﷽
على بركَةِ الله نبدأ
تابعوا الحِساب لُطفًا @zeza_28
ولا تنسوا التَصويت والتعليق بين الفَقرات
• • • • • • • • • • • • • • • • • • • • • • • • • • • • • •
بين ضجيج جِدرانهُم
وأحزان أفراحهُم
عِواء كِلاب الحِراسَة
طلقات ناريّة تهرج وتمرج جُدران البيت
تهليلات نِسائِهُم
وبين شهقات تشُق صدر مِن ترقد بجانبي
آردفت بـ صيغة أمر طاگة روحي مِن خوفها
:: كافي أُسكتي طوختيها ترا
نهرتني بـ صوت مُتحشرج مِن كِثرة بُكائِها
:: شلون آسكُت وأنتِ هيچ صار بيچ بسببي
سكتت ثواني معدودة ورجعت گالت بـ نبرة نادمة
:: بسبب غبائِي چان المَفرُوض مَا أنزُل، أساسًا ليش نزلت شِعندي وتصخمت
تنهدت بـ تعب مِن كِثرة شرحي لـ الموضوع وبَعدها علىٰ نفس القوانة
:: أولاً مو سَببچ ولا بسبب غبائِچ، صَح أنتِ غبية وما تفكرين بَس هَالمرة مو بسبب غبائِچ
رجعت أردفت محاولةً آغير فكرتها
:: آزِر السبب لولاه مَا صار الي صار بس الچبير الواعي حَط عقلة بعقلچ،
بَعدين أنتِ تعرفيهُم بس يريدون يخلصون مِن عِدنا
رجعت تعالت شهگاتها وعويلها وتصاعدت وياه تنهيداتي
هاي شلون رح تفهم أنُ مو سَببها؟
عَقلها متمدد بي طفل عَنيد
لا هيَّ القابلة تسكُت وصدعت راسي بـ بُكائِها المُستمر مِن البارحة نمت وگعدت بعدها تبچي بـ خنگة
ولا هيَّ القابلة تصدُك أنُ مو غلطها علىٰ العكس هوَّ غلطي بـ المرحلة الأولىٰ لأن ما قفلت الباب
وغلط آزِر الي حَط عقله بـ عقلها رُغُم هوايَّ حذرته يبعد عَنها لأن الحِساب حَـ يكُون عَسير وفعلاً
تنهدت بـ ألم ..
أخاف عليها عِندها ربو ومرض قلب شگد حاولت أهديها ماكو وگعدت الصُبح البخاخ يمها يَعني چانت رَح تختنگ وتلاحگت نفسِها معَ ذلك مُستمرة بـَ بُكائِها
تقربت عليها شبگتها لـَ صَدري وهيَّ بلشت تهدء تدريجيًا
الطفلة چانت رايدة حُضن وأني ولا فهمتها
ضحكت بـ سُخرية
:: چنتي تبچين قبل شوي أشو بس حُضنتچ سكتي؟
مَعقولة الطفل الي براسِچ چان يريد حُضن يلمه؟
أنت تقرأ
چوفَانَا وَالرِدَاء الأحمَر ( متوقفة )
Mystery / Thrillerفِي بيتٍ مّملوء بالكَراهِيَة وَالحِقد يَتربَىٰ الأَطفَال الذُكُور فيهِ عݪىٰ حَقن الدِمَاء وَالظُلم وَتُربَىٰ الفَتيات مِنذُ الصِغَر عݪىٰ الخِضُوع والعُبُودِيّة صَغِيرُهُم يَقتلُ المَساكِيَن وَيستَبِيَح ذَبحَهُم وَيُصَفِق لَهُ كِبارِهُم وَتَباركُ لَه...
