وان شاء الله تتعافين وترجعين يمه
هسه اصعد وارتب غرفتي واصعد وياج فوق
ام حسين:غرفتج انطوها لبنت حسين يايمه بعد ماعدنه مكان
جوري::ولايهمج يمه اني عندي فلوس وعدي ذهب حتى لو ابيعه كله علمودج مايغلا عليج يمه
انتي بس ارتاحي اني اسوي كلشي
كمت ورتبت الغرفه من التراب والغراض عليهم غضب الله حوبتي اني وامي ماتتعداهم ان شاء الله
مسحت كلشي وفتحت الشبابيك ومسحتهن رجعت الغرفه تلمع ونضفت الدرج وكلشي لازم اخلي كلشي مطهر علمود امي ودخلت للحمام ونضفته ورتبته واخذت امي وغسلت الها وطلعت الها هدوم وبدلت الها ورجعتها مكانها وشغلت الها التلفزيون رغم انه قديم بس ولاتظل ملانه
وطلعت اشتريت اغراض وعناد بيهم سويت ع كدي اني وامي واخذت الباقي ونزلته ويايه اذا هم خباث احنا اخبث منهم ماحد يتعامل بالطيبه وياهم
جوري:::هاج يمه اكل يفتح النفس من ايدي
ام حسين:::ماشتهي يمه شوفتج تكفيني
جوري:::لايمه بعد من هسه تأكلين زين وتشربين زين وباجر نروح للمستشفى اني اعوضج يمه
بديت ااكلها
ام حسين:::يمه سامحيني يمه
جوري:::يمه على شنو انتي مالج ذنب
ام حسين:::ترجيت اخوج يسأل عليج ماقبل ترجيته وبست ايادي علمود اطمئن عليج بس محد طمني عليج عدني المرض يمه سامحيني
جوري:يمه والله مابكلبي شي عليج اني وياج مالنه ذنب
ام حسين:وشلون عشتي عدهم شلون
جوري:عشت والحمد لله صار حته عندي ولد يمه
ام حسين:وينه يمه وينه
جوري;ماقبلو اخذه ويايه
ام حسين:حسبي الله شلون ابنج صغير شلون ياخذونه
جوري:::يمه حاولت بس ماكدرت اخذه بس ابني مايقبل ينام غير ويايه ولايظل الا ويايه راح يجيبونه اليه هسه تشوفين
ام حسين:ادري كلبج ناطف عليه بس تكابرين
جوري:اول يوم ماشوفه الا الصبح وهسه راح تصير ب 9
ام حسين;اااه يمه هذا يمج يووم تخيلي واني سنتين واني هيج كلبي ينكط دم عليج
ابتسام...;الله الله والله وصرتي سنعه
جوري:مالج علاقه مو انتي داتحسيها ثكيله عليج بعد مانريد منج شي ولي
ابتسام:::طالع الج لسان اسم الله
جوري:::اي بعد تحسبين جوري الاولانيه لا ياكلبي الزمن من كد ماقسى عليه خله كلبي حجر
ابتسام:::هههههه صدكتجج
جوري::هسه انتي شتريدين
ابتسام:::ماريد
جوري::لعد طلعي
ابتسام::'جوري لاتنسين عمرج
جوري:;ليش شراح تسوين روحي احجي لحسين ونزلي دمعتين
ابتسام ::بعد اخوج عده سالفه غير العروس الجديده
جوري:::ليش تزوج اخويه عليج 😳
ابتسام:اي تزوج وحده بعمر امه
ام حسين::يمه الطمع يعمي يايمه شمر امه علمود الفلوس
جوري:والله يالله
ابتسام:::اي وياعسل تراجي واساور وهاي شنو عقد باسمج واسمه انخلق الحب لو شنو
جوري:::وخري ايدج
ابتسام:؛؛:اي بعد منو يوصلج مرت شيخ
جوري:::ابتسام تره مالي خلكج
ابتسام :: يله باي
+
جوري:يمه ووينه احمد
حسين:تزوج وسافر برا العراق ويا مرته
جوري:امم
صكر ::
بعد ماراحت جوري حاولت امنعها لان رغم كلشي اني حبيتها اريدها تظل ماريدها تكسر حجي لزمتها من فهد بس راحت وماهتمت لشي خل اشوف شكد تتحمل جان يومين واخذها لامها تشوفها بس اشوف العناد وين راح يوديها
اخذت فهد وصعدت الغرفه وياها وهو دايلعب بيديه ورجليه نمت وهو هادئ صحيت وهو يبجي اخذته لنور وظلت وياها
نزلت شفت امي
ام صكر;يميمه تعال اريد احجي وياك
صكر:هلا يمه
ام صكر:هسه انت وولدك يحتاج الكم من يخدمكم يشوف طلباتكم وولدك صغير ونور ماتكدر تظل وياه طول الوكت
صكر:يمه والمطلوب
+
ام صكر:تتزوج
صكر:البنيه توها رايحه
ام صكر:انت تتدري من زمان خاطبينها بس هم هسه نسوي خطوبه رسميه
وبعدين عرس
صكر:تمام يمه سوي اللي يعجبج
1
ام صكر:صدك يمه يووم المنه كلووووووش
صكر:يلا اني اترخص
اصلا هسه صدك جوري تعذبت هواي بهذا البيت مستحيل ترجع وولدي يحتاج تربيه وعنايه وامي راح تظل تلح لحتى اتزوجها
فقبلت وفضيتها
رحت طلعت ويا شاهين وارجع البيت وهي ماكو ولابالغرفه اخذ فهد منهم واصعد انام وياه فقط
جوري. ..
مر شهر واني انام واصحى وبالي يم ابني اريده احس راح اموت اريد اشوفه ومن انام واسمع ون امي اصبر نفسي واكول امج هاي هم بس شلون صكر كادر يبعد ابني عني كل هاي الفتره ولاحتى اعرف شبيه ولا شخباره اريد اشمه اريد اضمه بحضني كل يوم احلم بيه حضني بارد😔 بدون مانكر شوقي المميت لصكر هم بس لازم اتحمل علمود امي
صكر::
مر الشهر صح فهد يأكل شوي وغصب والكل مداريه بس يبجي بلا سبب اكيد يحتاج حضن امه وصاير يتعب هواي وبعد ماكو نفس اللعب والضحك بدا يضعف ويشحب نروح لدكتور وهما يكولون نفس الحجي كل يوم
بس مع كل الادويه بس ماجايفيد وياه شي ودايتعب وبس يبجي
سحر;::اني اكولكم والله الولد يريد امه مفتقدها شكد مانكون وياه تظل امه
نور:::اني وياها خذوه لامه
ام صكر:لا مايرووح شنو يروح يظل يوم يومين ويصير زين
نور:::عمه صار ثلاث اسابيع والولد مايفيد وياه شي صدكونا اخذوه لامه
مصطفى::;صكر لاتنسى هم هي امه يعلم الله شنو حالها بدونه
سميره:::يعلم الله شلون عيشتها شنو تأكله شنو تشربه
سلام:::اخذه اجر خل نشوف اذا صار الولد زين لو رجعه مابيصير شي
ليان:بس اني مو مقصره وياه
نور:::ماكلنا مقصره بس يريد امه طفل بالنهايه
صكر:تمام خلص سكتو باجر اخذه لامه واذا ماصار زين اخذه واروح لاكبر دكتور يشوف شبيه
يتبببببع ..🦋
