قصة جوري 💔(فصيله الشيخ القاسي) حقيقيه🔥
البارت الرابع والعشرون 🖤💔
_______________________________
صكر :::
سلام باجر الصبح تأخذ فهد وتوديه لامه
ام صكر:يمه شلون تقبل هيج
صكر;فتره وارجعه
ام ليان:هم لاتنسين عرسهم قرب لازم يجهزون نفسهم
ليان'اي صحيح عمه
صكر'نور صعدي رتبي اغراض فهد بالجنطه
ليان::اني اصعد
صكر::اني منو كلت
نور'::حاضر شيخ
صكر:روح لامك ترتاح وتتعافى وارجعك لبيتك انت الشيخ هنا
انت بس صير زين
نور:هاي الملابس
صكر:خذيهن يمج
نور:حاضر
الصبح
اجه سلام اخذه وودعه الكل واخذه وراح
نور'سلام خذني وياك
سلام:شتروحين تسوين
نور:اشوف جوري اشوف امها خطيه تكون تعبانه حيل
سلام::ماعدي وكت عدي شغل اروح انطيها الولد واروح
نور::لو سمحت سلام هو يوم طلبت منك لاتردني عفيه
سلام::نور
نور::::لوسمحت
سلام:امري لله حاضر تعاي بس اذا عرف الشيخ او امي مايقبلون تروحين تكولين حروح لاهلي وابات يمهم
نور;تمام ح اكول هيج
سلام;وبس ل8اخذج مو توصلين تريدين تنامين
نور:لا شنو انام
سلام:يلا نامي ورانا طريق طويل لبغداد
نور:بس انت رحت لهناك من قبل
سلام:لا
نور:لعد شلون راح تعرف المنطقه
سلام:الشيخ كالي العنوان
نور:همم
سلام;اي يلا نامي
صحيت الصبح غيرت هدومي واخذت شويه فلوس اكيد تكون محتاجه فلوس ونزلت
ام صكر:وانتي وين على الله
نور:رايحه بيت اهلي
ام صكر;شنو المناسبه
سلام:لا ماكو مناسبه بس اوصلها على طريقي
صكر:تمام يلا علمود ماتتأخر
سلام;يلا نور
طلعنا للحديقه ويانا الشيخ
صكر:اخذ هذني انطيهن الها اكيد تحتاجهن علمود فهد
سلام:::مو كلت اشترى لفهد كلشي
صكر:::اشتري واخذ هذني هم يلا الله وياك
سلام:على امرك اخويه ...
جوري: :
يمه اكلي زين علمود العلاج تتدرين بيه قوي
ام حسين:ماشتهي يمه
جوري:يمه لخاطري
ام حسين;يمه شلون اكل وانتي لاتاكلين ولاتشربين ولاتنامين بالج كله يم ابنج تحسبين مادري عنج
جوري'الله كريم يمه هسه انتي اكلي
ام حسين;من اريد ح اكولج
جوري:الله يمه
ام حسين;يمه شلون وضعج ويا مرت اخوج
جوري'يا وحده
ام حسين:حميده من يعني
جوري'حسبالي تقصدين ابتسام .مااختلط وياها بس اصعد اروح اشتري اغراض واسوي الاكل ماحجي وياهن بس اشوف شلون ابتسام خاضعه لها
ام حسين:خاضعه يايمه اخوج ومرته مستعدين يبيعون كرامتهم علمود الفلوس هسه اخوج مايشتغل وهي تصرف عليهم
جوري.:بس ماحجيتيلي شلون تعرف عليها
ام حسين;هي من منطقه قريبه النه وهو جان يشتغل يمهم وجان يشوفها وهي تتطلع وترجع هي يايمه ارمله وجانت تروح من بيت لبيت تقضي وقتها ماعدها لاولد ولاسند مره تقدم راحتها على اي شي واخوج تعرف عليها وكدر يخليها تتزوجه وهي مره غنيه عدها اراضي وفلوس تسد عين الشمس من زوجها المرحوم جان غني واخوج تزوجها علمود فلوسها وابتسام تخدمها علمود الفلوس حته غرفتها تنظفها ابتسام وماتفتح حلكها بحجايه وحده
جوري:الله الله يمه لوين وصلو
تستمر القصة أدناه

ام حسين'اي واخوج احمد تزوج مره سوريه وسافر وياها يم اهلها
ابتسام:
ياخاتوون تعالي اكو مرره تريدج
جوري تريدني اني ؟
ام حسين'روحي يمه شوفي منو
رحت
جوري::::نوررر هلا هلا شلوونج شخباررج
نور:اني زينه انتي شلونج
جوري:اني زينه شلون جيتي منو جابج
نور'عدي الج مفاجأه
جوري:شنو
شفت سلام جاي وبيده فهودي
ركضت بسرعه واخذته منه وحضنته😭😭 يالله ردت روحي من رجع الي دمعن عيوني
سلام:شلونج
جوري'تمام الحمد لله زينه تفضلو
سلام:::لا اني ح اروح يم واحد صديقي ونور تظل يمج للمساء واجي اخذها
جوري::تمام تمام
سلام::'يلا اودعناكم
جوري::;الله وياك تعالي تعالي دخلي نزلت وياها يم امي
جوري:::عذرني نور بيتنه المتواضع
نور:::لالا عادي
جوري:::هاي امي
نور::'هلا خاله بست راسها
ام حسين::'هلا يمه
نور'شلونج شلون صرتي
ام حسين:الحمد لله على كل حال يمه
جوري:تفضلي كعدي باعي يمه هذا ابني
ام حسين'بسم الله مشاء الله الله يحفظك يايمه الله يحفظك
جوري:بس ليش هيج ضعفان
نور:كولي الحمد لله هيج الولد من رحتي ماتعافى
جوري:سوده عليه يمه وليدي😔
نور'وماجابوه هسه الا من شافه هيج
ام حسين:يي يمه الولد من يريد امه يتعب ويتمرض
نور: كتلهم ياخاله ويالله اقتنعو هاج جوري
جوري:ليش كلفتي على عمرج اني اسوي غده
نور:لا اني مشتهيه اكل مطاعم وعمتي ماتقبل تتدرين بعد
جوري:؛:هههه تمام
نور'وهاي اغراض لفهودي
خلصنه غده ونومت فهودي وامي نامت وضليت احجي ويا نور
نور
بس هم عرس الشيخ وليان ورا اسبوعين
جوري'احم اا الف مبروك
نور:حته الشيخ ماحسه فرحان
جوري'بعد بكيفه
نور'وامج شلون صارت
جوري'بيني وبينج الدكتور دايكول حالتها متقدمه كلش ومادري
نور'ياا ليش
جوري'لانها صار هواي تعاني منه وحسين مااخذها للدكتور واتأزمت حالتها
نور'حسبي الله عليه
جوري'والله مادري دانطيها العلاج والجلسات وكلشي بس مادااشوف اي تحسن
نور'سوده عليه
جوري:الله كريم
نور'هاج هذني من الشيخ
جوري'ماريد عندي
نور:كالنور:كال لابنه
جوري'عندي
نور'لاتعاندين اخذي وهاي مني
جوري'نور والله عندي
نور:تريدين ايدي احسبيها دين رجعيهم
جوري:والله مادري
نور'خذي بس
+
جوري ..
من عرفت الشيخ راح يتزوج احس مثل السكين اللي انغرزت بصدري بس حاولت اتمالك نفسي قدر المستطاع كدام نور
بس من راحت نور رحت للحمام ضليت ابجي لحد ماتعبت😭😭 لحد ماحسيت عيوني وجعني بسرعه باعني بسرعه قرر يعيش حياته ع اساس هو يحبني انتي فصيله ياجوري فصيله اصحيي
طلعت شفت امي رجعت تنام العلاج دايتعبها هواي
رحت يم فهودي وهو ديلعب
ع الاقل رجع لي روحي ويا فهودي بس اي وكت يجي ياخذه
جوري':: ياوليدي تتدري ابوك خلص راح ويا بنت شيوخ من مقامه واني اللي حسبالي يحبني طلع بس جان يشفق عليه ومن اقرب فرصه قرر يكمل حياته ويا غيري ويتزوج ويبني حياه جديده يايمه
ام حسين:يمه…يمه
مسحت دموعي بسرعه
جوري:هلا يمه
ام حسين:اريد ماي
جوري'هاج يمه
شربتها ورجعت تنام
.
.
مرت الاسبوعين بسرعه واني بس افكر باقي بس ايام قليله وافقد اخر امل من حب الشيخ اليه وتعب امي دايزيد يوم عن يوم وصايره ماتاكل ولاتشرب بس تنام وتصحى بس تكلي ديري بالج على عمرج وعلى ابنج واني اخاف عقلي مشتت من كل مكان من جهه صكر ومن جهه امي
وصار يوم الاربعاء يعني باجر هو يوم الفراق النهائي اللي لابعده رجعه اني نايمه يم امي وفهودي بحضني ودموعي ينزلن😭😔 اكيد هسه فرحان والكل فرحان بعرس الشيخ المنتظر واكيد عقدو وصارت حلاله ومرته كدام الله والناس فزيت على صوت امي
ام حسين;::يمه انطيني ماي
جوري:انتي يمه بس تشربين ماي اكلي شلون
وصرت اشربها شوي شوي
ام حسين:::يمه ماحد سأل علي
جوري:::ليش يمه تسألين
ام حسين:::يمه الله يرضي عليج ليوم للدين كلبي وربي راضيين عليج يايمه
جوري:::يمه شكو
ام حسين:::ابوج يسلم عليج يايمه
جوري::ابوي يمه شبيج
رجعت تنام
غفيت واني كاعده وفهودي بحضني
صحيت على امي وهي تشهقق بقوه
حطيت فهد يمي'يمه يمه شبيج يمه
وهي على نفس الوضع خفت اكتر طلعت لباب
جوري:حسسسسسيين ياحسييين تعااال
حسين:شبيج تعيطين
جوري:امي امي مدري شبيها
حسين::'شبيها
تعداني ودخل
اجه يلزم ايد امي امي بعدت ايده رحت اني يمها
جوري'يمه يمه شبيج يمه
وحطت راسها على المخده وطلع من حلكها لعاب
جوري'يمه يمه يممهههه ولج يمه جاوبيني 😭😭😭
وصار فهد يبجي
جوري:يممه
حسين:لاحول ولاقوه الا بالله لاحول ولاقوه الا بالله
جوري:هسهه جااي تكووللل هيججج كلله بسببككككك وبسببككممم كللكممم مو انتو اللي عفتوهااا تموت لوحدهااا على البطيييييء مو انتوووو لو جااااان من البدايهههه راحت لدكتوررر ماجاااان تعبت لهاي الدرجهه الله لايساااامحكممم الله لايسااممحكم حسبي الله ونعم الوكيل
حميده;::انتي شماللج تتحسبين علينهه هذاا يومهاا
جوري:ونعم باللله بس تتدورروون انها ماتتت وهيه ماراضيييه عنكم وانتتت يحسيين اللي جانتتت تفضلك على الكلل تاليييي شلوون جازيتهاااانت شلووون ذبيتهااا كل مره اكوولها يمه ح احجي تكول لااااا لاااا
لكن ماكول الا حسبي الله عليكم حسبي الله عليكم
ليان :::
من وكت من عرفت الخطوبه ح تصير رسميه جان لازم احجي لاي احد بس مادري منو منو اللي ح يوكف ويايه ويساندني بهيج مصيبه اني بيها جان الوضع جدا متوتر ومن ا جه الشيخ وسوينه خطبه مر الوكت وصار اسبوع العرس من خلال الفتره اللي مرت حاولت اتقرب من صكر قدر المستطاع من خلال التعامل الاسلوب الاهتمام يمكن لو حبني يستر عليه بس اشوفه جاف ومامهتم ولا معبرني هاي الفصيله ماخلت لي مكان ابدا. وامي تكول بالايام راح يتعود ويحبج وهاي الفصيله لعد ولت وراحت وخلصنه منها بس الخوف الاكبر شلون جان موقفه من عرف بسالفه حنان فهسه راح يعرف بنفسه ولا ح يدور دليل ولا اثبات طيب وابويه والجميع شلون احنا شيوخ وبسببي راح تصير رؤسهم بالارض بس هسه لازم الكي حل لي والهم مادري و اي حركه غلط مني او تصرف ممكن يوديني في ستين داهيه لازم انتظر بس الوكت مر بسرعه وصار اسبوع العرس قررت احاجي امي
وبيوم الحنا ماشفتها من النسوان والخطار والطالع والجاي كلت ليوم الزفه وعود احجي لها واللي يصير يصير بعد ماعدي اي حل
ومن اجه ليله الحنه ماباوع لوجهي حته بس لبسني الذهب وطلع ماقبل جنه يتصور والتصرفات هاي تخلي الخوف يكبر
وبالصبح مال الزفه كلت احاجي امي واصارحها بكل شي وهي تكلي شنو اسوي
ليان:يمه
ام ليان:هلا يمه
ليان:اريد احجيج بموضوع بس خايفه
ام ليان:لاتخافين احجي اني امج
صكر ::
هسه فضت الغرفه منها ومن فهد صرت حتى اكره الغرفه اظل بس طالع من البيت وحتى مع العرس اخذت اجازه ومالتحقت علمود اروح واشوفه واشوفها وياه وحركات ليان المايعه والاسلوب ابدا ماحرك شي بداخلي او خلاني اميل الها حب جوري الجبير اللي دخلي منعني اني اخونها او اشوف غيرها
مصير مجهول ومستقبل معتم
وصار اسبوع العرس ومن رحت للخطبه ماباوعت حتى لوجها ونفسه سويت بالحنه ماشفتها ولابسويت بالحنه ماشفتها ولاباوعت الها حته بس لبستها وطلعت مع الحاح امي ظل تصور ظل مدري شنو بس اني اريد اروح احس هذا الشي لااني مرتاح بيه ولا اريد ارتاح كل تفكيري بجوري وبفهد فقط
وبالصبح مال الزفه وصلني خبر وفاه امها لجوري وحسيت هذا طرف الخيط اللي اني منتظره من زمان ...
3
يتبببع ....🦋
