بسم الله الرحمن الرحيم 😍تفاعل حبابين
،،حسن،،
من اخذت حسابها احس الدنيه ماوسعتني من الفرحه اريد اطير من الفرح
رجعت للمخبز واشوف عزوز يباوعلي بطرف عينه ويغمزلي باوعت بتجاه الي ياشرلي عليه لكيت صاحب المخبز منتضرني نزلت من السياره كبل من دون مقدمات ويما سلمت عليه كام يحجي عليه وليش عايف شغلك وليش انته مهمل ومن هل حجي بس اني تجاهلته لن فرحتي مااريدها تخرب طبيت اخبز وهوه راح ابو المخبز اجاني عزوز
عزوز
-ها ولك بشر حصلت شي مبين عليك مامحصل شي وجهك يتلاطم احجي لاتخليني. امضرط
حسن
-ولك شكلك وشحجيلك يعزوز يخوي خلتني فرجه ماكو غلطه ماغلطتها عليه وماكو سب وفشار لعبت لعب بيه هيه ومها
-بشرفك وانته هيج سكتلهن بس خاف جفصت يمعود اني اعرفك طلي بهيج مواقف مادبرها لو اني حته يوزر حبوبتها اخذه
هوه يحجي هيج واني صلخته بعلابي وشردت وهوه يركض وراي بل حذاء مالته
اخر شي وكفت نكطع كلبي من الركض والضحك لزمني دك دفرات صحت بي كافي خلي اسولفلك شصار بل ضبط ونجب اني ادبرها واخذت حسابها مو يوزر حبوبتها شسوي بي قابل اني مثلك ادور عجايز وبقينه نضحك ورجعنه لشغلنه
لليل قررت اراسله
جومانه
.
.
من لزم يدي احس كل جسمي كام يرجف وتفاجئت بروحي من انطيته حسابي بهل سهوله
كلت بيني وبين نفسي هاذ بس لايضحك عليه ليش اني هيج بساع امنت شجاني اني صافنه هيج ومااحس غير امي كامت صيح جومانه جومااااانه رديت هاا ماما كلتلي سوينه عشه
لليل راسلني عرفته هوه غلست كلت بس لاارد بساع وكول عني خفيفه غلست وماردت اجاوب بس هوه لح زياده عن الزوم
. المحادثه.
حسن،
الوو مرحبا جومانه
الووو مرحبا
الووو شنو ليش تغلسين الووو
جومانه رديت بكل برود
منو
كالي اني حسن شبيج غير انتي انطيتيني حسابج
جاوبت وانته ماصدكت علئ الله وراسلت شبيك ترا دا تزعجني
حسن ~
-لاوالله جا المن انطيتيني الرقم غير علمود انكد عليج وضحكت وبقينه نتراسل ماحسيت غير صارت بل 1بليل اترخصت منها ورحت اريد انام اجاني عزوز
عزوز
-هاا ولك اليوم تضرب اركان لازم عندك شي وشبيك تراسل وتتبسم هااا شكككوووو ترا كام الفار يلعب بعبي يعني طحت طحت بعد مابيك مجال عشقت امداك يا زمال
حسن
هوه يحجي هيج واني صافن عليه كمت حضنته وخليت راسي بركبته وهمست بذنه
-شنسوي يا ناس وبل عشق طحنه جنه فوك النجم واليوم طحنه هاك الكلب بيدك يعزوز وبيدك حيل اطحنه
